Tuesday 22 October 2019
Home      All news      Contact us      English
tert.am - 11 days ago

Հայկ Մարությանի պաշտոնավարումից 1 տարի անց երևանաբնակները դժգոհում են. վերելակներն անսարք են, պոլիկլինիկայի պայմանները՝ անտանելի, տրանսպորտի հարցը չի լուծվում (տեսանյութ)

Երևանաբնակները դժգոհում են քաղաքապետ Հայկ Մարությանի գործունեությունից: Նրանց խոսքով՝ նախընտրական խոստումներն այդպես էլ թղթի վրա մնացին: Tert.am-ի հետ զրույցում Ավան վարչական շրջանի N12 պոլիկլինիկայի այցելուներն ասում են, շենքն այնքան վատն է, որ շուտով կքանդվի, սակայն հանդուրժում են, քանի որ բուժանձնակազմն է լավ աշխատում: Սա պետական հիմնարկ է, այցելում են հիվանդներ: Ո՞նց կարող է պատահել, որ պոլիկլինիկայի վերելակը փչանա, ու մենք ոտքով բարձրանանք մի քանի հարկ: Ես ծեր, հիվանդ մարդ եմ, ինձ համար դժվար է: Վերջին անգամ որ փչացավ, մոտ մեկ ամիս վերելակ էին նորոգում ,- ասաց այցելուներից մեկը: Քաղաքացիներին անհանգստացնում է նաև բազմահարկ շենքերի վերելակների հարցը: Ասում են՝ տարօրինակ ձայների հետ մեկտեղ վերելակները պարբերաբար փչանում են: Էն ցուրտ ու մութ տարիներին մեր շենքի վերելակի շարժիչը վաճառեցին, տեղն այլ շարժիչ դրեցին: Ու մինչև օրս մեր վերելակն այդ շարժիչով է աշխատում: Պարբերաբար փչանում է: Դիմել ենք քաղաքապետարան, սակայն ոչ մի արձագանք ,- նշեց բնակիչներից մի կին: Քաղաքացիների մեկ այլ խմբի էլ անհանգստացնում է հատկապես տրանսպորտի հարցը: Շենգավիթ վարչական շրջանում ներառված Խարբերդ համայնքում ավտոբուսն աշխատում է ժամով: Վերջին ավտոբուսը քաղաքացիներին տուն է տանում 19.00-ին: Քաղաքացիներից շատերն այս հարցի մասին նախընտրեցին լռել՝ ասելով, որ միևնույն է՝ այս հարցը լուծում չի ստանալու: Առավոտյան ավտոբուսը հաճախ 10 րոպե շուտ է գնում, հաջորդը մեկ ժամ հետո է: Այսինքն աշակերտները, ուսանողները պիտի մի ժամ սպասեն կամ էլ ամեն օր տաքսու ծառայություններից օգտվեն: Բազմիցս դիմել ենք քաղաքապետարան: Ասել են՝ նիստ պիտի անենք, ձեր հարցը որոշենք: Ավելի քան մեկ տարվա ընթացքում չկարողացա՞ն նիստ անել, մեզ տրանսպորտ տրամադրեն ,- դժգոհեցին նրանք: Մանրամասները՝ տեսանյութում:

Related news

Latest News
Hashtags:   

Մարությանի

 | 

պաշտոնավարումից

 | 

երևանաբնակները

 | 

դժգոհում

 | 

վերելակներն

 | 

անսարք

 | 

պոլիկլինիկայի

 | 

պայմանները՝

 | 

անտանելի

 | 

տրանսպորտի

 | 

հարցը

 | 

լուծվում

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources