Tuesday 22 October 2019
Home      All news      Contact us      English
tert.am - 11 days ago

Երևանի քաղաքային իշխանությունը պետք է հեռանա, Մարությանի 1 տարվա պաշտոնավարման ընթացքում ոչ մի խոստում չի իրականացվել. Ռուսլան Բաղդասարյան

Երևանի քաղաքային իշխանությունը պետք է հեռանա: Այս մասին Tert.am-ի հետ զրույցում ասաց Երևանի Դավթաշեն վարչական շրջանի նախկին թաղապետ Ռուսլան Բաղդասարյանը անդրադառնալով Հայկ Մարությանի Երևանի քաղաքապետի պաշտոնում մեկ տարվա պաշտոնավարմանը: Ռուսլան Բաղդասարյանի կարծիքով Մարությանի նախընտրական խոստումներից ոչ մեկը չի կատարվել, իսկ դրա պատճառը, ըստ նախկին թաղապետի, Հայկ Մարությանի վատ կառավարումն է. նրան փորձ էր պետք աշխատելու համար, սովորելու համար էլ ժամանակ է պետք, իսկ Երևանն այդ ժամանակը չունի: Հայկ Մարությանը ոչ որակյալ թիմ ունի, ոչ փորձ ունի, որ կարողանա Երևանի կառավարման համակարգը կարգի բերել, իսկ եթե կառավարման համակարգը լավը չէ, ապա ոչ տրանսպորտի, ոչ աղբի, ոչ կոմունալ տնտեսության, ոչ բնակֆոնդի, ոչ վերելակների խնդիրները չեն լուծվելու: Ոչ ինքը, ոչ իր ենթակաները ոչինչ չեն իրականացնում: Մարությանի մեղավորությունն է, որ իր ենթակաները չեն կարողանում լավ աշխատել: Իրենց կատարած միակ աշխատանքն այս մեկ տարում փաստաթղթերը քչփորելն ու դատախազություն, ԱԱԾ ուղարկելն է եղել ,-ասաց Արաբկիրի նախկին թաղապետը: Բաղդասարյանի խոսքով ի սկզբանե ներկայիս քաղաքային իշխանությունները խաբել են երևանցիներին: Խոստացան, օրինակ, մետրո կառուցել: Չեմ կարծում քաղաքապետն այնքան անգրագետ է, որ չգիտեր մետրոյի կայարան կառուցելու արժեքն ինչքան է, և Երևանի բյուջեն կարո ՞ղ էր դրան բավականացնել, թե՞ ոչ: Ստացվում է գիտակցաբար խաբել է: Եվ այս ու նմանատիպ սխալներն են պատճառը, որ Երևանի բնակչության ճնշող մեծամասնությունը փոշմանել է ընտրության համար ,-ասաց Ռուսլան Բաղդասարյանը: Վերջինիս խոսքով քաղաքապետարանը հերոսություն է ներկայացնում աղբի խնդրի լուծումը, բայց այն չի իրականացվել: Ով ասես խնդիրները գումարով կլուծեր: Բյուջեն ծախսել ու ասել խնդիրը լուծվել է, սխալ է: Խնդիրները պետք էր լուծել ոչ թե քաղաքային բյուջեն ծախսելով, այլ ներդրումներով, մասնավոր ընկերությունների հետ համագործակցելով: Այս լուծումն էլ ժամանակավոր է, այսպես ասած մեր քթերից է դուրս գալու : Շատ չանցած այս կոլապսը նորից կրկնվելու է ,-ասաց Բաղդասարյանը ընդգծելով նաև, որ, օրինակ, քաղաքապետարանը մեղադրում էր Սանիթեք -ին պլաստմասե աղբամաններ տեղադրելու համար, բայց ինքը կրկնեց նույնը: Ռուսլան Բաղդասարյանը նշեց նաև, որ լուրեր են շրջանառվում, թե քաղաքապետը, ներկայանալով կոռուպցիայի դեմ պայքարի առաջամարտիկ, ինքն է կապված կոռուպցիայի հետ: Կառուցապատողներին պարտադրում են, համոզում են, որ եթե ուզում են շինթույլտվություն, պետք է մի բեռնատար ավտոմեքենա Կամազ նվիրեն: Այն կառուցապատողն էլ, որը չի կարողանում նվիրատվություն անել, գրավոր պարտավորվածություն է վերցնում: Այս ուղղորդումը հենց կոռուպցիան է, և պետք է ուսումնասիրություն իրականացնել ,-մեկնաբանեց նա: Ռուսլան Բաղդասարյանը նշեց նաև, որ իր տեղեկություններով նախորդ տարվա դեկտեմբերին Հայկ Մարությանը Երևանի քաղաքապետի պաշտոնից հրաժարական տալու որոշում է կայացրել, անգամ դիմում գրել: Փորձ ու համարձակություն է պետք այդ բեռի տակ մտնելու համար, ինքն էլ հասկացել է, որ չի կարող աշխատել և ազատման դիմում է գրել, բայց ինչ-ինչ քաղաքական շահերից ելնելով թույլ չեն տվել ,-ասաց Բաղդասարյանը: Հիշեցնենք 2018թ.-ի հոկտեմբերի 13-ին Հայկ Մարությանը պաշտոնապես ստանձնեց Երևանի քաղաքապետի պաշտոնը երդվելով գործել ի բարօրություն Երևանի բնակիչների:

Related news

Latest News
Hashtags:   

Երևանի

 | 

քաղաքային

 | 

իշխանությունը

 | 

հեռանա

 | 

Մարությանի

 | 

տարվա

 | 

պաշտոնավարման

 | 

ընթացքում

 | 

խոստում

 | 

իրականացվել

 | 

Ռուսլան

 | 

Բաղդասարյան

 | 
Most Popular (6 hours)

Most Popular (24 hours)

Most Popular (a week)

Sources