Saturday 19 October 2019
Home      All news      Contact us      English
tert.am - 9 days ago

Թուրքիան Մոսկվայից և Վաշինգտոնից կանաչ լույս ստացավ Սիրիայում ռազմական օպերացիա իրականացնելու համար. Արաքս Փաշայան (տեսանյութ)

Թուրքիան և՛ Մոսկվայից, և՛ Վաշինգտոնից կանաչ լույս ստացավ Սիրիայում քրդերի դեմ ռազմական օպերացիա իրականացնելու համար: Հայացք Երևանից. Երկրագունդ հաղորդման շրջանակներում ասել է արաբագետ, Արևելագիտության ինստիտուտի առաջատար գիտաշխատող Արաքս Փաշայանը: Ըստ երևույթին, Վաշինգտոնը թույլատրեց Անկարային: Անկարան ունի նաև Մոսկվայի համաձայնությունը: Դա Անկարային հնարավորություն տվեց ռազմական գործողություններ ծավալել Եփրատից արևելք ընկած հատվածներում ,- ասել է նա և հավելել, որ չկա որևէ միջազգային հակազդեցություն Թուրքիային: Չկա որևէ լուրջ խոչընդոտ Անկարայի համար: Եվ իրենք, հիմնավորելով այս ռազմական գործողություններն իրենց ազգային շահերով և հետաքրքրություններով, փորձում են հերթական քայլն անել և առաջ գնալ Սիրիայի հյուսիսային շրջաններում և ստեղծել անվտանգության իրենց չափորոշիչներով ձևավորված գոտին, որի խորությունը պետք է լինի, ըստ ամենայնի, մոտավորապես 30 կմ: Մինչ այդ Վաշինգտոնի հետ ունեցած բանակցություններում քննարկվում էր 5-10 կմ-անոց խորություն ունեցող գոտին ,- նշել է արաբագետը: Նրա խոսքով՝ դժվար է հստակ հասկանալ, թե ԱՄՆ-ն որ պահին ինչ քաղաքականություն պետք է իրականացնի կամ ինչ քայլ պետք է ձեռնարկի: Չի բացառվում, որ ԱՄՆ-ն իր համար որոշակի երաշխիքներ է պահում, որ ցանկացած պահի դրանք կարողանա օգտագործել: Չի բացառվում, որ որոշ ժամանակ անց ԱՄՆ-ն որոշակի կոշտ քայլեր իրականացնի Անկարայի դեմ: Բայց այս պահին Անկարան չունի որևէ արգելք ռազմական գործություններ իրականացնելու ,- ասել է Փաշայանը: Նա նշում է, որ Մոսկվան դեռ սպասում է: Եթե հաշվի առնենք թուրք-ռուսական հարաբերությունների վերջին տարիների ջերմացումը և գործակցությունը սիրիական հարցում, բնականաբար, այս հարցում ևս Մոսկվայի և Անկարայի միջև կա պայմանավորվածություն: Մոսկվայի դիրքորոշումը պայմանավորված է նաև այն հանգամանքով, որ քրդերը ձգտում են դուրս գալ Սիրիայի կազմից: Եթե հաշվի առնենք Դամասկոսի և Մոսկվայի միջև սերտ համագործակցությունը, բնական է, որ քրդերին դուր չեն գալիս քրդերի անջատողական ձգտումները ,- ասել է արաբագետը: Անդրադառնալով Սիրիայի իշխանությունների և քրդերի հարաբերություններին՝ նա ասել է. Դամասկոսի և քրդերի հարաբերությունները բավական խրթին են, որովհետև քրդերը ձգտում են անկախության, լայն ինքնավարության: Եվ, բնականաբար, Դամասկոսը մերժում է այս ձգտումները: Այժմ Դամասկոսը կհամաձայնի պաշտպանել այս տարածքները, եթե քրդերը նահանջեն իրենց անկախական ձգտումներից : Փաշայանի հավաստմամբ՝ ստեղծված իրավիճակը վտանգներ է ստեղծում նաև տեղի հայկական համայնքի համար: Կամիշլիի, Թել Աբյադի հայերի համար, բնականաբար, դժվար իրավիճակ է, ինչպես նաև դավանական տարբեր փոքրամասնությունների համար: Թուրքիայի ռազմական գործողություններն իսկապես սպառնալիք են տարածաշրջանի համար ամեն իմաստով ,- ասել է նա: Զուգահեռներ տանելով մեկ դար առաջ տեղի ունեցած դեպքերի, հայերի հանդեպ Թուրքիայի կողմից իրականացված Ցեղասպանության հետ՝ Արաքս Փաշայանը նշել է, որ այսօր նույն իրավիճակն է: Մեծ տերություններն առաջ են տանում իրենց շահերը, իսկ փոքր պետությունների շահերը շատ դեպքերում անտեսվում են, ուղղակի ոտատակ են արվում: Հենց այստեղ էլ քրդերի սխալն էր երևի, որ իրենք միակողմանի ձևով իրենց հույսը դրեցին ԱՄՆ-ի վրա ,- ասել է նա: Մանրամասները տեսանյութում։

Related news

Latest News
Hashtags:   

Թուրքիան

 | 

Մոսկվայից

 | 

Վաշինգտոնից

 | 

կանաչ

 | 

լույս

 | 

ստացավ

 | 

Սիրիայում

 | 

ռազմական

 | 

օպերացիա

 | 

իրականացնելու

 | 

համար

 | 

Արաքս

 | 

Փաշայան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources