Tuesday 22 October 2019
Home      All news      Contact us      English
tert.am - 14 days ago

Georgian Airways-ը պատրաստվում է ՄԻԵԴ-ում ընդդեմ Ռուսաստանի դատական հայց ներկայացնել և 25 մլն դոլար փոխհատուցում պահանջել

Վրացական Georgian Airways ավիաընկերությունը պատրաստվում է ՄԻԵԴ-ում ընդդեմ ՌԴ տրանսպորտի նախարարության հայց ներկայացնել թռիչքների չհիմնավորված դադարի համար, և 25 մլն դոլար փոխհատուցում պահանջել, գրում է РИА Новости-ն հղում անելով ավիաընկերության գլխավոր տնօրեն Ռոման Բոկերիայի հայտարարությանը: Բոկերիան նշել է, որ թռիչքների դադարեցման գլխավոր պատճառը, ըստ ՌԴ տրանսպորտի նախարարության, ընկերության 800 հազար դոլարի չափով պարտքը, ինչպես նաև ընկերության ավիացիոն անվտանգության ծրագրի որոշակի թերություններն են եղել: Ամենայն պատասխանատվությամբ հայտարարում ենք, որ Georgian Airways-ը ոչ մի պարտք չունի ,- ասել է Բոկերիան: Նա նաև պնդել է, որ ընկերությունն անվտանգության ապահովման հետ կապված ոչ մի խնդիր չունի: ՌԴ տրանսպորտի նախարարության թռիչքների դադարեցման վերաբերյալ որոշումն անօրինական է եղել, ինչի հետևանքով ընկերությունը ֆինանսական մեծ կորուստներ է ունեցել ,- հայտարարել է Ռոման Բոկերիան: Georgian Airways-ը Ռուսաստանից 25 միլիոն դոլարի փոխհատուցում է պահանջելու: Ավելի վաղ ՌԴ տրանսպորտի նախարարությունը հայտարարել է, որ վրացական ավիաընկերությունների պարտքի չափը Ռուսաստանին կազմում է 1 միլիոն դոլար: Վրաստանի մայրաքաղաքում հունիսի 20-ին սկիզբ առած բողոքի ցույցերի արդյունքում ՌԴ նախագահ Վլադիմիր Պուտինը հրամանագիր էր ստորագրել արգելելով ռուսական ավիաընկերությունների թռիչքը դեպի Վրաստան:

Related news

Latest News
Hashtags:   

Georgian

 | 

Airways

 | 

պատրաստվում

 | 

ընդդեմ

 | 

Ռուսաստանի

 | 

դատական

 | 

ներկայացնել

 | 

դոլար

 | 

փոխհատուցում

 | 

պահանջել

 | 
Most Popular (6 hours)

Most Popular (24 hours)

Most Popular (a week)

Sources