Tuesday 15 October 2019
Home      All news      Contact us      English
tert.am - 6 days ago

Սիրիայում 8-ամյա և 15-ամյա գերեզմանափոր եղբայրները պատմել են «անմեղ մեռյալների» դեմքերը տեսնելու դժվարության և դպրոց հաճախելու երազանքի մասին. Daily Mail (լուսանկարներ, տեսանյութ)

Սիրիայում 8-ամյա Ջավադ և 15-ամյա Յազան անունով եղբայրները, որոնք գերեզմանափոր են աշխատում, Daily Mail-ի հետ զրուցում վերհիշել են Իսլամական պետություն ահաբեկչական խմբավորման տիրապետության տակ ապրած սարսափելի օրերը և պատմել են դպրոց հաճախելու անիրական թվացող երազանքի մասին: Ջավադը և Յազանն իրենց հասակակից երեխաների պես դպրոց հաճախելու փոխարեն առավոտյան 6-ից հոր՝ Ղասանի հետ գերեզմաններ են փորում, գրում է աղբյուրը: Ընտանիքը Հալեպից է, որտեղ նրանք ապրել են Իսլամական պետություն ահաբեկչական խմբավորման տիրապետության ներքո և ականատես են եղել իրենց հարազատների մահվանը: Ի վերջո, ընտանիքը լքել է հայրենի քաղաքը՝ տեղափոխվելով ծայրամասային Իդլիբ: Խոսելով Իսլամական պետություն ահաբեկչական խմբավորման տիրապետության տակ անցկացրած օրերի մասին՝ 8-ամյա Ջավադն ասել է. Նրանք սպանում էին մարդկանց, կտրում նրանց գլուխները: Մի անգամ մի կնոջ սպանեցին ու իր բոլոր երեխաների հետ կախաղան բարձրացրին հրապարակում : Նա հավելել է, որ ժամանակին սիրում էր խաղալ իր ընկերների հետ, իսկ այժմ ոչ ոք չկա, բոլորը մեռած են : Փոքրիկի խոսքով՝ կյանքն իսկական դժոխքի է վերածվել. Ամենադժվար բանն անմեղ մեռյալների դեմքերը տեսնելն է: Նրանց՝ տոպրակների մեջ լցված կտրատված մարմնի մասերը տեսնելն է :

Տղայի խոսքով՝ ինքը չի վախենում իր աշխատանքից. Չեմ վախենում իմ աշխատանքից, քանի որ նրանք արդեն մահացած են : Ջավադի ավագ եղբայրը՝ 15-ամյա Յազանը հայտնել է, որ հիմնականում փորում են մանկահասակ երեխաների գերեզմաններ, այն էլ՝ ձեռքով: Հորս հետ երեք գերեզման եմ փորել: Վախենալու ոչինչ չկա, նրանք մեզ պես մարդիկ են, բայց նրանք անցնելու են գետնի տակ ու այլևս դուրս չգան ,- հայտնել է տղան: Աղբյուրի հաղորդմամբ՝ երեխաները երազում են, որ մի օր կարող են դպրոց հաճախել, որպեսզի լավ կրթություն ստանան, գումար աշխատեն ու մի շարք խաղալիքներ գնեն իրենց համար:

Related news

Latest News
Hashtags:   

Սիրիայում

 | 

գերեզմանափոր

 | 

եղբայրները

 | 

պատմել

 | 

անմեղ

 | 

մեռյալների

 | 

դեմքերը

 | 

տեսնելու

 | 

դժվարության

 | 

դպրոց

 | 

հաճախելու

 | 

երազանքի

 | 

մասին

 | 

Daily

 | 

լուսանկարներ

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources