Monday 21 October 2019
Home      All news      Contact us      English
tert.am - 16 days ago

Երևանում վերաբնակեցման համար նոր շենք կառուցել չի նախատեսվում, փոխարենը 100 փաստ ներկայացնելիս մեջբերում են նախորդ բյուջեների միջոցներով իրականացված արդյունքները

Նոր իշխանությունները Երևան քաղաքում վթարային շենքերի բնակիչների վերաբնակեցման համար որևէ նոր շենք կառուցել չեն նախատեսում, փոխարենը Նոր Հայաստանի մասին 100 փաստ ներկայացնելիս՝ մեջբերում են նախորդ բյուջեների միջոցներով իրականացված արդյունքները: Այս իշխանությունները քաղաք Երևանում վերաբնակեցման համար նոր շենք կառուցել չեն նախատեսում, այդ շենքերը կառուցվել են բացառապես նախորդ բյուջեների միջոցներով ,- Tert.am-ի հետ զրույցում ասաց Երևանի ավագանու Լույս ընդդիմադիր խմբակցության ղեկավար Դավիթ Խաժակյանը: Նշենք, որ ՀՀ վարչապետ Նիկոլ Փաշինյանը, ներկայացնելով 100 փաստ Նոր Հայաստանի մասին-2 , նշել էր, թե բնակչության սոցիալական խնդիրների լուծման ոլորտում՝ հանրակացարանային տարածքների նվիրատվության ճանապարհով ՀՀ կառավարության համապատասխան որոշմամբ լուծվել են 100 ընտանիքի բնակարանային խնդիրները։ Երևանում վերաբնակեցվել է շուրջ 170 ընտանիք, որոնք նախկինում ապրում էին 4-րդ կարգի վթարային շենքերում: Ծրագիրը շարունակական է: Դա եղած, կառուցված շենք է, որը կառուցվել էր նախկինում, կար ազատ բնակֆոնդ, բնակարաններ, բավական երկար ժամանակ հատկացվեց այս նոր քաղաքային իշխանություններին, որպեսզի կարողանան բաշխել բնակիչների միջև, և բաշխեց ,-ասաց նա:

Խաժակյանը նշեց, որ այս փուլում կառուցվում է մի շենք ևս, որը նախատեսված է ավարտին հասցնել 2020-ին: Այս նոր շենքի կառուցման մեկնարկն էլ տրված է եղել մի քանի տարի առաջ, այս տարի ընթացիկությունը շարունակվում է ,-ասաց նա:

Երրորդ կարգի վթարային շենքերի հետ կապված Խաժակյանն այս պահին որևէ անելիք չի տեսնում: Ամրացման աշխատանքների համար էլ, անկեղծ ասած, գնումների շրջանում չեմ նկատել ,-ասաց նա: Նշենք, որ ի պատասխան Tert.am-ի գրավոր հարցմանը՝ Երևանի քաղաքապետարանից հայտնում են, որ Երևան քաղաքում 4 878 բազմաբնակարան բնակելի շենքեր կան: Քաղաքապետարանում հաշվառված են թվով 8 չորրորդ կարգի վթարային շենքեր և 107 երրորդ աստիճանի վնասվածություն ունեցող բազմաբնակարան շենքեր: Դավիթ Խաժակյանը նշեց, որ երրորդ կարգի վթարային շենքերը հատկապես շատ են Աջափնյակ վարչական շրջանում, որոնք ավելի ինտենսիվ են դառնում 4-րդ կարգի, քանի որ ամրացման աշխատանքներ էլ չեն կատարվում:

Եթե համայնքն այս պահին չնախատեսի դրանց վերաբնակեցման ծրագիրը, կնշանակի, որ մենք ինչ-որ պահից ունենալու ենք մեծ քանակությամբ 4-րդ կարգի շենքեր, որոնց խնդիրը չենք կարողանալու հոգալ և, անկեղծ ասած, այս մեկ տարվա մեջ, ինչ Արզումանյան փողոցի վթարային շենքի խնդրով ենք զբաղվում, որը 3-րդ կարգից դարձել է 4-րդ կարգ, ես տեսնում եմ, որ քաղաքապետարանը լուրջ չի վերաբերվում այս խնդրին, որովհետև այնպիսի քայլեր են առաջարկում, որոնք արդյունք չեն տալիս և որոնք նաև իրենցից մեծ ջանք չեն պահանջում, դրանով իրենք համարում են խնդիրը լուծված, մինչդեռ բնակիչները շարունակում են մնալ 4-րդ կարգի վթարային շենքում, որի փլման վտանգն ամեն րոպե առկա է, դրա մասին խոսում է և՛ ԱԻՆ-ը, և՛ քաղաքապետարանի մասնագետները, և՛ մենք ,-ասաց նա: Երևանի քաղաքապետարանը Tert.am-ի գրավոր հարցմանն ի պատասխան թվարկում է վթարային շենքերը՝

Արցախի 4-րդ նրբանցք հ.10 /հանրակացարան/,
Արցախի 4-րդ նրբանցք հ.10 /սպորտային մասնաշենք/,
Արցախի 4-րդ նրբանցք հ.10/1,
Ե. Կողբացու փողոց հ.41,
Շիրակի փողոց հ.60,
Արզումանյան փողոց հ.10,
Արզումանյան փողոց հ.12 /2 մուտք/,
Արզումանյան փողոց հ.17 /3-րդ մուտք/ շենքերը հանդիսանում են 4-րդ կարգի վթարային:

Իսկ թե Երևան քաղաքում առկա 4-րդ կարգի վթարային շենքերի բնակիչների վերաբնակեցումն ապահովելու նպատակով ինչ քայլեր են իրականացվում՝ նշում են, որ ներկայումս իրականացվում է Սիսակյան փողոց հ.3 հասցեում բազմաբնակարան շենքի կառուցման աշխատանքներ, որի բնակարանների հիմնական մասը տրամադրված է Արցախի 4-րդ նրբ. հ.8 և հ.10 հանրակացարանային շենքերի բնակիչներին: 4-րդ կարգի վթարային շենքերի բնակիչների վերաբնակեցումն իրականացվում է ՀՀ կառավարության 25.10.2000 N 682 և 05.02.2009 թ. N 172 որոշումների համաձայն ,-նշել են քաղաքապետարանից: Երևանի բնակֆոնդի տեխնիկական վիճակի վերաբերյալ համատարած հետազոտություն, ըստ քաղաքապետարանի, վերջին անգամ իրականացվել է 2006-ին՝ Երևան համայնքի միջոցների հաշվին՝ հիմք ընդունելով 1990-ական թվականներին գույքագրված վթարային շենքերի ցանկը։ Արդյունքում ստեղծվել է նմանատիպ խնդիրներ ունեցող շենքերի նախնական բազա:

Ըստ անհրաժեշտության և ըստ ահազանգերի՝ Երևանի քաղաքապետարանի տարեկան աշխատանքային ծրագրերով նախատեսված ֆինանսական միջոցների շրջանակներում իրականացվում են բազմաբնակարան շենքերի տեխնիկական վիճակի հետազոտական աշխատանքներ: 2019թ. հետազոտվել են թվով 20 շենքեր ,-նշված է պատասխանում: Քաղաքապետարանից միաժամանակ տեղեկացնում են, որ 1991 թվականից մինչ օրս մայրաքաղաքում կառուցվել է շուրջ 180 բնակելի շենք:

Related news

Latest News
Hashtags:   

Երևանում

 | 

վերաբնակեցման

 | 

համար

 | 

կառուցել

 | 

նախատեսվում

 | 

փոխարենը

 | 

ներկայացնելիս

 | 

մեջբերում

 | 

նախորդ

 | 

բյուջեների

 | 

միջոցներով

 | 

իրականացված

 | 

արդյունքները

 | 
Most Popular (6 hours)

Most Popular (24 hours)

Most Popular (a week)

Sources