Sunday 17 November 2019
Home      All news      Contact us      English
tert.am - 2 month ago

Նպատակն այնպիսի դատական համակարգ ստեղծելն է, որտեղ դատավորները միայն իշխանությանը կենթարկվեն. Լուսինե Սահակյանը՝ դատավորների հետ կապված դեպքերի մասին

Դատավորների նկատմամբ ընտրովի արդարադատություն իրականացնելն անթույլատրելի եմ համարում: Այս մասին Tert.am-ի հետ զրույցում ասաց փաստաբան Լուսինե Սահակյանը՝ անդրադառնալով դատավոր Աննա Դանիբեկյանի միջադեպի մասով քրեական գործ հարուցելուն, իսկ ՍԴ դատավոր Գյուլումյանի դեպքում քրեական գործի հարուցումը մերժելու փաստերին: Այն, որ գործադիր մարմնի կողմից ակնհայտորեն ճնշումներ են իրականացվում դատական համակարգի նկատմամբ, բնականաբար անթույլատրելի է: Իշխանության ներկայացուցիչներն ու իշխանահաճո գործողություններ կատարողները անպատժելի են մնում, իսկ դեմ արտահայտվողներն ու քննադատողները՝ քրեական հետապնդման ենթարկվում ,- ասաց փաստաբանը: Նա որպես օրինակ նշեց մի քանի դատավորների հետ կապված դեպքերը. Աննա Դանիբեկյանն իշխանության համար հաճելի որոշում կայացրեց, պաշտպանություն ստացավ, Արթուր Մկրտչյանը պաշտոն է ստացել կոնկրետ Քոչարյանի գործով իշխանահաճո որոշում կայացնելուց հետո, Ալեքսանդր Ազարյանն ու Դավիթ Գրիգորյանը չկայացրին այդ որոշումները, հետապնդման ենթարկվեցին ,- ասաց Սահակյանը: Ըստ նրա՝ այս ամենը սկսվեց վարչապետ Նիկոլ Փաշինյանի՝ դատարանների մուտքերը շրջափակելու հայտարարությունից հետո, որը թեպետ քրեորեն պատժելի էր, սակայն ոչ ոք չհետապնդվեց: Բոլորս հասկանում ենք՝ բնականաբար ո՛չ վարչապետը, ո՛չ մյուս պաշտոնատար անձինք, պատգամավորները, որոնք հայտարարում են, թե բոլոր դատարանները պետք է իրենց լսեն, պատասխանատվության չեն ենթարկվելու, քանի որ այս գործողությունները սկսվեցին Ալեքսանդր Ազարյանից հետո, շարունակվեցին Դավիթ Գրիգորյանի, Դավիթ Բալայանի, Ալվինա Գյուլումյանի նկատմամբ ,- ասաց Լուսինե Սահակյանը: Դատավոր Աննա Դանիբեկյանի նկատմամբ ճնշումները փաստաբանը ևս անթույլատրելի է համարում, սակայն նշում է՝ երիտասարդների արարքը՝ դատավորին ընդամենը հարց ուղղելը, քրեորեն պատժելի չէր, հետևաբար նրանց ազատությունից զրկելու իրավական հիմքեր չկան: Երկրի ղեկավարը ոչ թե կարծիք հայտնեց, այլ որպես փաստ ֆիքսեց, որ վնգստացող դատավորներ կան, և քաղաքացին իրավունք ունի իր դատավորին հարցնել, թե արդյոք ինքն էլ է այդ վնգստացողների շարքին դասվում: Այլ բան է, որ այդ հարցը տալու համար սխալ ձև էր ընտրված, սակայն դա քրեորեն պատժելի արարք չէ: Սարսափելի է, որ անձը դրա համար ազատությունից է զրկվում, այն էլ նման կոպիտ ձևով ,- ընդգծեց Սահակյանը: Փաստաբանը վստահեցրեց՝ դատավոր Աննա Դանիբեկյանի գործով մեղադրյալ Սարգիս Օհանջանյանի և Նարեկ Մութաֆյանի նկատմամբ ակնհայտ խտրական վերաբերմունք է դրսևորվել, իսկ կատարվածը կոնկրետ պատժի տարրեր է պարունակում: Երիտասարդների նկատմամբ անթույլատրելի քրեական հետապնդում սկսեցին, այդ դեպքում ո՞ւր մնացին այն պաշտոնատար անձիք, որոնց բացած պանդորայի արկղի հետևանքն են դատավորների նկատմամբ կատարված ճնշումները ,- նշեց փաստաբանը: Վերջինիս կարծիքով՝ նպատակը այնպիսի դատական համակարգ ստեղծելն է, որտեղ դատավորները միայն իշխանությանը կենթարկվեն: Հիշեցնենք՝ մայիսի 20-ին ՀՀ վարչապետ Նիկոլ Փաշինյանի կոչով դատարանները շրջափակելու վերաբերյալ քրեական գործ հարուցված չկա: Հունիսի 5-ին ՍԴ դատավոր Ալվինա Գյուլումյանի տեղաշարժը խոչընդոտելու, անձնական վիրավորանքներ հասցնելու փաստով հարուցված քրեական գործ ևս հայտնի չէ:

Related news

Latest News
Hashtags:   

Նպատակն

 | 

այնպիսի

 | 

դատական

 | 

համակարգ

 | 

ստեղծելն

 | 

որտեղ

 | 

դատավորները

 | 

միայն

 | 

իշխանությանը

 | 

կենթարկվեն

 | 

Լուսինե

 | 

Սահակյանը՝

 | 

դատավորների

 | 

կապված

 | 

դեպքերի

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources