Friday 18 October 2019
Home      All news      Contact us      English
azatutyun - 7 days ago

Զոհրաբ Մնացականյանը հանդիպել է Ռուսաստանի ԱԳ նախարարի հետ

Աշխաբադում ընթացող ԱՊՀ ԱԳ նախարարների խորհրդի նիստի շրջանակներում տեղի է ունեցել Հայաստանի և Ռուսաստանի ԱԳ նախարարներ Զոհրաբ Մնացականյանի և Սերգեյ Լավրովի հանդիպումը: Ինչպես հաղորդում է Հայաստանի արտաքին գերատեսչության պաշտոնական կայքէջը, հանդիպման ընթացքում անդրադարձ է կատարվել երկու երկրների ղեկավարների միջև ձեռք բերված պայմանավորվածությունների կատարման ընթացքին, արտաքին քաղաքական գերատեսչությունների միջև ոլորտային խորհրդակցություններին:  «Գոհացնող է մեր երկխոսության, մեր փոխհարաբերությունների բարձր մակարդակը, մենք ակտիվորեն համագործակցում ենք նաև միջազգային օրակարգի հարցերի շուրջ: Երևանում կայացած ԵԱՏՄ գագաթաժողովը լավ հնարավորություն էր ամենաբարձր մակարդակով անդրադառնալ այդ ինտեգրացիոն հարթակի հետագա զարգացման հեռանկարներին»,- նշել է Հայաստանի ԱԳ նախարար Զոհրաբ Մնացականյանը: Արտգործնախարարները մտքեր են փոխանակել հայ-ռուսական դաշնակցային օրակարգային, բազմակողմ հարթակներում՝ ՄԱԿ, ԵԱՀԿ և այլն, ինչպես նաև ինտեգրացիոն գործընթացներում համագործակցությանն առնչվող տարաբնույթ հարցերի շուրջ:  Հայաստանի և Ռուսաստանի արտաքին քաղաքական գերատեսչությունների ղեկավարները քննարկել են տարածաշրջանային և միջազգային օրակարգի հրատապ խնդիրներ, այդ թվում՝ Սիրիայում տեղի ունեցող վերջին՝ Թուրքիայի գործողություններով պայմանավորված զարգացումները։ Հանդիպմանն արծարծվել է Լեռնային Ղարաբաղի հիմնախնդրի խաղաղ կարգավորման գործընթացը:

Related news

Latest News
Hashtags:   

Զոհրաբ

 | 

Մնացականյանը

 | 

հանդիպել

 | 

Ռուսաստանի

 | 

նախարարի

 | 
Most Popular (6 hours)

Most Popular (24 hours)

Most Popular (a week)

Sources