Tuesday 22 October 2019
Home      All news      Contact us      English
tert.am - 14 days ago

Իրանը պատրաստվում է դատի տալ ԱՄՆ-ին միջուկային գործարքից դուրս գալու պատճառով կրած վնասների համար

Իրանի Իսլամական Հանրապետությունը Հաագայում ՄԱԿ-ի Միջազգային դատարան հայց կներկայացնի ԱՄՆ-ի դեմ՝ Գործողությունների համատեղ համապարփակ ծրագրից (ԳՀՀԾ)՝ միջուկային գործարքից Վաշինգտոնի դուրս գալու պատճառով Թեհրանի կրած վնասների առնչությամբ: Այս մասին երկուշաբթի հայտարարել է Իրանի իրավական հարցերով փոխնախագահ Լայա Ջոնեյդին, գրում է Fars գործակալությունը: Նրա խոսքով՝ Իրանի տնտեսության տարբեր հատվածների օպերատորներին առաջարկվել է գնահատել կրած վնասները՝ հայց կազմելու համար: Իրանի կառավարությունը մտադիր է փաստաթղթավորել ԱՄՆ-ի նկատմամբ իր պահանջները: Հիշեցնենք, որ 2015 թվականին Իրանն ու միջազգային միջնորդ վեցյակը ՝ Ռուսաստան, ԱՄՆ, Մեծ Բրիտանիա, Չինաստան, Ֆրանսիա, Գերմանիա, հասել էին իրանական միջուկային ծրագրի շուրջ պատմական համաձայնության: Ընդունվել էր Գործողությունների համատեղ համապարփակ ծրագիր, որի դրույթներին հետևելն ազատել էր Իրանին իր նկատմամբ ՄԱԿ-ի ԱԽ-ի, Եվրամիության ու ԱՄՆ-ի սահմանած տնտեսական ու ֆինանսական պատժամիջոցներից: Սակայն 2018 թվականի մայիսին ԱՄՆ նախագահ Դոնալդ Թրամփը հայտարարել էր, որ Վաշինգտոնը դուրս է գալիս համաձայնագրից, ինչպես նաև հայտնել էր, որ ԱՄՆ-ն վերականգնում է Իրանի նկատմամբ սահմանած բոլոր պատժամիջոցները, այդ թվում՝ այն երկրների նկատմամբ, որոնք բիզնես են վարում Իրանի հետ:

Related news

Latest News
Hashtags:   

Իրանը

 | 

պատրաստվում

 | 

միջուկային

 | 

գործարքից

 | 

դուրս

 | 

գալու

 | 

պատճառով

 | 

վնասների

 | 

համար

 | 
Most Popular (6 hours)

Most Popular (24 hours)

Most Popular (a week)

Sources