Saturday 19 October 2019
Home      All news      Contact us      English
tert.am - 9 days ago

Հարձակում՝ այլախոհության վրա

Հայտնի է դարձել, որ Վիտալի Բալասանյանի վերջին հարցազրույցի տեսանյութը ՀՀ գլխավոր դատախազի գրությամբ ուղարկվել է ԱԱԾ դրանում նշված հանգամանքները ստուգելու նպատակով: Բալասանյանի հարցազրույցը, ուր տեղ էին գտել Նիկոլ Փաշինյանի իշխանության հասցեին ուղղված մեղադրանքներ, քննադատություններ (բանախոսը, մասնավորապես, խոսել էր Նիկոլ Փաշինյանի հակահայկական նախագիծ լինելու, իշխանության բռնազավթման, Սասնա Ծռերի հետ նրա ունեցած համագործակցության մասին՝ միաժամանակ չբացառելով, որ բանը կարող է հասնել Սասնա Ծռերի ՝ Փաշինյանի մարտական թևի հետ ֆիզիկական հաշվեհարդար տեսնելուն), արդեն իսկ հասցրել է արժանանալ նույն իշխանությունների ամենասուր գնահատականներին. Բալասանյանին հասցրել են արձագանքել բազմաթիվ իմքայլականներ ու Փաշինյանի թիմակիցներ, որոնցից, օրինակ, Արմեն Գրիգորյանը՝ ՀՀ ԱԽՔ-ը, բազմավաստակ գեներալին անվանել է խուլիգան : Այն, որ սևերի ու սպիտակների փիլիսոփայության ազդեցությունից զերծ չէր կարող մնալ նաև Արցախը, պարզ դարձավ հեղափոխությունից կարճ ժամանակ անց: Սակայն դրսևորելով առավելագույն խոհեմություն՝ Արցախի իշխանություններին, այնուամենայնիվ, կարծես հաջողվեց հաղթահարել նորհայաստանյան իշխանությունների հետ հարաբերություններում ամենասուր փուլը, ինչը, սակայն, չստիպեց իշխանություններին արմատական վերանայման ենթարկել Արցախը շահած գեներալիտետի առնվազն առանձին ներկայացուցիչների նկատմամբ որդեգրած իրենց վերաբերմունքը: Վիտալի Բալասանյանի հետ այժմ կատարվողը, որի արդյունքում, փաստորեն, հերոսը կարող է հայտնվել անգամ ԱԱԾ մեկուսարանում, մի շարք գործոնների հետևանք կարող է լինել: Բալասանյանին մեկուսացնելով, ով, ի դեպ, մտադիր է իր թեկնածությունն առաջադրել Արցախում սպասվող ընտրություններին, Փաշինյանը կարող է լուծել Արցախի վրա սեփական ազդեցության տարածման խնդիր. Մասիս Մայիլյանը, ով համարվում է իշխանությունների ֆավորիտը, Փաշինյանի կողմից ընկալվում է՝ հեղափոխության ազդեցության տարածման միջոց: Չեզոքացնելով արևմտամետ Մայիլյանի քաղաքական մրցակից Բալասանյանին՝ ՀՀ իշխանությունները կանաչ ճանապարհ են հարթում Մայիլյանի համար՝ նրա միջոցով լուծելու այնտեղ իրենց քաղաքական շահերից բխող խնդիրներ: Այս իմաստով պետք է արձանագրել, որ իշխանությունների այն պնդումները, թե իբր իրենք չեն խառնվում Արցախի ներքին կյանքին, ինչին ի պատասխան արցախյան իշխանություններն էլ իրենց հերթին պետք է չձգտեն ազդել ներհայաստանյան պրոցեսների վրա, չեն հաստատվում փաստերով: Փաշինյանը շատ լավ էլ միջամտում է, հստակ պլաններ ունի մշակած, որոնցով էլ հենց շարժվում է՝ միաժամանակ բացառելով փոխադարձության սկզբունքը. ինքն ունի Արցախի ներքին գործերին խառնվելու իրավունք, իսկ ահա նույնիսկ այնտեղից հնչող ցանկացած քննադատություն Երևանում ընկալվում է որպես դավաճանություն, անհարկի միջամտություն:

