Thursday 21 November 2019
Home      All news      Contact us      English
tert.am - 2 month ago

Այսպիսի էտի պատճառով փտախտ է սկսվելու, և ծառերը դանդաղ կմահանան. դենդրոլոգը՝ Կենտրոն համայնքում իրականացված «դեկորատիվ էտի» մասին (լուսանկարներ)

Կենտրոն վարչական շրջանի թաղապետ Վիկտոր Մնացականյանը Ծառերի էտման նոր մոտեցում , դեկորատիվ էտ հեշթեգերով գրառում է կատարել Ֆեյսբուքում և տեղադրել էտված ծառերի նկարներ: Դեկորատիվ էտի նոր մոտեցումն այն է, որ գետնից մոտ տասը մետր բարձրությամբ հատվում են բոլոր ճյուղերը, արդյունքում ծառերն արմավենի են հիշեցնում։ Էտել են նաև բարձրահասակ սոսիներ:

Չնայած թաղապետի նոր մոտեցմանը քաղաքապետարանի աշխատողները, և ոչ միայն, ողջունում են, արձագանքելով, թե շատ սիրուն է , մասնագետները նման էտը որակում են ծառերի մորթ :

Սա ի՞նչ ծառերի մորթ է, Վիկտոր Մնացականյան, այս ի՞նչ եք անում, ամբողջ Կենտրոնը չոր ծառեր են, դուք այս կանաչ ծառերին եք հսկայական և անվերականգնելի վնաս պատճառում: Ո՞վ է խորհրդատուն, և ո՞վ է թույլ տվել այս սեզոնին այս ձև աշխատանք: Դիմելու եմ անձամբ քաղաքապետին, սա անելու բան չի, մարդն ո՞վ է, որ 2000 տարի ապրող ծառի ճակատագիրը որոշի ու դատապարտի իրենց: Ամբողջ կենտրոնի ծառերն են պալմա դարձրել, բայց ձայն չհանեցի, բայց սոսին իրավունք չունեն ձեռք տալ ,- Ֆեյսբուքում գրել է դենդրոլոգ, Բժշկական համալսարանի կանաչապատման բաժնի պետ Քրիստինա Վարդանյանը, որը գրառմանը կից նաև լուսանկարներ է տեղադրել։


Tert.am-ի հետ զրույցում մասնագետը նշեց, որ աշխարհում որևէ մեկը չի կարող գիտականորեն հերքել, որ նախ տերևները վրան չի կարելի ծառերի հետ նման տիպի աշխատանքներ իրականացնել և հետո ծառերի բները աշխարհի ոչ մի երկրում 12 մետր բարձրություն չեն կարող ունենալ՝ թողնելով միայն գլուխները: Ախր դա սոսի է, որևէ մեկը աշխարհում չի հանդիպի այդ տիպի սոսի, որոնք Երևանում այսօր արդեն կան: Այդ ծառերը հիվանդանալու են, որովհետև նման տիպի վերքերից փտախտ է սկսվելու, ուղղակի ծառերը դանդաղ մահանում են, և չի հասկացվելու, թե երբ եղավ այս ամենը: Թող ցույց տան, թե ո՞վ է խորհրդատուն, ո՞վ է դա ասել, որ պետք է անել և այդ ձևով: Սա ապագայում սնկային վարակների կարող է բերել, երբ ծառի վրա դեռ տերևներ կան ,-ասաց նա:

Քրիստինա Վարդանյանը նշեց, որ քաղաքապետարանի բնապահպանության վարչությունը նոյեմբերից շուտ ծառերի էտի թույլտվություն չի տալիս: Սա կոլխոզ չի, սա քաղաք է միլիոնանոց, այստեղ մարդկանց առողջության խնդիր կա դրված, էնպես չի, որ ինքնուրույն կարող են որոշել նոր մեթոդիկա կիրառել՝ առանց փորձարկման, սա միանշանակ ունենալու է հետևանքներ: Մենք չենք ասում սանիտարական էտ չանեն, ամբողջ քաղաքը չոր ծառերի մեջ խեղդվում է, մաքրել է պետք տարածքը՝ ինֆեկցիայի բուն է, այս ամեն ինչով պետք է զբաղվել, Օղակաձև զբոսայգի փոխանակ գնան, այնտեղի չոր ծառերը կտրեն, ընկել են առողջ ծառերի հետևից, հասկացանք, դրա սեզոնն էլ կգա ,- վրդովված ասաց մասնագետը: Դիտարկմանը, թե թաղապետը նշել է, որ նոր դեկորատիվ էտ է, Քրիստինա Վարդանյանն արձագանքեց. Ի՞նչ դեկորատիվ էտի մասին է խոսքը, երբ դուք ծառերն էնքան խուզում եք, որ բունն այդքան բարձրացնում եք: Իհարկե, սոսին այդպես հեշտ ընկնող ծառ չի, բայց մյուսների դեպքում նայե՞լ եք, դրանք շատ հեշտ ընկնելու են, ֆիզիկայի օրենքներ է պետք գոնե մի քիչ սովորել, ծառերը քամու տակ ընկնելու են: Իհարկե, ես թեղի ծառատեսակի համար չեմ անհանգստանում, որովհետև դրանք քաղաքի համար խնդիր են այսօր, նրանք անընդհատ հիվանդացող էժան ծառատեսակներ են, ապրում են 80-90 տարի և այս ծառերի մեծամասնություն իրեն սպառել է, բայց պետք է տարբերություն դնեն սոսի և թեղի ցեղերի միջև, սա այն ծառը չէ, որի նկատմամբ կարելի է բարբարոսություն անել ,- ասաց նա:


Բացի այդ, ըստ նրա, ծառերի էտման աշխատանքները միայն Կենտրոն վարչական շրջանում են իրականացնում, եթե թույլտվություն կա, ապա ինչո՞ւ այդ դեպքում մնացած վարչական շրջաններում էլ չի արվում նույն էտը: Եթե սա շարունակվի, կգնամ կառավարության դիմաց կկանգնեմ և կասեմ, որ սենց բան ոչ մի տեղ չեն անում ,-ասաց նա:

Թեման Ֆեյսբուք սոցցանցում բուռն քննարկման առիթ է դարձել: Մասնագետի գրառմանը մեկնաբանության տեսքով արձագանքել են մի շարք բնապահպաններ, ովքեր նույն կարծիքն են հայտնում՝ չպետք է զարմանալ, որ այդ սոսիները հերթով սկսեն չորանալ: Աշխարհում ոչ մի տեղ սոսին էդպես չեն էտում, սաղարթն ուղղակի անհրաժեշտ է ծառին բունը ջրազրկումից պաշտպանելու համար ,- գրել է Կարեն Ասատրյանը:

Կենտրոն կանաչապատում ՓԲԸ-ի փոխտնօրեն Կարեն Պողոսյանը պնդում է, որ իրենք որևէ ծառի վնաս չեն տվել, ընդհակառակը, խնամել են: Խոսքը Մարգարյան հիվանդանոցի բակի ծառերի մասին է, Աբովյան փողոցում ծառերն էտվել են աշնանը ... դա բնական բան էր՝ ծառերի էտման և ձևավորման աշխատանքներ են տարվել, թույլտվությունները կային, և ծառերն այդ ժամանակ էտվել են: Մարգարյան հիվանդանոցի բակի թեղի ծառատեսակներն ենք էտել, դրանք շուտ աճող ծառեր են, շուտ ոջլոտող, այդ ծառերի ճյուղերը կախված են եղել, ջարդված, և արդեն չորացած որդերով կերած հիվանդ ծառեր են: Մասնատվել են միայն հիվանդ վարակված ճյուղերը, որ ամբողջ ծառը հետագայում չչորանա: Բացի այդ, բնակիչներն էլ ամեն օր երեխաների հետ ման են գալիս, իրենք էլ են դիմել, որ ծառերն էտվեն, կոնկրետ թեղիները ,-ասաց նա: Դիտարկմանը, որ մասնագետների ահազանգն ավելի շատ վերաբերում է սոսիներին, Կարեն Պողոսյանը կրկին պնդեց, որ դրանց չորացած ճյուղերն են էտվել և դրանով ծառին վնաս չեն տվել: Բացի դրանից, ծառերն էտելուց հետո այնտեղ սարքել ենք բնաբաժակներ, ծառերը նյութերով պարարտացվել են, ջրվել են, այսինքն՝ հետագա կենսունակությանը վնաս չենք պատճառել, մենք բացի լավից վատը չենք անում ,-ասաց նա:

Դիտարկմանը, թե ինչու են էտն անում հենց այս սեզոնին, երբ տերևաթափ դեռ չի սկսվել, Կարեն Պողոսյանը նշեց, թե միայն չոր ճյուղերն են էտվել:

Չգիտեմ՝ ով ինչ է ասել, բայց Կենտրոն կանաչապատում ՓԲԸ-ում իրենցից պակաս մասնագետներ հաստատ չեն աշխատում, բացի այդ, մենք ունենք Բնապահպանության վարչություն, ու եթե բնապահպանների, վարչության պետի, տեղակալի կամ բաժնի մասնագետներից ինչ-որ մեկի համար մտահոգիչ լիներ, որ մենք ծառին վնաս ենք պատճառում, ինձ թվում է՝ ոչ մեկ իրեն թույլ չէր տա, աշխատանքները կդադարեցնեինք: Բացի այդ, կա Բնապահպանության տեսչություն, որի հետ մենք համագործակցում ենք և իրենք ամեն օր տեղյակ են, թե որտեղ ենք ամեն օր ծառ էտում, որտեղ է աշխատանքներ իրականացվում և որտեղ է հատման աշխատանքներ իրականացվում: Այնպես չի, որ մենք այսօր ուզեցինք, որ ծառը էտենք ու դա էտվում է, բոլորը տեղյակ են դրա մասին ,-ասաց նա:

Related news

Latest News
Hashtags:   

Այսպիսի

 | 

պատճառով

 | 

փտախտ

 | 

սկսվելու

 | 

ծառերը

 | 

դանդաղ

 | 

կմահանան

 | 

դենդրոլոգը՝

 | 

Կենտրոն

 | 

համայնքում

 | 

իրականացված

 | 

դեկորատիվ

 | 

մասին

 | 

լուսանկարներ

 | 
Most Popular (6 hours)

Most Popular (24 hours)

Most Popular (a week)

Sources