Friday 18 October 2019
Home      All news      Contact us      English
tert.am - 9 days ago

«Ներգաղթյալները կօգնեն Եվրոպայի և Կենտրոնական Ասիայի տնտեսություններին». Համաշխարհային բանկ

Համաշխարհային բանկն իր զեկույցում նշել է, որ Եվրոպայում և Կենտրոնական Ասիայում տնտեսական աճի տեմպերը դանդաղում են: Այս մասին տեղեկացնում է РИА Новости-ն: Զեկույցում ասվում է նաև, որ Եվրոպայում և Կենտրոնական Ասիայում այս իրավիճակի գլխավոր պատճառը ժողովրդագրական պատկերն է, մասնավորապես՝ աշխատունակ տարիքի մարդկանց թվի նվազումը: Այս հարցում, ըստ ՀԲ-ի, կարող են օգնել ներգաղթյալները: Որպես կանոն, ներգաղթյալների մեծամասնությունն աշխատունակ տարիքի մարդիկ են, որոնք կարող են թուլացնել ժողովրդագրական ճնշումը՝ հավելյալ աշխատուժի, արտադրողականության և տնտեսության զարգացման տեմպերն արագացնելու հաշվին ,- ասել է Համաշխարհային բանկի Եվրոպայի և Կենտրոնական Ասիայի հարցերով գլխավոր տնտեսագետ Ասլը Դեմիրգյուչ-Կունտը: Բանկը նշել է նաև, որ վերջին տարիներին ներգաղթյալների թիվը Եվրոպայում կտրուկ ավելացել է: Միջտարածաշրջանային ներգաղթի մակարդակը Եվրոպայում և Կենտրոնական Ասիայում նույնպես շատ բարձր է: Ներգաղթյալների 80%-ը մեկնում են տարածաշրջանի այլ երկրներ: Սակայն ներգաղթը շատ հաճախ հանդիպում է դիմադրության պետությունների կողմից, քանի որ ներգաղթի դրական կողմերը տեսանելի են դառնում բավականին երկար ժամկետներում, իսկ վատ կողմերը, ինչպիսին է պարապուրդը, աչքի են զարնում միանգամից: Այդ պատճառով Համաշխարհային բանկը խորհուրդ է տալիս ուսումնական ծրագրեր անցկացնել ներգաղթյալների համար: Միգրացիայի հետ կապված մտավախություններ կան դոնոր երկրներից ուղեղի արտահոսքի առնչությամբ, քանի որ տարածաշրջանում բարձրագույն կրթությամբ արտագաղթողների տոկոսը բարձր է:

Related news

Latest News
Hashtags:   

Ներգաղթյալները

 | 

կօգնեն

 | 

Եվրոպայի

 | 

Կենտրոնական

 | 

Ասիայի

 | 

տնտեսություններին

 | 

Համաշխարհային

 | 
Most Popular (6 hours)

Most Popular (24 hours)

Most Popular (a week)

Sources