Tuesday 15 October 2019
Home      All news      Contact us      English
tert.am - 6 days ago

Գազի սակագնի շուրջ բանակցությունները շարունակվում են, ավարտի հստակ ժամկետ չկա. փոխվարչապետ Մհեր Գրիգորյան

Ռուսաստանից գնվող գազի սակագինը բաղկացած է առնվազն 3 կարևորագույն, ֆունդամենտալ բաղադրիչներից գինը սահմանին, հայկական Գազպրոմ Արմենիայի ներդրումային ծրագիրը և վերջինիս ընթացիկ ծախսերը:

Այս մասին այսօր Ի՞նչ անել-2 տնտեսական հեղափոխություն. ընկալումը և գործարկումը գիտագործնական խորհրդաժողովի ընթացքում լրագրողների հետ զրույցում ասաց ՀՀ փոխվարչապետ Մհեր Գրիգորյանը անդրադառնալով գազի սակագնի հնարավոր փոփոխություններին:

Երեք ուղղություններով էլ բանակցություններն ընթանում են, և դրանց արդյունքը կոչվում է գլխավոր սխեմա, որն այսօր ևս քննարկվում է ,-ասաց նա՝ ավելացնելով, որ բանակցությունների ավարտի հստակ ժամկետ չի կարող նշել:

Ես կարծում եմ շատ երկար չի տևի, բայց կոնկրետ ժամկետ չնշեմ, որովհետև բանակցություններ են ընթանում, ամեն օր նոր հարց, նոր պատասխան, նոր քննարկման տարր կարող է առաջանալ ,- մեկնաբանեց Գրիգորյանը:

Հիշեցնենք, որ Փաստ թերթը գրել էր, թե իր տեղեկություններով 2020 թվականի հունվարի 1-ից գազը թանկանալու է, այդ թվում՝ արդեն նաև ազգաբնակչության համար: Ըստ թերթի՝ ռուսական կողմը նախատեսում է գազի գինը բարձրացնել 38-40 տոկոսով, ինչը շատ լուրջ թանկացում է և չի կարող վնաս չհասցնել թե՛ սոցիալական առումով, թե՛ ՀՀ ողջ տնտեսության վրա ազդեցության։ Թերթի տեղեկություններով, ՀՀ իշխանությունները նշված բանակցություններում փորձում են հասնել այնպիսի փոխզիջման, որ թանկացումը լինի ոչ ավելի, քան 20-25 տոկոս:

2019 թվականի հունվարի 1 ից սահմանին Հայաստանը Ռուսաստանից գազը ստանում է հազար խորանարդ մետրի դիմաց 165 դոլար գնով՝ նախկին 150-ի փոխարեն։ Երկրի ներսում սակագինը կազմում է 139 դրամ մեկ խորանարդի դիմաց, այսինքն հազար խորանարդի դիմաց գրեթե 290 դոլար։

Related news

Latest News
Hashtags:   

սակագնի

 | 

շուրջ

 | 

բանակցությունները

 | 

շարունակվում

 | 

ավարտի

 | 

հստակ

 | 

ժամկետ

 | 

փոխվարչապետ

 | 

Գրիգորյան

 | 
Most Popular (6 hours)

Most Popular (24 hours)

Most Popular (a week)

Sources