Tuesday 22 October 2019
Home      All news      Contact us      English
tert.am - 12 days ago

Իրանի իշխանություններն ազատ են արձակել ռուս լրագրող Յուլյա Յուզիկին, նա արդեն Մոսկվայում է

Իրանի իշխանություններն ազատ են արձակել ռուս լրագրող Յուլյա Յուզիկին, որը ձերբակալվել էր Իրանում հոկտեմբերի սկզբին: Այս մասին տեղեկացնում է РИА Новости-ն: ՌԴ արտգործնախարարության և Թեհրանում Ռուսաստանի դեսպանատան համատեղ ջանքերի շնորհիվ իրանական կողմը որոշել է Ռուսաստանի քաղաքացի Յուլյա Յուզիկին ազատ արձակել: Հոկտեմբերի 10-ի վաղ առավոտյան լրագրողն Իրանից մեկնել է Մոսկվա ,-ասված է ռուսական դիվանագիտական ծառայության հայտարարության մեջ: Թեհրանում ՌԴ դեսպանատան մամուլի պատասխանատուն հավելել է, որ Յուզիկն իրեն նորմալ է զգում: Մոսկվայի օդանավակայանում ռուս լրագրողին սպասել են նրա գործընկերները տարբեր հեռուստաընկերություններից և լրատվամիջոցներից: Յուլյա Յուզիկը Թեհրան էր մեկնել սեպտեմբերի 29-ին՝ մասնավոր հրավերով: Օդանավակայանում անհայտ պատճառով նրանից վերցրել էին անձնագիրը, իսկ հոկտեմբերի 2-ին հյուրանոցում ձերբակալել էին նրան: Դեսպանատան ներկայացուցիչը նշել է նաև, որ լրագրողը տեղյակ չի պահել դեսպանատանը ո՛չ հնարավոր խնդիրների, ո՛չ էլ անձնագիրը վերցնելու մասին, չնայած որ նրա հարազատները խոսել էին հնարավոր խնդիրների մասին: Հարազատների խոսքերով՝ Յուզիկին մեղադրել էին Իսրայելի օգտին լրտեսության համար, սակայն ինչպես երկուշաբթի՝ հոկտեմբերի 7-ին հայտարարել էր Իրանի կառավարության պաշտոնական ներկայացուցիչ Ալի Ռաբին, ռուս լրագրողը կապ չունի լրտեսության հետ, պարզապես նրա մոտ առկա էին խնդիրներ՝ վիզայի հետ կապված: Հիշեցնենք, որ Յուլյա Յուզիկն աշխատում է Комсомольская правда թերթի և Русский Newsweek ամսագրի խմբագրություններում: 2003 թվականից զբաղվում է գրական գործունեությամբ և լրագրողական հետաքննություններով:

Related news

Latest News
Hashtags:   

Իրանի

 | 

իշխանություններն

 | 

արձակել

 | 

լրագրող

 | 

Յուլյա

 | 

Յուզիկին

 | 

արդեն

 | 

Մոսկվայում

 | 
Most Popular (6 hours)

Most Popular (24 hours)

Most Popular (a week)

Sources