Wednesday 23 October 2019
Home      All news      Contact us      English
tert.am - 13 days ago

Զոհված ազատամարտիկների մայրերն ու այրիները բողոքի ակցիա էին իրականացնում Կառավարության դիմաց. վարչապետը նրանց կընդունի հաջորդ շաբաթ

Կառավարության դիմաց բողոքի ակցիա էին իրականացնում զոհված ազատամարտիկների ընտանիքի անդամները պահանջելով հանդիպում ՀՀ վարչապետ Նիկոլ Փաշինյանի հետ: Նրանք բողոքում են, որ Մարտի 1 -ի զոհերի հարազատներին Կառավարությունը 30 մլն դրամ գումար է փոխհատուցում, իսկ իրենց այսքան տարիների ընթացքում ոչ մի նման աջակցություն չի եղել: Հունվարից մինչ այսօր մենք 5 դիմում ենք ուղարկել, վերջին դիմումը եղել է սեպտեմբերի 11-ին: Դիմել ենք վարչապետին նշելով, որ ակնկալում ենք զոհվածների ընտանիքների ընդունելություն, քանզի 5646 ընտանիք ոչ մի անգամ ոչնչից չի օգտվել ,-ասաց Զինվորի Մայր ՀԿ նախագահ Մարգարիտա Խաչատրյանը նշելով, որ եթե կառավարությունը կարողացավ փողոցային կռվի հարցը լուծել, ապա այս մայրերի խնդիրներն էլ պետք է լուծեն: Նախորդ անգամ հանդիպեցինք վարչապետին, ասաց տիկին Մարգարիտա, դո՞ւ ինչու ես այստեղ: Ասաց գնում է արտերկիր, վերադառնալուն պես կզանգահարի, ես զանգում եմ մամուլի խոսնակին, ասում է տիկին Մարգարիտա ջան, մենք քեզ հետ կզանգենք, ու այդ զանգը մինչ օրս չի եղել ,-նշեց Խաչատրյանը: Բողոքի ակցիայի ընթացքում զոհված ազատամարտիկի այրի, Մեզ բացակա չդնեք ՀԿ նախագահ Սաթիկ Խլղաթյանն էլ դիմեց Մարդու իրավունքների պաշտպան Արման Թաթոյանին, ով այդ պահին մտնում էր Կառավարության շենք, և հետաքրքրվեց, թե ինչպես է վերջինս վերաբերվում Կառավարությանն ուղղված՝ փոխհատուցում տրամադրելու իրենց պահանջին, ինչին ի պատասխան Թաթոյանն առաջարկեց գրավոր դիմում ուղարկել ՄԻՊ աշխատակազմ, որպեսզի հարցն ուսումնասիրեն: 30 միլիոն դրամները, որ հատկացվում են, պետք է հաշվի նստեն նաև Արցախյան պատերազմում զոհված ազատամարտիկների ընտանիքների հետ։ Այդ ընտանիքները ստանում են ամսական ընդամենը 30 հազար դրամ։ Եթե ողջ են ազատամարտիկի այրին և ծնողները, այդ գումարը կիսվում է։ Հիմա Կառավարությունն ասում է, որ եթե նախկին կառավարության օրոք այդպես ապրել եք, հիմա էլ ապրեք։ Բայց մենք սպասելու ենք վարչապետին, մեր դիմումը մեկ ամիս է՝ Կառավարությունում է։ Ակնկալում եմ, որ վարչապետը կընդունի մեզ և հարցերին լուծում կտա ,-լրագրողների հետ զրույցում ասաց Սաթիկ Խլղաթյանը: Բողոք ի ակցիայի ընթացքում Մարգարիտա Խաչատրյանի հետ զրուցեց վարչապետի օգնական Նաիրի Սարգսյանը, ով տեղակացրեց, որ վարչապետն այսօր երկրից մեկնելու է, և Մարգարիտա Խաչատրյանին ու ակցիայի մասնակիցներից մի քանիսին կկարողանա ընդունել հաջորդ շաբաթվա ընթացքում երկուշաբթի կամ երեքշաբթի: Մարգարիտա Խաչատրյանը լրագրողներին տեղեկացրեց, որ բողոքի ակցիան կդադարեցնեն և կսպասեն Նիկոլ Փաշինյանի հետ հանդիպմանը:

Related news

Latest News
Hashtags:   

Զոհված

 | 

ազատամարտիկների

 | 

մայրերն

 | 

այրիները

 | 

բողոքի

 | 

ակցիա

 | 

իրականացնում

 | 

Կառավարության

 | 

դիմաց

 | 

վարչապետը

 | 

նրանց

 | 

կընդունի

 | 

հաջորդ

 | 

շաբաթ

 | 
Most Popular (6 hours)

Most Popular (24 hours)

Most Popular (a week)

Sources