Մեկ այլ տեսանկյունից՝ Բալասանյանի նկատմամբ դրսևորվելիք խստության պատճառ կարող են դառնալ նրա՝ Նիկոլ Փաշինյանի և Սասնա Ծռերի հասցեին արած հայտարարությունները, որոնք վերաբերում էին, մասնավորապես, ֆիզիկական հաշվեհարդարին: Սասնա Ծռերը , որոնք երբեք չեն թաքցրել Փաշինյանի հանդեպ իրենց համակրանքը, վերջինիս համար կատարում են յուրատեսակ ջոկերի դեր: Նրանք բանեցվում են Ռուսաստանի հետ տարվող նուրբ խաղում. Նիկոլ Փաշինյանը, փորձելով Մոսկվային համոզել իր անփոխարինելիության հարցում, հենց նրանց է մատնացույց անում՝ ցույց տալու Կրեմլին, թե ովքեր կարող են գալ Հայաստանի ղեկին, եթե չլիներ ինքը՝ մեծագույն ռուսասերը : Սասնա Ծռերի պատիվը պահելով ՝ Փաշինյանը կարող է Արևմուտքում ծվարած իր տերերին սեփական հավատարմությունն ապացուցելու առիթ ունենալ: Անվտանգության խորհրդի քարտուղար Արմեն Գրիգորյանը Բալասանյանի կողմից իշխանությունների հասցեին հնչեցրած քննադատությունները մեկնաբանելիս համոզմունք էր հայտնել,որ այդ ամենի հիմքում Ստեփանակերտում Սերժ Սարգսյանի հետ խմբակային հանդիպումներն են : Անկասկած, Գրիգորյանի այսօրինակ համոզմունքը վկայում է իշխանությունների իրական մտավախության մասին. շատ լավ իմանալով իր խոցելի կողմերը՝ Նիկոլ Փաշինյանի թիմն ամենից շատ վախենում է հենց սահմանադրական կարգի տապալման արդյունքում իշխանությունից հեռացած թիմի մեկտեղումից, համախմբումից ու հակահարվածից: Այդ վախն է, որ հանգիստ չի տալիս Նիկոլ Փաշինյանին, այդ վախն է նաև, որ ընկած է թե՛ նախկին իշխանությունների դեմ սանձազերծած հետապնդումների, թե՛ Քոչարյանի դեմ իրականացվող հալածանքի հիմքում: Այսօր իշխանությունների հասցեին հնչող ցանկացած քննադատություն ընդունվում է սվիններով: Իսկ մի դեպքում, երբ այդ քննադատությունը հնչում է հեղինակավոր գործիչների կողմից, այն դառնում է է՛լ ավելի վտանգավոր, Փաշինյանի համար պետական դավաճանությանը հավասար մի բան: Ակնհայտ է, որ Փաշինյանը վախենում է Վիտալի Բալասանյանի դեմքով իր համար նոր ընդդիմություն ստանալու հեռանկարից՝ շատ լավ հասկանալով, որ հնչող քննադատությանը, գլոբալ առումով, հակադրելու քիչ բան ունի: Թերևս, հենց դա է պատճառը, որ Փաշինյանի ենթակաները, ի դեմս ԱԽՔ Արմեն Գրիգորյանի, չեն խորշում հերոսի հասցեին ամենաանընդունելի մակդիրներ շռայլելուց, ինչը միանշանակորեն դատապարտելի երևույթ է՝ անկախ ամեն ինչից: Հալածելով հայրենասերներին, Հայաստանի վերջին տասնամյակների պատմությունը կերտածներին՝ Փաշինյանը ցանկանում է նաև յուրատեսակ արժեհամակարգային հեղափոխություն կատարել, ստեղծել մի միջավայր, ուր հայրենասերները կդառնան իզգոյներ , իսկ ա՛յ կոսմոպոլիտ հայացքներ ունեցողները՝ տարբեր երանգավորումներով, կհռչակվեն էտալոններ. ներկայումս դա է թելադրում նրա քաղաքական շահը: Դա է վկայում ՔՊ հոգաբարձուների խորհրդի անդամի ժամեր առաջ արած հայտարարությունը, որ հերոսների պետք է այլ տեղ փնտրել, քան պատերազմի դաշտում: Այս դեպքում հարց է առաջանում՝ ովքե՞ր են հերոսները, ովքե՞ր իրավունք ունեն իրենց անցած ուղու իրավունքով խորհուրդ տալ ու իշխանությունների սխալները մատնանշել, եթե ոչ Վիտոն, կամ Օգանովսկին , կամ Կոմանդոսը :

Աներկբա է, որ Հայաստանի նորանկախ պատմության մեջ խորը հետք թողած գործիչները սահմանափակում են Նիկոլ Փաշինյանի մանևրելու հնարավորությունը, զրկում են նրան հասարակությանը մանիպուլացնելու ռեսուրսներից, ինչն էլ դարձել է պատճառ, որ նոր իշխանություններն իսկական արշավ սկսեն բոլոր նրանց դեմ, ովքեր թեկուզ տեսականորեն կարող են որպես այլընտրանք ընկալվել հասարակության կողմից՝ երբ էլ լինի: Վարդգես Սարգսյան

Related news

Latest News
Hashtags:   

Հարձակում՝

 | 

այլախոհության

 | 
Most Popular (6 hours)

Most Popular (24 hours)

Most Popular (a week)

Sources