Saturday 19 October 2019
Home      All news      Contact us      English
tert.am - 10 days ago

Եթե Երևանն ուզում է Արցախում թափանցիկ ընտրությունների երաշխավոր լինել, պետք է պատշաճ չեզոքություն պահպանի. Արման Մելիքյան (տեսանյութ)

Միանգամայն ողջունելի է Արցախի արտգործնախարար Մասիս Մայիլյանի առաջադրումը Արցախի Հանրապետության նախագահի պաշտոնում, նա կոռուպցիոն սկանդալների հետ կապ չի ունեցել, զենքի մարդ չէ: Արմնյուզ ՀԸ #ՕրաԽնդիր հաղորդմանը նման կարծիք է հայտնել Արցախի Հանրապետության արտաքին գործերի նախկին նախարար, ՀՀ արտակարգ և լիազոր դեսպան Արման Մելիքյանը:

Եթե Երևանն ուզում է հանդես գալ արցախյան ընտրությունների արդար, թափանցիկ անցկացման երաշխավորի դերում, պետք է կարողանա պահպանել պատշաճ չեզոքություն , ասել է նա:

Ըստ Մելիքյանի՝ Արցախի անվտանգության խորհրդի նախկին քարտուղար Վիտալի Բալասանյան Վիտալի Բալասանյանը լուրջ տարաձայնություններ ունի Սասնա Ծռեր կուսակցության վարչության անդամ Ժիրայր Սեֆիլյանի և վարչապետ Նիկոլ Փաշինյանի թիմերի հետ. Առաջնայինը ներազգային համերաշխության խնդիրն է Հայաստանի Հանրապետության և Արցախի համար: Բռնության կոչ պարունակող հայտարարությունները, ում կողմից էլ հնչեն, մերժելի են, վնասակար և վտանգավոր :

Արման Մելիքյանի կարծիքով՝ վարչապետ Փաշինյանն առայժմ չունի հստակ ծրագիր՝ ինչպես հասնել իր հռչակած նպատակներին Արցախի հարցում. Մեր բանակցային դիրքերը հանգում են նրան, որ Հայաստանը պատրաստ է իր զորքը հանել ներկայիս Արցախի տարածքից՝ այն պայմանով, որ Ադրբեջանը կճանաչի Արցախի անկախությունը: Ըստ էության, Հայաստանն ինքն իրեն ագրեսոր պետություն է ճանաչում: Փաշինյանն ասում է, որ երեք կողմերը պետք է համաձայնեն լուծման, բայց ներկայիս բանակցային իրողություններով՝ Հայաստանը ճանաչել է իր ագրեսոր լինելը :

Ըստ Արման Մելիքյանի՝ եթե Արցախում կրկին տարածքներ կորսվեն, աշխարհում որևէ մեկը չի ասի՝ Ադրբեջա՛ն, տարածքները վերադարձրու. Հռչակագրային քաղաքականությունը չի կարող արդյունքներ բերել: Ստեփանակերտը բանակցային ձևաչափ բերելու թեզը լավն է, բայց պետք է հասկանալ՝ ի՞նչ քայլեր ունի իր զինանոցում գործող վարչակազմը, որ այդ պնդումն իրականացնի : Արցախի նախկին արտգործնախարարի կարծիքով՝ վեց ամիս հետո արդեն կարող ենք միանգամայն նոր իրավիճակ ձևավորել, երբ Ադրբեջանը հարկադրված կլինի ընտրելու՝ Արցախը ճանաչել անկա՞խ, թե՞ Հայաստանի մաս:

Համանախագահները չեզոք միջնորդներ են, կողմերը միմյանց հետ պիտի պայմանավորվեն, իսկ սա հանգում է նրան, որ Ադրբեջանն ինչ կուզի, կանի, և չի արժանանա պարսավանքի միջազգային հանրության կողմից ,- ասել է Մելիքյանը՝ հավելելով. Մենք կարող ենք գործել՝ հենվելով այն ներուժի, ռեսուրսի վրա, որին ինքներս ենք տիրապետում: Մենք դա չենք վերածել քաղաքական և դիվանագիտական առավելության :

Արման Մելիքյանը հիշեցրել է, որ բովանդակային բանակցություններն առայսօր եղել են տարածք հանձնելու շուրջ: Հակամարտության երեք կողմերի միջև գերտերությունները միշտ կփորձեն իրենց շահերը հետապնդել, մենք պետք է կարևորենք սեփական շահերի առաջմղումը ,- ամփոփել է Մելիքյանը: Դավիթ Սարգսյան

Related news

Latest News
Hashtags:   

Երևանն

 | 

ուզում

 | 

Արցախում

 | 

թափանցիկ

 | 

ընտրությունների

 | 

երաշխավոր

 | 

լինել

 | 

պատշաճ

 | 

չեզոքություն

 | 

պահպանի

 | 

Արման

 | 

Մելիքյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources