Saturday 19 October 2019
Home      All news      Contact us      English
tert.am - 9 days ago

2020 թ.-ի պետբյուջեի նախագծի մեջ հեղափոխական ցուցանիշներ չկան, միայն գնաճի հաշվին կարող են ավել մուտքեր ապահովել. Միքայել Մելքումյան (տեսանյութ)

2020 թ.-ի պետական բյուջեի նախագծի մեջ հեղափոխական, աննախադեպ ցուցանիշներ չկան: Այս մասին Tert.am-ի հետ զրույցում ասաց ԱԺ ԲՀԿ խմբակցության պատգամավոր, տնտեսագետ Միքայել Մելքումյանը: 4.9 տոկոս տնտեսական աճը մտահոգում է, ինչո՞ւ այդքան, եթե 2018թ.-ին ունեցել ենք 5.2 տոկոս, 2019 թ.-ի սպասողական կանխատեսումը 6.9 տոկոս է, ինչումն է խնդիրը, որ ավելի նվազ ցուցանիշներ ենք ընդունում: Ընդ որում՝ այդ աճին պետք է մոտենալ կառուցվածքային իմաստով, թե որ ճյուղերն են կազմում այդ աճը, այնտեղ ես տեսնում եմ՝ արդյունաբերությունը ընդամենը 5 տոկոս աճ ունի, շինարարությունը՝ 4 տոկոս, գյուղատնտեսությունը՝ ընդամենը 2.5 տոկս: Հաշվի առնելով 2018-ի արձանագրած փաստերը՝ աննախադեպ անընկալելի թիվ եմ համարում մինուս 8.5 տոկոս անկումը գյուղատնտեսության ոլորտում, որը համարվում է տնեսության իրական հատվածի կարևորագույն ճյուղերից մեկը: Այս տարի էլ չենք սպասում գյուղատնտեսության որոշակի աճ, այսինքն վիճակը խրոնիկ շարունակվում է: Երկրորդը՝ շինարարական ոլորտում այս տարի, կարծում եմ, 4 տոկոսի աճ չի լինելու 1-1.5 տոկոսի սահմանում աճ ունենք, որը աճ չէ: Եթե վերցնեմ ևս երկու գլոբալ ցուցանիշ, մեկը սպառման ծավալ ՀՆԱ հարաբերակացությունն է, մենք սպառող ենք, 92-93 տոկոս սպառման մակարդակը չի իջնում և ներդրումները ՀՆԱ-ի նկատմամբ 0.6 տոկոսային կետով, 21-22 տոկոսի սահմաններում է, ինչը հեղափոխական չէ ,-նշեց նա: Միքայել Մելքումյանի խոսքով՝ միայն գնաճի հաշվին կարող են ավել մուտքեր ապահովել պետբյուջե, սպառողական ապրանքների գնաճ ենք ունենալու: Հարցին, թե ԲՀԿ նախագահ Գագիկ Ծառուկյանը և վարչապետ Նիկոլ Փաշինյանը հաճախակի հանդիպումների ընթացքում ինչ հարցեր են քննարկում, արդյոք դրանք բխում են հուշագրի տրամաբանությունից, և արդյոք արտահերթ խորհրդարանական ընտրությունների քարոզարշավի ընթացքում թե Ծառուկյանի, թե Փաշինյանի կողմից խոստացված ներդրումների վերաբերյալ քննարկումներ լինում են, Միքայել Մելքումյանը պատասխանեց. Միլիարդավոր դոլարների ներդրումների համար պետք են հստակ երաշխիքներ, միայն քաղաքական իշխանությունն է այդ երաշխիքները տալիս, այս առումով Գագիկ Ծառուկյանը շատ ճիշտ էր ասել, երբ որ լինի 50+1 տոկոս, այդ ժամանակ կլինեն, բայց դա չի նշանակում, որ Գագիկ Ծառուկյանը իր ներդրումանպաստ գործունեությունը չի իրականացնում: Վերջին մի քանի տարվա ընթացքում 3 մլրդ դոլարը անցնող ներդրումներ են եղել : Պատգամավորը հավելեց՝ Նիկոլ Փաշինյան-Գագիկ Ծառուկյան հանդիպումների մանրամասներին ծանոթ չէ: Մանրամասները՝ տեսանյութում:

Related news

Latest News
Hashtags:   

պետբյուջեի

 | 

նախագծի

 | 

հեղափոխական

 | 

ցուցանիշներ

 | 

միայն

 | 

գնաճի

 | 

հաշվին

 | 

կարող

 | 

մուտքեր

 | 

ապահովել

 | 

Միքայել

 | 

Մելքումյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources