Tuesday 15 October 2019
Home      All news      Contact us      English
tert.am - 6 days ago

ՀՀ-ում աշխատուժի խնդիր կա, մարդիկ նախընտրում են գնալ ՌԴ-ում նվաստացուցիչ պայմաններով, բայց աչքից հեռու աշխատել, որովհետև մեզ մոտ քամահրանք կա բանվորի աշխատանքի նկատմամբ. վարչապետ

Ի՞նչ անել-2. տնտեսական հեղափոխություն. ընկալումը և գործարկումը գիտագործնական խորհրդաժողովում ՀՀ վարչապետ Նիկոլ Փաշինյանն անդրադարձավ աշխատանքի շուկային վերաբերող խնդիրներին: Նա նշեց, որ ձեռնարկատերերի կողմից հստակ հարց է դրվում, որ կա աշխատուժի խնդիր, թափուր աշխատատեղեր, որոնք ձեռնարկատերերը չեն կարողանում համալրել, ընդ որում, վարչապետի խոսքով, դա վերաբերում է թե բարձր որակավորման, թե միջին և առանձնապես որակավորում չպահանջող աշխատուժին: Փաշինյանն օրինակ բերեց Կարաս գինու գործարանը: Կարաս գինու գործարանը խաղողի բերքը հավաքելու համար աշխատուժի լուրջ խնդիր ունի ,- ասաց նա: Փաշինյանը նշեց, որ եթե նախկինում մարդիկ չէին ուզում աշխատել, որ նպաստից չզրկվեն, հիմա իրենք այնպես են կարգավորել, որ առավել ևս սեզոնային աշխատուժ իրականացնելու պայմաններում քաղաքացին չի զրկվում նպաստից: Այստեղ էլ վարքագծային խնդիր կա: Ես մեկ վարկած նշեմ. հնարավոր է՝ սխալվում եմ: Կա այդպիսի մի դիտարկում, որ շատ քաղաքացիներ նախընտրում են, օրինակ, Ռուսաստանում աչքից հեռու անել որոշակի աշխատանք, ապրել նվաստացուցիչ պայմաններում, բայց գյուղի աչքից հեռու ,- նշեց նա: Փաշինյանը հավելեց, որ Կարասի ներկայացուցիչները կապվել են մարզպետարանների հետ, ասել են, որ ավտոբուս կտրամադրեն, որ գյուղերից աշխատուժ հավաքեն և բերեն, որ բերքահավաքին մասնակցեն, բայց ապարդյուն: Ըստ Փաշինյանի մեզ մոտ կա աշխատանքին քամահրանքով վերաբերվելու խնդիր: Այստեղ միայն այդ մարդիկ չեն մեղավոր, չի կարելի որևէ մասնագիտության վերաբերվել քամահրանքով: Ենթադրենք մարդը գնացել է, տաքսի է վարում, չի կարելի քամահրանքով ասել տաքսու վարորդ : Դա ցույց է տալիս մեր վերաբերմունքը աշխատանքին՝ բանվոր, տաքսու վարորդ... նման քամահրական վերաբերմունք կա, այդ պատճառով էլ այդ մարդիկ ուզում են աչքից հեռու լինել ,- նշեց նա: Իմ կարծիքով՝ սա նույնպես վարքագիծը կանխորոշող վերաբերմունք է, ես շատ հարգանքով եմ վերաբերվում աշխատանքով զբաղվող ցանկացած մարդու, որովհետև ես իմ կենսագրության մեջ բանվոր էլ եմ աշխատել և համոզված եմ՝ այստեղ ներկա շատերը ևս տարբեր աշխատանքներ են կատարել, և դա լավ է: Բոլոր դեպքերում, երբ մարդը նախընտրում է աշխատելը չաշխատելուց, դա հարգանքի արժանի վերաբերմունք է ,- շեշտեց նա:

Related news

Latest News
Hashtags:   

աշխատուժի

 | 

խնդիր

 | 

մարդիկ

 | 

նախընտրում

 | 

նվաստացուցիչ

 | 

պայմաններով

 | 

աչքից

 | 

հեռու

 | 

աշխատել

 | 

որովհետև

 | 

քամահրանք

 | 

բանվորի

 | 

աշխատանքի

 | 

նկատմամբ

 | 

վարչապետ

 | 
Most Popular (6 hours)

Most Popular (24 hours)

Most Popular (a week)

Sources