Tuesday 15 October 2019
Home      All news      Contact us      English
tert.am - 7 days ago

Թրամփի և Էրդողանի հեռախոսազրույցն այդքան էլ հարթ չի ընթացել. NBC

Թուրքիայի նախագահ Ռեջեփ Թայիփ Էրդողանի և ԱՄՆ նախագահ Դոնալդ Թրամփի կիրակնօրյա հեռախոսազրույցը Սիրիայում Թուրքիայի ռազմական գործողությունների վերաբերյալ այնքան էլ հարթ չի ընթացել, գրում է NBC-ն: Ավելի վաղ Թուրքիայի նախագահ Ռեջեփ Թայիփ Էրդողանը հայտարարել էր, որ Սիրիայի հյուսիսում Թուրքիայի ռազմական գործողությունների որոշումը կարող է ընդունվել առաջիկա օրերին: Նա նշել էր, որ այս գործողությունների նպատակն է լինելու Սիրիայի սահմանամերձ հատվածը Սիրիայի քրդերի ինքնապաշտպանական ուժերից մաքրելը և այնտեղ Թուրքիայում հաստատված սիրիացի փախստականների բնակեցումը: Էրդողանը հետ չի կանգնել իր դիրքորոշումից և նույնիսկ Թրամփի հրավերը Սպիտակ տուն նրան հետ չի կանգնեցրել իր մտքից: ԱՄՆ նախագահը հայտարարել է, որ չափավոր ներխուժումը դեռ կարելի էր ընդունել, բայց ռազմական լայն գործողությունները, որոնք կհանգեցնեն բախումների, անընդունելի են: Թրամփը նաև զգուշացրել է, որ եթե Թուրքիան լայնածավալ ռազմական գործողություններ սկսի, ապա ԱՄՆ-ն իր ամբողջ զորքը դուրս կբերի Սիրիայից: Անմիջապես հեռախոսազանգից հետո Սպիտակ տան աշխատակազմի ղեկավարի պաշտոնակատար Միք Մալվեյնին տեղյակ է պահել Պենտագոնի ղեկավար Մարկ Էսպերին նախագահի որոշման մասին: Հիշեցնենք, որ շատ ավելի վաղ Անկարայում ավարտվել էին թուրք-ամերիկյան բանակցությունները՝ Սիրիայի հյուսիսում անվտանգության գոտի ստեղծելու վերաբերյալ: Պաշտոնական Դամասկոսը դա գնահատել էր որպես իր ինքնավարության ու տարածքային ամբողջականության ոտնահարում:

Related news

Latest News
Hashtags:   

Թրամփի

 | 

Էրդողանի

 | 

հեռախոսազրույցն

 | 

այդքան

 | 

ընթացել

 | 
Most Popular (6 hours)

Most Popular (24 hours)

Most Popular (a week)

Sources