Monday 21 October 2019
Home      All news      Contact us      English
tert.am - 11 days ago

Դոնալդ Թրամփը Ջո Բայդենի՝ իրեն ուղղված պաշտոնանկության կոչը «հուզիչ» է անվանել

ԱՄՆ նախագահ Դոնալդ Թրամփը Twitter-ում պատասխանել է ԱՄՆ նախկին փոխնախագահ, 2020 թվականի նախագահական ընտրություններին մասնակցել պատրաստվող Ջո Բայդենի հայտարարությանը, որը հանդես է եկել Թրամփի պաշտոնանկության կոչերով: Այնքան հուզիչ է տեսնել քնկոտ Ջո Բայդենին, որն իր որդու՝ Հանթերի հետ և ի վնաս Միացյալ Նահանգների հարկատուների առնվազն երկու երկրներից կողոպտել է միլիոնավոր դոլարներ և հիմա հանդես է գալիս իմ պաշտոնանկության կոչերով ,- գրել է Թրամփը: Սպիտակ տան ղեկավարը նաև նշել է, որ ինքը ոչ մի վատ բան չի արել , իսկ Բայդենի ձախողված նախընտրական քարոզարշավն իրեն այլ ընտրություն չի թողնում , քան աջակցել իր պաշտոնանկության գործընթացին: Թրամփը Բայդենին հաճախ է անվանում քնկոտ ՝ ակնարկելով, որ նա ի վիճակի չէ արագ արձագանքել և պատասխանել հարցերին: Հիշեցնենք, որ Թրամփի Ուկրաինայի նախագահ Վլադիմիր Զելենսկու հետ ունեցած հեռախոսազրույցը հայտնվել է համընդհանուր ուշադրության կենտրոնում՝ այն բանից հետո, երբ լրատվամիջոցները տեղեկատվություն են տարածել, որ հեռախոսազրույցը հետախուզության աշխատակցին անհանգստացնող է թվացել, և նա այդ մասին բողոք-դիմում է ուղարկել ղեկավարությանը: Ավելի վաղ հրապարակվել է հեռախոսազրույցի ձայնագրությունը, այնուհետև նշված բողոքը: Հաստատվել է, որ Թրամփը Զելենսկուն խնդրել է հետաքննություն իրականացնել Ուկրաինայի նախկին գլխավոր դատախազ Վիկտոր Շոկինի պաշտոնից ազատման հանգամանքների վերաբերյալ: Շոկինը հետաքննություն էր իրականացնում Burisma Group-ի գործունեության վերաբերյալ, որի տնօրենների խորհրդի կազմում էր նաև նախկին փոխնախագահ Ջո Բայդենի որդին Հանթեր Բայդենը: Ջո Բայդենը որոշել է մասնակցել 2020 թվականին կայանալիք ԱՄՆ նախագահական ընտրություններին:

Related news

Latest News
Hashtags:   

Դոնալդ

 | 

Թրամփը

 | 

Բայդենի՝

 | 

ուղղված

 | 

պաշտոնանկության

 | 

հուզիչ

 | 

անվանել

 | 
Most Popular (6 hours)

Most Popular (24 hours)

Most Popular (a week)

Sources