Tuesday 22 October 2019
Home      All news      Contact us      English
azatutyun - 18 days ago

Քաղաքագետ․ Լավրովի գնահատականը Նիկոլ Փաշինյանի «Ղարաբաղը Հայաստան է» հայտարարությանը «կրակելու թույլտվություն է» Ադրբեջանի համար

Երեկ երեկոյան հայտնի դարձավ, որ Տավուշում հակառակորդի կրակից պայմանագրային զինծառայող է զոհվել՝ Մուշեղ Ժիրայրի Աբովյանը։ Այս մասին իր ֆեյսբուքյան էջում գրառում է կատարել Հայաստանի ՊՆ մամուլի խոսնակ Արծրուն Հովհաննիսյանը․ - «Հակառակորդի կրակից Տավուշում զոհվել է պայմանագրային զինծառայող Մուշեղ Ժիրայրի Աբովյանը։ Ադրբեջանական կողմի այս սադրանքները անպատասխան չեն մնա։ Ցավակցում ենք Մուշեղ Աբովյանի հարազատներին և ընտանիքի անդամներին»: Քաղաքագետ Ստյոպա Սաֆարյանը պատահական չի համարում հակառակորդի ակտիվացումը Հայաստանի հյուսիսային սահմանին։ Նրա խոսքով, Հայաստանի դաշնակից երկրի՝ Ռուսաստանի արտգործնախարար Սերգեյ Լավրովի գնահատականը Նիկոլ Փաշինյանի «Ղարաբաղը Հայաստան է» հայտարարության վերաբերյալ «կրակելու թույլտվություն է» Ադրբեջանի համար․ - «Պարզվում է, Ռուսաստանին չեն հետաքրքրում բուն, ռեալ, իրականության մեջ տեղի ունեցող հրադադարի ռեժիմի կոպտագույն խախտումները, լարվածության ահռելի էսկալացիան, օրինակ, Ռուսաստանի  արտգործնախարարը չի գտնում, որ իրենց կողմից Ադրբեջանին հարձակողական զենք տրամադրելը, որը Ադրբեջանի կողմից ընկալվում է որպես Հայաստանի վրա հարձակվելու ազդակ, պարզվում է, Ռուսաստանին դա չի մտահոգում, որպես բանակցային գործընթացի խաթարող էլեմենտ: Բայց, օրինակ, Հայաստանի տեսլականը խանգարում է: Սա նոնսենս է սա աբսուրդ է»: Լավրովը, հիշեցնենք, «Վալդայ» համաժողովի ընթացքում անդրադառնալով ղարաբաղյան հիմնախնդրին՝ ասել է․ - «Կողմերը հայտարարություններ են անում, բավականին լուրջ, այդ թվում հնչել են բառեր, թե «Ղարաբաղը Հայաստան է», ինչպես Տիրանայից Ալբանիայի վարչապետն էր հայտարարում՝ «Կոսովոն Ալբանիա է»»: Սա ըստ էության վարչապետ Նիկոլ Փաշինյանի ղարաբաղյան հանրահավաքի ընթացքում հնչեցրած թեզի վերաբերյալ ԵԱՀԿ Մինսկի խմբի անդամ երկրների առաջին գնահատականն է։ Ստյոպա Սաֆարյան․ - «Հատկանշանակ է, որ և՛ Միացյալ Նահանգների, և՛ Ֆրանսիայի համանախագահները որևէ նման հայտարարություն չեն արել, որովհետև նրանք հրաշալի հասկանում են, որ Հայաստանի սուվերեն իրավունքն է ունենալու իր պատկերացումները Արցախի կարգավորման վերաբերյալ, և որքան էլ դրանք դուր չգան որևէ մեկին, այնուամենայնիվ դրանք բխում են երկրի ազգային, պետական շահերից, և Հայաստանին որևէ մեկը պախարակել չի կարող և քննադատել չի կարող, թե ինչու է նրա ղեկավարը պատկերացնում Արցախի վերջնական կարգավիճակը որպես Ադրբեջանից դուրս միավոր»: Քաղաքագետը հիշեցնում է, որ Ադրբեջանի նախագահ Ալիևը տարիներ շարունակ ասել է, թե ղարաբաղյան հիմնախնդիրը պետք է լուծվի տարածքային ամբողջականեւթյան սկզբունքի հիման վրա, և շարունակում․ - «Այն ժամանակ, չգիտես ինչու, Հայաստանի ռազմավարական դաշնակից և Մինսկի խմբում համանախագահ Ռուսաստանը չէր նկատում, որ դրանք չեն նպաստում վստահության ամրապնդմանը»: «Լավրովի հայտարարությունը մեկնաբանել է Հայաստանի Արտաքին գործերի նախարարությունը: Նախարարության խոսնակ Աննա Նաղդալյանն ասել է․ - «Հայկական կողմի դիրքորոշումը հստակորեն արտահայտված է ՀՀ վարչապետի բոլոր ելույթներում, ներառյալ՝ սեպտեմբերի 24-ին ՄԱԿ ամբիոնից հնչեցված խոսքում, որը վերահաստատեց խաղաղության և փոխզիջման հասնելու Հայաստանի առաջարկած բանաձևը»:

Related news

Latest News
Hashtags:   

Քաղաքագետ․

 | 

Լավրովի

 | 

գնահատականը

 | 

Նիկոլ

 | 

Փաշինյանի 

 | 

Ղարաբաղը

 | 

Հայաստան

 | 

հայտարարությանը

 | 

կրակելու

 | 

թույլտվություն

 | 

Ադրբեջանի

 | 

համար

 | 
Most Popular (6 hours)

Most Popular (24 hours)

Most Popular (a week)

Sources