Tuesday 22 October 2019
Home      All news      Contact us      English
azatutyun - 14 days ago

Վիրավորանք իմ ասած արտահայտության մեջ տեսել են այն մարդիկ, որոնք ուզեցել են վիրավորանք տեսնել. Անդրանիկ Քոչարյան

«Ազատության» «Ֆեյսբուքյան սուլիս» հաղորդման հյուրը այսօր Ազգային ժողովի «Իմ քայլը» խմբակցության պատգամավոր, խորհրդարանի Պաշտպանության, անվտանգության հանձնաժողովի նախագահ, Մարտի 1-ի գործով փաստահավաք խմբի նախկին անդամ Անդրանիկ Քոչարյանն է։ «Ազատություն». - «Իրավական ուղի» հասարակական կազմակերպության հիմնադիր, փաստաբան Սիրանուշ Սահակյանը, փաստաբան Լուսինե Սահակյանը, «Այլընտրանքային նախագծեր» խմբի անդամ, փաստաբան Էլինար Վարդանյանը նամակով դիմել են Ազգային ժողով ներկայացված երեք խմբակցություններին, որ էթիկայի ժամանակավոր հանձնաժողով ստեղծվի և դիմումի հիմքը հոկտեմբերի 2-ին Ձեր հնչեցրած «Արփինե Հովհաննիսյանը պետք է խոսի փաստերով, իսկ պայմանական կարող է տալ իր մայրիկի և անհայտ հայրիկի անունները», նամակի հեղինակները սա վորակել են, որպես էթիկայի կանոններին հակասող արտահայտություն, Լիլիթ Մակունցն էլ է ասում, որ սա թող լինի այն բաժանարար գիծը, որ սրանից հետո անձնական վիրավորանքներով չխոսեն։ Անձնական վիրավորանք հասցրե՞լ եք, եթե այո, ինչո՞ւ։ Անդրանիկ Քոչարյան. – Էդ թեմայով ես ստատուս էի գրել ֆեյսբուքյան իմ էջում ի պատասխան Սիրանուշ Սահակյանի և իր company-ի։ Սիրանույշ Սահակյանը, որը եղել է Էթիկայի հանձնաժողովի նախագահ, դժվար թե որևէ մեկը հիշի, որ Սիրանույշ Սահակյանի ժամանակ որևէ խնդիր լուծվել է այդ առումով։ Վիրավորանք իմ ասած արտահայտության մեջ տեսել են այն մարդիկ, որոնք ուզեցել են վիրավորանք տեսնել, անձամբ ես վիրավորանք չեմ հասցրել։ «Ազատություն». – Անհայտ հայրիկը ի՞նչ է նշանակում, այս մարդու հայրը մահացած է, ասում են։ Քոչարյան. – Մարդու հայրը մահացած լինելը պարտադիր չի, որ ես իմանամ, ես պատասխանել եմ 24news-ի հարցազրույցին, տիկին Արփինե Հովհաննիսյանի անհարկի իմ անունը շահարկելուն, եթե նայել եք դա կամ Սիրանուշ Սահակյանը եթե նայած լինի, կհասկանա, որ «ես պայմանական տալիս եմ Անդրանիկ Քոչարյանի...», ես էլ ասել եմ՝ «տիկին, դու էլ եղել ես մեր երկրի արդարադատության նախարարը և պայմանական անուններ տալու իրավունք չունես, դու եթե փաստացի ինֆորմացիա ունես, դրա մասին պետք է խոսես, բայց եթե պայմանական ես տալիս, պայմանական կարող ես ցույց տալ 91-98 թվականը, օրինակ, քո մայրիկի կամ անհայտ հայրիկի», իսկ անհայտ ի նկատի ունեմ, որ հասարակության կողմից չճանաչված մարդու, որի մասին որևիցե մեկը, նույնիսկ Արփինե Հովհաննիսյանը որևէ տեղ հիշատակած չկար։ Հիմա ինձ հարցնում եք՝ դա ես որպես վիրավորա՞նք եմ ասել, ես ասում եմ՝ ոչ։ «Ազատություն». – Եթե ընդունենք, որ Արփինե Հովհաննիսյանը վիրավորվել է Ձեր արտահայտությունից, ներողություն չեք ասելո՞ւ իրեն։ Քոչարյան. – Ոչ, դա քննարկելու թեմա չի։ Ներողություն ասողները այս օրերի ընթացքում էնքան շատ էին՝ Թևան Պողոսյանը, Սասուն Միքայելյանը, Նաիրա Զոհրաբյանը չգիտես ինչի ներողութուն էին խնդրում մի բանի համար, որը ոչ հասկացել են, ոչ էլ ընկալել են, թե ընդհանրապես ինչի մասին է խոսքը գնում։

Related news

Latest News
Hashtags:   

Վիրավորանք

 | 

արտահայտության

 | 

տեսել

 | 

մարդիկ

 | 

որոնք

 | 

ուզեցել

 | 

վիրավորանք

 | 

տեսնել

 | 

Անդրանիկ

 | 

Քոչարյան

 | 
Most Popular (6 hours)

Most Popular (24 hours)

Most Popular (a week)

Sources