Tuesday 22 October 2019
Home      All news      Contact us      English
tert.am - 12 days ago

Որևէ մեկը, այդ թվում՝ մենք, հայրենիքին մատուցած որևէ ծառայություն ժողովրդին երեսով տալու իրավունք չունի. Գևորգ Պապոյան (տեսանյութ)

Մեր ազգն օջախին ու ընտանիքին վերաբերվում է յուրօրինակ կերպով, դրանք կարևորագույն արժեքներ են, և վարչապետի սկսած Հայաստանն իմ օջախն է, ժողովուրդն իմ ընտանիքն է ֆլեշմոբը ռեսուրսի ու ժամանակի անիմաստ վատնում չէ: Արմնյուզ ՀԸ #ՕրաԽնդիր հաղորդմանը նման կարծիք է հայտնել ՀՀ ԱԺ Իմ քայլը խմբակցության անդամ Գևորգ Պապոյանը: Պատգամավորը զարմացել է հանրապետական որոշ գործիչների նեղսրտվածությունից. Սա պետություն է, ձերն ու մերը չեմ ընդունում: Իրենք կատարել են իրենց աշխատանքը, լավ, թե վատ՝ հանրությունը գնահատել է: Որևէ մեկը, այդ թվում՝ մենք, հայրենիքին մատուցած որևէ ծառայություն ժողովրդին երեսով տալու իրավունք չունի: Դա մեր պարտավորությունն է : Ըստ Պապոյանի՝ Հայաստանում համակարգային կոռուպցիա չկա, բայց դեռևս պետք է պայքարել կոռուպցիոն մանր դրսևորումների դեմ. Ես բացառում եմ, որ մեր Կառավարության և խմբակցության անդամներից որևէ մեկը կոռուպցիոն դրսևորումների մեջ լինի: Մեր պետական կառավարման համակարգում կոռուպցիան պետք է 99,9 տոկոսով բացառվի: Կոռուպցիայով զբաղվող մարդը պետք է իմանա, որ գողանում է պետությունից, հետևաբար՝ թոշակառուից ու զինվորից : Պապոյանի կարծիքով՝ պետական գնումների համար բոլոր դեպքերում պետք է մրցույթներ լինեն, քանի որ միայն այդ կերպ է մրցակցություն առաջանում: Պատգամավորը կոռուպցիոն ռիսկ չի տեսնում Անկախության օրվա տոնակատարության կազմակերպման նպատակով առանց մրցույթի 150 մլն դրամ կազմակերպություններից մեկին հատկացնելու մեջ, փոխարենն առաջարկում է կենտրոնանալ նախորդ իշխանությունների օրոք արված չարաշահումների վրա: Անկախության օրվա տոնակատարությունների կազմակերպման համար մրցույթ, ըստ Պապոյանի, չի հայտարարվել սուղ ժամանակի պատճառով: Մեր իշխանության օրոք ԱԺ պատգամավորները կամ նախարարները աշխատավարձով ապրող մարդիկ են, ոչ թե բիզնեսմեններ ու միլիոնատերեր: Այս ԱԺ-ում կա՞ մեկը, որը կոռուպցիայի մեջ է խրված: Ես և իմ շրջապատն աշխատավարձով ապրող մարդիկ ենք ,- նշել է Պապոյանը: Ըստ պատգամավորի՝ պետական ծախսերի կրճատումը և չկատարումը պայմանավորված է ոչ թե նրանով, որ իրենք չեն կարող ծախսել, այլ հակառակը՝ բազմապատիկ ավելի քիչ գումարով կարող են նույն խնդիրը լուծել: Ինչ վերաբերում է հաջորդ տարի գազի հնարավոր թանկացմանը, ելնելով փոխվարչապետ Մհեր Գրիգորյանի հավաստիացումից, Գևորգ Պապոյանը կարծում է, որ ո՛չ սպառողի համար, ո՛չ էլ սահմանին այն չի թանկանա: Ցանկալի կլիներ՝ գազի գինը ֆիքսել ոչ թե մեկ, այլ, ասենք, տասը տարով: Մեր ներդրողի, պետության և քաղաքացու համար այն պետք է հեռանկարային լինի ,- ամփոփել է պատգամավորը: Դավիթ Սարգսյան

Related news

Latest News
Hashtags:   

թվում՝

 | 

հայրենիքին

 | 

մատուցած

 | 

ծառայություն

 | 

ժողովրդին

 | 

երեսով

 | 

տալու

 | 

իրավունք

 | 

չունի

 | 

Գևորգ

 | 

Պապոյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources