Tuesday 22 October 2019
Home      All news      Contact us      English
tert.am - 12 days ago

Անտոնիու Գուտերեշը խորը մտահոգություն է հայտնել Սիրիայի հյուսիս-արևելյան հատվածում տիրող իրավիճակի կապակցությամբ

ՄԱԿ-ի գլխավոր քարտուղար Անտոնիու Գուտերեշը խորապես անհանգստացած է Սիրիայի հյուսիս-արևելյան հատվածում տիրող իրավիճակի կապակցությամբ, որտեղ Թուրքիան ռազմական գործողություն է իրականացնում: Այս մասին հայտնել է ՄԱԿ-ի գլխավոր քարտուղարի պաշտոնական ներկայացուցչի տեղակալ Ֆարհան Հաքը, հաղորդում է Associated Press-ը: ՄԱԿ-ի գլխավոր քարտուղարը խորապես մտահոգված է Սիրիայի հյուսիս-արևելքում տեղի ունեցող վերջին իրադարձությունների կապակցությամբ: Բոլոր ռազմական գործողությունները պետք է իրականացվեն ՄԱԿ-ի կանոնադրությանը և միջազգային մարդասիրական իրավունքի նորմերին համապատասխան, պետք է ապահովել քաղաքացիական անձանց և քաղաքացիական ենթակառուցվածքների անվտանգությունը ,- ասել է նա: ՄԱԿ-ի գլխավոր քարտուղարն ընդգծում է, որ Սիրիայի հակամարտությունը ռազմական լուծում չունի, և որ միայն ՄԱԿ-ի Անվտանգության խորհրդի 2254 բանաձևի համաձայն վստահության արժանի քաղաքական գործընթացը թույլ կտա երկարաժամկետ հիմքով կարգավորում ապահովել ,- հավելել է Հաքը: Նա նաև հիշեցրել է, որ ցանկացած որոշման դեպքում պետք է պահպանվեն Սիրիայի ինքնիշխանությունն ու տարածքային ամբողջականությունը : Հիշեցնենք, որ հոկտեմբերի 9-ին Թուրքիայի նախագահ Ռեջեփ Թայիփ Էրդողանը հայտարարել է Սիրիայում Խաղաղության ակունք ռազմական գործողության մեկնարկի մասին:

Related news

Latest News
Hashtags:   

Անտոնիու

 | 

Գուտերեշը

 | 

մտահոգություն

 | 

հայտնել

 | 

Սիրիայի

 | 

հյուսիս

 | 

արևելյան

 | 

հատվածում

 | 

տիրող

 | 

իրավիճակի

 | 

կապակցությամբ

 | 
Most Popular (6 hours)

Most Popular (24 hours)

Most Popular (a week)

Sources