Friday 18 October 2019
Home      All news      Contact us      English
tert.am - 7 days ago

Գուցե, միտումներ կան ինչ-որ բան անելու, բայց լիարժեք, կշեռքի նժարին դրված, իրականացված գործեր չկան. Գագիկ Գինոսյանը՝ Հայկ Մարությանի 1 տարվա գործունեության մասին

Ես ինչպես ինքս իմ նկատմամբ եմ խիստ և պահանջկոտ, այդպես էլ բոլորի նկատմամբ, այդ թվում՝ Երևանի քաղաքապետի և ընդհանրապես իշխանության: Այս մասին Tert.am-ի հետ զրույցում ասաց արվեստագետ, Կարին ավանդական երգի-պարի խմբի հիմնադիր Գագիկ Գինոսյանը՝ անդրադառնալով Երևանի քաղաքապետ Հայկ Մարությանի գործունեության մեկ տարվան: Մայրաքաղաքը պետք է լինի օրինակելի քաղաք, օրինակելի տեսքով ու ենթակառուցվածքներով, բնականաբար, չեմ կարող գոհ լինել քաղաքապետի աշխատանքից՝ հաշվի առնելով տրանսպորտի վիճակը, Սանիթեքի հետ երկար ձգձգվող խնդիրները: Բայց նաև պետք է ներքին խոհանոցը իմանալ, որ քննադատությունը լիարժեք և հիմնավորված հնչի, թե որտեղ են օբյեկտիվ, որտեղ սուբյեկտիվ պատճառները, որտեղ է անհնարինություն եղել, որտեղ է քաղաքապետարանը թերացել ,- ասաց նա: Անդրադառնալով նախընտրական շրջանում Հայկ Մարությանի տված խոստումներին՝ օրինակ, վերելակների խնդրի կարգավորում, տրանսպորտային ցանցի արդիականացում, փողոցների ցուցանակների փոփոխում, կանաչապատում և այլն, Գինոսյանը նշեց, որ դրանցից որևէ մեկն իրականացված չէ: Նա հայտարարեց, որ օբյեկտիվ և սուբյեկտիվ պատճառները չգիտի, թե ինչու չեն իրականացվել, և քանի որ մաթեմատիկոս է մաթեմատիկական բանաձևերով օրինակ բերեց. Օրինակ՝ եթե y-ը հավասար է 7x, այս դեպքում ինչքան x-ը մեծանա, այդքան 7 անգամ կմեծանա y-ը, բայց դրա համար ներդրում է պետք անել: Բայց հնարավոր է, որ քառակուսի և խորանարդ հավասարումներ լինեն, երբ սկզբնական շրջանում դանդաղ ընթանա գործընթացը, և հետո կտրուկ փոփոխություններ լինեն. հուսամ, որ նման բան է մեզ սպասում, բայց անկեղծ ասած՝ ես այդքան էլ համոզված չեմ դրանում ,- հայտարարեց նա: Ըստ Գինոսյանի՝ հնարավոր է՝ որոշ ասպարեզներում արված գործեր սաղմնային վիճակում են, հիմա պետք է հետևել՝ ծնունդ կլինի՞, թե՞ վիժում: Գուցե միտումներ կան ինչ-որ բան անելու, բայց լիարժեք, կշեռքի նժարին դրված, իրականացված փաստարկվող գործեր, ցավոք սրտի, կա՛մ չկան, կա՛մ շատ քիչ են ,- ասաց նա: Բացի այդ, Գինոսյանը նկատեց, որ շատ գործեր էլ կան, որ նախորդ իշխանությունների օրոք էին դեռ նախագծվել, և հասկանալի չէ՝ արդյոք ճիշտ է դա վերագրել այս իշխանությունների կողմից արված գործերին, թե նախորդ: Օրինակ՝ տրանսպորտային նոր ցանցի ներդրումն էլ, որ նախորդ իշխանությունների օրոք էր եղել, ասում են՝ պատրաստ է: Հիմա սեղանին դրված ավարտուն գործեր, ցավոք սրտի, քիչ են կամ չկան: Գուցե ես, լինելով մշակութային մարդ, այդքան էլ տեղյակ չեմ, թե ինչ է արվել, բայց կուզենայի, որ Երևանի արտաքին հարդարանքը, նորակառույց շենքերի ճարտարապետական շունչը, քաղաքի կենտրոնական հատվածն ավելի հայեցի լինեին և ավելի հայաշունչ , նաև օրինակելի դառնար Հայաստանի շատ ու շատ քաղաքների համար ,- հայտարարեց նա: Ինչ վերաբերում է հարցին՝ արդյո՞ք արդարացված են քաղաքապետարանի աշխատակիցների պարգևավճարները, Գինոսյանը պատասխանեց. Կարծում եմ՝ քաղաքի բազում, չլուծված խնդիրների պարագայում, եթե նույնիսկ ղեկավարը որոշել էր պարգևատրել, այդ աշխատակիցները պետք է հրաժարվային այդ պարգևավճարներից, որովհետև քաղաքում այնքան չիրականացված գործեր կան, այնքան բաց տեղեր կան : Գինոսյանը նշեց, որ օրինակ՝ Խորհրդային միությունում լավագույն աշխատողներին տարեվերջին 13-րդ աշխատավարձ էին տալիս, հիմա, ըստ նրա, եռամսյակը մեկ տրվող այդ պարգևավճարներն ուռճացված են: Եթե մարդն այդքան լավ է աշխատում, ուղղակի աշխատավարձը պետք է բարձրացնեն, ոչ թե պարգևատրեն, կամ եթե աշխատողը ֆունկցիոնալ առումով ավելին է կարողանում, պետք է նրան այլ պաշտոնի նշանակել համապատասխան աշխատավարձով ,- նշեց նա: Գագիկ Գինոսյանի խոսքով՝ շատ երերուն մոտեցումներ կան, որ հենց իշխանության ներկայացուցիչներին են խոցելի դարձնում: Մի քիչ դժվար է պատկերացնել, թե մարդն այն աստիճանի է աշխատում, որ նրան կրկնակի կամ եռակի պարգևավճար տան: Չգիտեմ՝ այդ պարգևավճարներ տալը անփորձության, թե մեկ այլ բանի արդյունք է, բայց չի կարող դա մարդկանց աչքին արտառոց չերևալ և անգամ իրենց հանդեպ լավ տրամադրվածություն ունեցող մարդկանց մոտ հարցեր չառաջացնի ,- ասաց նա: Իսկ թե ինչպիսի մայրաքաղաք կցանկանար տեսնել, նա շեշտեց. Կցանկանայի տեսնել այն մայրաքաղաքը, որի մասին բազմիցս նշվում է՝ համայն հայոց մայրաքաղաք: Բոլոր խնդիրներից առավել ինձ համար կարևոր է ազգային մայրաքաղաք տեսնելը, ինչը չկա : Գինոսյանը նշեց, որ իր համար կարևոր է, որ քաղաքն ունենա ազգային դիմագիծ, ինչը սակայն չկա: Օրինակ՝ վերցնենք զբոսաշրջային ժամանակահատվածը. մեր մայրաքաղաքն այնպիսի՞ն է, որ օտարը գա տեսնի հայոց մայրաքաղաք, իսկ սփյուռքահայը գա տեսնի իր մայրաքաղաքը և տեսնի ու մտածի վերադառնալու: Մենք ասում ենք ամենայն հայոց մայրաքաղաք, սակայն այդ ուղղությամբ քայլ արվե՞լ է: Ես կարծում եմ՝ այդ տեսանկյունից էլ ահավոր թերացում կա: Այդ տեսանկյունից անելիքն ավելի շատ է: Այդ տեսանկյունից ոչ միայն անելիք կա, այլև ի սկզբանե վերաիմաստավորելու և մոտեցումների վերաձևակերպում անելու անհրաժեշտություն կա ,- ասաց նա և հավելեց, որ չգիտի քաղաքապետարանի հնարավորությունները, չգիտի՝ ինչ են արել, ինչ թողել, բայց հստակ գիտի, որ պարգևավճարները, միանշանակ, խայտառակություն են: Իրենց չարված խոստումների համար կարող են ասել՝ բյուջեն քիչ է եղել, չենք արել, բայց որ միտումը չկա ազգային նկարագրի պահպանման, ինչպես նաև ազգային, հայոց մայրաքաղաք հիմնելու մոտեցումը չկա, այդ թերացումն ակնհայտ է ,- ընդգծեց նա:

Related news

Latest News
Hashtags:   

Գուցե

 | 

միտումներ

 | 

անելու

 | 

լիարժեք

 | 

կշեռքի

 | 

նժարին

 | 

դրված

 | 

իրականացված

 | 

գործեր

 | 

Գագիկ

 | 

Գինոսյանը՝

 | 

Մարությանի

 | 

տարվա

 | 

գործունեության

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources