Tuesday 19 November 2019
Home      All news      Contact us      English
tert.am - 2 month ago

Եթե վերաքննիչ դատարանը չկարողանա այս փաստերով որոշում կայացնել, ստիպված կլինենք խնդիրը միջազգային ատյաններում ներկայացնել. փաստաբանը՝ Գագիկ Խաչատրյանի խափանման միջոցը չփոխելու մասին

Վերաքննիչ դատարանը մերժեց Ֆինանսների նախկին նախարար, ՊԵԿ նախկին նախագահ Գագիկ Խաչատրյանի պաշտպանների ներկայացրած՝ խափանման միջոց կալանքը փոխելու միջնորդությունը: Այս մասին լրագրողների հետ զրույցում ասաց Գագիկ Խաչատրյանի փաստաբան Երեմ Սարգսյանը: Այն առաջընթացը, որը կար հեղափոխությունից հետո դատական համակարգում, այն, որ դատարանները որոշակի ազատություն, անկախություն ունեին, պետք է արձանագրել, որ կործանվել է: Վերաքննիչ դատարանը միակ հույն էր մնացել, որ կարող է անկախ որոշում կայացնել: Այս պահին Ռուբիկ Մխիթարյանի նման դատավորը, որը միշտ աչքի է ընկել իր կայացրած անկախ որոշումներով, այսօր փաստացի չկարողացավ հաղթահարել այն ճնշումները, որոնք առկա են իր նկատմամբ ,- ասաց փաստաբանը: Երեմյանի խոսքով՝ դատարանի որոշումը դեռ չի տրվել, սակայն իր խորությամբ գործի նյութերին ծանոթ լինելով, պատկերացնում է, որ դատարանը գրելու է այնպիսի բան, որը իրավաբանության հետ կապ չի ունենալու: Դատարանը պարտավոր էր հիմնավոր կասկած արձանագրել, դրանից հետո ասել, որ կալանավորման հիմքեր կան, հետո ասել, որ գրավի կիրառումը այս դեպքում թույլատրելի չէ: Ըստ էության՝ այս ամենը սպասելի էր: Ցավով եմ նշում, որ դատական համակարգն այս վիճակում է հայտնվել ,- նշեց Սարգսյանը: Օրենքով նախատեսված բոլոր քայլերը կձեռնարկենք, նաև կքննարկենք այս դատավորի հետ կապված կարգապահական հարցերը: Ես եզակի դեպքերում եմ նման քայլերի դիմում, բայց եթե այսքան ակնհայտ և կոպիտ խախտումներ են տեղի ունենում, ուղղակի պետք է արձագանքել դրան: Եթե վերաքննիչ դատարանը չկարողանա այս փաստերով որոշում կայացնել, ստիպված կլինենք խնդիրը միջազգային ատյաններում ներկայացնել ,- ասաց նա:

Related news

Latest News
Hashtags:   

վերաքննիչ

 | 

դատարանը

 | 

չկարողանա

 | 

փաստերով

 | 

որոշում

 | 

կայացնել

 | 

ստիպված

 | 

կլինենք

 | 

խնդիրը

 | 

միջազգային

 | 

ատյաններում

 | 

ներկայացնել

 | 

փաստաբանը՝

 | 

Գագիկ

 | 

Խաչատրյանի

 | 

խափանման

 | 

միջոցը

 | 

չփոխելու

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources