Sunday 17 November 2019
Home      All news      Contact us      English
tert.am - 1 month ago

Քանի որ գերտերությունները խուլ ու համր են դարձել, նրանց կոչով դիմելը սխալ է, ուրեմն քրդերը կպայքարեն այնքան, ինչքան կարող են դիմադրել. ՀՀ քրդական համայնքի ղեկավար

Քուրդ ժողովրդին ցեղասպանելու ծրագրեր Էրդողանը նոր չէ, որ ունի. Tert.am-ի հետ զրույցում ասաց Հայաստանի քրդական համայնքի ղեկավար, Ազգային ժողովի պատգամավոր Կնյազ Հասանովը անդրադառնալով Թուրքիայի կողմից Սիրիայի հյուսիսում սկսած ռազմական գործողություններին: Նա միայն իր երկրում՝ Թուրքիայում, 20 մլն քուրդ ժողովրդի 20-30 տարիների ընթացքում ենթարկել է բռնությունների ու ցեղասպանության: Նույն Թուրքիայում շուրջ 8000 քրդական գյուղ է ավերվել թուրքական իշխանությունների կողմից, հարյուրավոր գյուղեր վերացվել են նաև Թուրքիայի ձեռքով Սիրիայում ,-ասաց Հասանովը: Ըստ քուրդ պատգամավորի՝ Սիրիայում իսլամիստները մտան հենց Թուրքիայի հովանավորությամբ և 10 տարի առաջ հարձակվեցին քրդական Քոբան քաղաքի վրա: Այն ժամանակ Թուրքիայի կողմից պլանավորած էր, որ Քոբանից քրդերին հանեին, և այդ նպատակը ցանկանում էր իրականացնել իսլամիստների ձեռքով: Իսլամիստները Քոբանում 450 կանանց և երեխաներին մորթեցին և հրապարակավ տեսանյութեր տարածեցին, որպեսզի տեղի քրդերը վախենան և իրենց բնակավայրերից փախչեն, սակայն քրդերը հակառակն արեցին, ստեղծեցին ինքնակառավարման մարմիններ, ինքնապաշտպանական ջոկատներ կազմավորվեցին տղաներից, նաև աղջիկներից և շուրջ 10 տարի է՝ պատերազմի մեջ են իսլամիստներ հետ և գնալով հետզհետե սկսեցին իսլամիստներին հաղթել ,-ասաց Հայաստանի քրդական համայնքի ղեկավարը: Ըստ նրա՝ քուրդ ժողովրդին այնուհետև Միացյալ Նահանգները սկսեց օգնել, զենք ու ռազմական տեխնիկա տրամադրեց՝ հաշվի առնելով, որ լավ են կռվում իսլամիստների դեմ և արդյունքում մի շարք այլ քաղաքներ քրդերի միջոցով ազատագրեցին իսլամիստներից: Թուրքիային, իհարկե, դուր չէր գալիս քրդերի առաջխաղացումը, Էրդողանը սուտ հերյուրանքներով հոխորտում էր, թե նրանք ահաբեկիչներ են, մեր անվտանգությանը սպառնում են և արդյունքում, փաստորեն, նրանց հաջողվեց ԱՄՆ-ին, նաև ՌԴ-ին համոզել, որ ինքը ահաբեկիչների դեմ է պայքարում, ոչ թե քրդերին ոչնչացնելու խնդիրն է լուծում: Այստեղ խնդիրն այն էր, որ ԱՄՆ-ի և ՌԴ-ի հակամարտությունն իր դերն ունեցավ, ինչից օգտվեց Թուրքիան: ԱՄՆ-ն կարծես հանդես էր գալիս քրդերի խնդիրը լուծելու առաջարկով, որ ձեր հողերը հետ կտանք, սակայն վերջին ժամանակ Էրդողանը նորից սկսեց ԱՄՆ-ի հետ խաղեր տալ, իբրև նա ՆԱՏՕ-ի անդամ է, և S 400 գնեց ՌԴ-ից, հետո իբրև ԱՄՆ-ից F 35 պետք է գնի, արդյունքում թե ԱՄՆ-ն և թե ՌԴ-ն քրդերին թողեցին մեն-մենակ, Թուրքիայի բանակի առջև ,-ասաց նա: Կնյազ Հասանովը նշեց, թե քրդերին ոչնչացնելով՝ իսլամիստների համար են ճանապարհ հարթում: Քրդերը մնացել են մեն-մենակ, և սա միակ նախադեպը չէ: Աֆրինի վրա երբ նախանցյալ տարի կրկին թուրքերը հարձակվեցին, նույն իրավիճակն էր, ԱՄՆ-ն քաշվեց մի կողմ, ռուսները ձեռքները լվացին, և Թուրքիան հարձակվեց: 3 ամիս մեր ժողովուրդը դիմադրեց, չէր թողնում մտնեին քաղաք, բայց օդուժի ռմբակոծություններից և խաղաղ բնակչության կոտորածից հետո վերջապես գրավեցին Աֆրին քաղաքը, ժողովրդին քաղաքից դուրս հանեցին լցրին ճամբարներ, որտեղ նրանք մինչ օրս մահու կռիվ են տալիս: Հետո Սարիկա քաղաքի վրա հարձակվեցին, 30 կմ խորությամբ, 120 կմ երկարությամբ գրավեցին քրդական տարածքները, իբրև ասելով՝ Սիրիայի փախստականներին ենք այդտեղ տեղակայում, բայց իրենց ազդեցության տակ գտնվող իսլամիստական ճամբար են ստեղծում: Ես համոզված եմ, որ իսլամիստները եթե մտնեն այդ տարածքներում ապրեն, դա աշխարհի համար չարիք կլինի, չարիք կլինի և ՌԴ-ի, և ԱՄՆ-ի համար, առավել ևս Մերձավոր Արևելիքի ,-ասաց նա: Այս պարագայում, Հայաստանի քրդերի միության նախագահը միջազգային հանրությանը և գերտերություններին կոչ հղելու և աջակցություն փնտրելու իմաստ չի տեսնում. Այսօր գերտերությունները խուլ ու համր են դարձել, ԱՄՆ-ն իր զորքերը սահմանից հետ է քաշել, քրդերին թողել են մեն-մենակ: Թրամփը հայտարարեց՝ մենք ժամանակին քրդերին զենք ենք տվել, փող ենք տվել, թող Մերձավոր Արևելքում իրենց համար կռիվ անեն: Այդպիսի գերտերություններին կոչով դիմելը, կարծում եմ, սխալ է, իսկ միջազգայի հանրությունից որոշ չափով իրենց ձայնը բարձրացնում է Եվրոպան և ՄԱԿ-ը, բայց դա էլ կարծես թե քաղաքական հայտարարությունների շրջանակում է, ոչ մի գործնական հայտարարություն չկա, և ուրեմն քրդերը կպայքարեն այնքան ժամանակ, ինչքան կարող են դիմադրել, նրանից հետո Աստված օգնական քուրդ ժողովրդին ,-ասաց նա:

Related news

Latest News
Hashtags:   

գերտերությունները

 | 

դարձել

 | 

նրանց

 | 

կոչով

 | 

դիմելը

 | 

ուրեմն

 | 

քրդերը

 | 

կպայքարեն

 | 

այնքան

 | 

ինչքան

 | 

կարող

 | 

դիմադրել

 | 

ՀՀ քրդական համայնքի

 | 

ղեկավար

 | 
Most Popular (6 hours)

Most Popular (24 hours)

Most Popular (a week)

Sources