Wednesday 23 October 2019
Home      All news      Contact us      English
tert.am - 14 days ago

Չի լինի՞ տենց, որ Կառավարության անդամները գան նիստին ու տեղյակ լինեն, թե ինչ է քննարկվում. Փաշինյան

Էրեբունի-Երևան -ն այս տարի կնշվի հոկտեմբերի 19-ին, մյուս տարիների համար հստակ օր կֆիքսվի։ Այսօր Կառավարության հերթական նիստին Տարածքային կառավարման և ենթակառուցվածքների նախարար Սուրեն Պապիկյանը ներկայացրեց որոշման նախագիծ, որով առաջարկվում է Երևանի հիմնադրման 2801-ամյակին նվիրված Էրեբունի-Երևան տոնական միջոցառումները կազմակերպել և իրականացնել 2019 թվականի հոկտեմբերի 19-ին։ Նա նշեց, որ Կառավարության որոշմամբ տոնը հոկտեմբերի երկրորդ շաբաթ օրն է նշվում և, ըստ այդ, հոկտեմբերի 12-ին պետք է նշվեր, սակայն հաշվի առնելով, որ բազմաթիվ զբոսաշրջիկներ, օտարերկրացի հյուրեր են եկել մասնակցելու, աշխատանքի կազմակերպման համար ցանկալի է, որ օրը լինի ճկուն։ Արայիկ Հարությունյանը նկատեց, որ նախագծում կա կետ՝ ուղղված Կրթության և գիտության, մշակույթի և սպորտի նախարարին Երևանի քաղաքապետի կողմից՝ տոնական միջոցառումներին աջակցելու վերաբերյալ և ասաց. Ոչ տոնական միջոցառումների ցանկ ենք տեսել, ոչ քաղաքապետարանն է մեզ դիմել, ոնց ենք պարզելու՝ մենք համապատասխան ծրագրին աջակցենք, թե ոչ ,-ասաց նա: Սուրեն Պապիկյանը պատասխանեց, որ այս միջոցառումներին աջակցելն իրենց յուրաքանչյուրի պարտքն է: Կամա, թե ակամա մենք մեր նպաստն ունենում ենք ,-ասաց նա և նշեց, որ նախագիծը շրջանառվել է: Միջոցառումների ծրագրին աջակցության թեմայի շուրջ տարածված քննարկումներին արձագանքեց վարչապետը․ Այդ պրոբլեմը ինչո՞ւ չի լուծվում, որ ամեն անգամ պարզվում է, թե ինչ-որ տեղ չի գնացել նախագիծը : Կառավարության աշխատակազմի ղեկավար Էդուարդ Աղաջանյանը նշեց, որ միջոցառման օրը փոխվել է՝ պայմանավորված մրցութային ընթացակարգերի թերի լինելով: Քաղաքապետարանից նախագիծն ստացել ենք ուշ և, քանի որ ժամկետների խնդիր կա, նախագիծը ներառվել է օրակարգ ,-ասաց նա: Շարունակելով խոսքը՝ Փաշինյանը նշեց, որ այս հարցերը պետք է լուծել: Չի լինի՞ տենց, որ Կառավարության անդամները գան նիստին, տեղյակ լինեն, թե ինչ է քննարկվում : Փոխվարչապետ Տիգրան Ավինյանը նշեց, որ հարցը նախարարական նիստին ներկայացված չի եղել: Կարևորը՝ օր ֆիքսել այս մասշտաբի միջոցառման համար ,-ասաց նա և նշեց, որ այս տարի կարող են բացառություն անել, սակայն մյուս տարիների համար անհրաժեշտ է հստակ օր ֆիքսել, որպեսզի խնդիրներ չառաջանան այլ միջոցառումների ժամկետների հետ: Վարչապետը կոչ արեց ընդունել նախագիծը և այս տարի բացառություն անել. նախագիծն ընդունվեց:

Related news

Latest News
Hashtags:   

լինի՞

 | 

Կառավարության

 | 

անդամները

 | 

նիստին

 | 

տեղյակ

 | 

լինեն

 | 

քննարկվում

 | 

Փաշինյան

 | 
Most Popular (6 hours)

Most Popular (24 hours)

Most Popular (a week)

Sources