Tuesday 15 October 2019
Home      All news      Contact us      English
tert.am - 6 days ago

Եթե կառավարությունը վերաիմաստավորի բնակարանաշինությունը, հնարավոր է՝ հասարակության մոտ դժգոհություն առաջանա, բայց ճիշտ քայլ կլինի. Վարդան Արամյան

Գործիքը, որ կիրառում ես, պետք է ունենա կա՛մ սոցիալական բաղադրիչ, կա՛մ տնտեսական: Այդ երկուսը իրար հակասում են: Այս մասին այսօր Ի՞նչ անել-2. տնտեսական հեղափոխություն. ընկալումը և գործարկումը գիտագործնական խորհրդաժողովից առաջ լրագրողների հետ զրույցում նշեց ֆինանսների նախկին նախարար Վարդան Արամյանը՝ անդրադառնալով բնակարանաշինությանը: Կարծես թե մենք հստակ քայլերով գնում ենք այն ուղղությամբ, ինչ 2002-2008 թվականներին: Մեզ մոտ առաջնորդվողը ոչ արտահանելի հատվածն է: Սրան իրականում պետք է ուշադրություն դարձնենք: Պետք է գնալ ոչ պոպուլյար քայլերի, այսինքն այն ծրագրերը, որոնք էապես նպաստում են բնակարանային շինարարությանը, պետք է վերաիմաստավորվեն: Այսօրվա իրավիճակում մեզ մոտ բում է տեղի ունենում: Իհարկե, մակրոտնտեսական ցուցանիշները դեռ չեն հասցրել դա իրենց մեջ ընդգրկել, նկատի ունեմ կապիտալ շինարարությունը և հատկապես բնակարանային շինարարությունը, բայց եթե դուք նայեք ձեր շրջապատում, Կենտրոնում գրեթե բնակարաններ չեն մնացել, որոնք կառուցապատողները վաճառում են: Դա այդպես է, որովհետև մենք այսօր ունենք մեկ գործիք՝ եկամտային հարկի հետվերադարձի գործիքը, որը խթանում է բնակարանաշինությունը ,- ասաց նա: Արամյանի խոսքով՝ եթե կառավարությունը վերաիմաստավորի բնակարանաշինությունը, հնարավոր է՝ հասարակության մոտ դժգոհություն առաջանա, բայց դա իր գնահատմամբ՝ ճիշտ քայլ է: Նա առաջարկեց դրան տալ սոցիալական բնույթ: Գործիքը, որ կիրառում ես, պետք է ունենա կա՛մ սոցիալական բաղադրիչ, կա՛մ տնտեսական: Այդ երկուսը իրար հակասում են: Այս իմաստով 2016-ին, երբ ներդրվեց այս գործիքը, հիմնական նպատակն էր, որ այն լինի տնտեսական, կապիտալ շինարարությունը փորձենք վերակենդանացնել, և որոշակի ժամանակ հետո կառավարությունը պետք է դուրս գար այդ ծրագրից: Ամենասկզբում ներդրվել է այդ գործիքը, եկամտային հարկի վերադարձը 600-700 մլն դրամ է կազմել: Այսօր այդ թիվը գրեթե տասնապատկվել է և մոտենում է 8 մլրդ դրամի: Պետք է հաշվի առնենք, որ ևս 10 տարի պետք է ապրենք դրա հետ: Եվ ես ձեզ վստահեցնում եմ, որ այս տեմպերով հաջորդ տարի բյուջեյում կտեսնենք 15-16 մլրդ դրամ ,- նշեց Արամյանը: Արամյանը հավելեց, որ 55 մլն դրամի շեմը, որ դրված է այդ գործիքի հիմքում, շատ բարձր է. եթե դրան տալիս են սոցիալական բաղադրիչ, ապա այն պետք է համադրելի լինի Բնակարան երիտասարդ ընտանիքներին ծրագրին, այսինքն շեմը պետք է նվազի, իսկ եթե տալիս են տնտեսական բաղադրիչ, ապա խթանում են ոչ արտահանելի հատվածը: Կառավարության այս քաղաքականության արդյունքում սկսել են ակտիվանալ կառուցապատողների առաջարկները: Դա լավ է, բայց եթե դա իրականում արվում է կառավարության ծրագրի գործիքակազմով, դա վտանգավոր է: Ես առաջարկում եմ, որ մենք թիրախավորենք խիստ կարիքավորներին ,- ամփոփեց նա:

Related news

Latest News
Hashtags:   

կառավարությունը

 | 

վերաիմաստավորի

 | 

բնակարանաշինությունը

 | 

հնարավոր

 | 

հասարակության

 | 

դժգոհություն

 | 

առաջանա

 | 

կլինի

 | 

Վարդան

 | 

Արամյան

 | 
Most Popular (6 hours)

Most Popular (24 hours)

Most Popular (a week)

Sources