Monday 16 September 2019
Home      All news      Contact us      English
tert.am - 4 days ago

Նախագծով բանկային գաղտնիքը վերացվում է, հավանաբար որևէ գործով իշխանությունն արգելքի է հանդիպել, որոշել են վերացնել այդ արգելքը. Երվանդ Վարոսյանը՝ կառավարության նախագծի մասին

Բանկային գաղտնիքի մասին կարգավորման փոփոխությամբ պարզապես տեղի է ունենում բանկային գաղտնիքի իրավունքի պաշտպանվածության նվազեցում: Հավանաբար իշխանությանը որևէ քրեական գործով ինչ-որ բան է պետք իմանալ, տեսել են՝ օրենսդրական արգելք կա, որոշել են վերացնել: Այս մասին Tert.am-ի հետ զրույցում ասաց փաստաբան Երվանդ Վարոսյանը՝ անդրադառնալով Հայաստանի Հանրապետության քրեական դատավարության օրենսգրքում լրացում կատարելու մասին և Բանկային գաղտնիքի մասին Հայաստանի Հանրապետության օրենքում լրացում կատարելու մասին Հայաստանի Հանրապետության օրենքների նախագծերի փաթեթին: Եթե նախկինում, տարիներ շարունակ առկա կարգավորման պարագայում դատարանը կարող էր պատճառաբանված թույլ տալ, որպեսզի վարույթ իրականացնող մարմինները բանկային գաղտնիք պարունակող տեղեկություններ ստանան այն դեպքում, երբ դրանք վերաբերում են կասկածյալին կամ մեղադրյալին, հիմա նախաձեռնվել է փոփոխության մի նախագիծ, ըստ որի՝ կասկածյալ ու մեղադրյալ լինել բացարձակապես պարտադիր չէ, դրա փոխարեն ընտրել են ինչ-որ հոդված՝ էլի իրենց սիրելի լոզունգային ձևակերպումներով՝ խիստ հավաստի , խիստ անհրաժեշտ , խիստ կարևոր ՝ այդկերպ նշելով, թե որ դեպքում կարող է դատարանը թույլատրել բանկային գաղտնիքի բացահայտումը ,-ասաց Վարոսյանը: Փաստաբանի խոսքով՝ նախագծով նախատեսվում է, որ անգամ կասկածյալ-մեղադրյալ չլինելու պարագայում անձի բանկային գործունեության վերաբերյալ կարող են տվյալներ ստանալ. Այս դեպքում ստացվում է մի իրավիճակ, որ բանկային գաղտնիք պարզապես չկա: Բանկային գաղտնիքը բացելու համար պարզապես տեխնիկական թույլտվություն է պետք, ստացվում է մի իրավիճակ, որ եթե բանկերը գաղտնիքը չեն կարողանալու պահել այն մակարդակի վրա, ինչ մակարդակի վրա առնվազն պահում են այսօր, ապա ստացվում է, որ մարդիկ բանկում գումար չեն պահելու, որ վաղը, մյուս օրը որևէ դատախազի մտքով չանցնի ֆիքսել մեր բանկային շարժը, պահելու են բոլորովին այլ տեղեր, թաքցնելու են ամեն ինչ, փոխանցումների շարժը ստվերային ոլորտ է մտնելու : Հարցին, թե այդկերպ ինչ խնդիր է լուծում իշխանությունը, Երվանդ Վարոսյանն ասաց. Ժամանակի ընթացքում կիմանանք, թե դա իշխանության ինչին է պետք, բայց իրենց գործելաոճն իմանալով ինձ թվում է, որ մի քրեական գործով իրենց բան է պետք իմանալ, տեսել են՝ օրենսդրական արգելք կա, որոշել են վերացնել, հետո ինչ կլինի, կլինի, տեղը ուրիշ բան կբացեն, Ֆեյսբուքում այդ մասին ստատուս կգրեն :

Related news

Latest News
Hashtags:   

Նախագծով

 | 

բանկային

 | 

գաղտնիքը

 | 

վերացվում

 | 

հավանաբար

 | 

գործով

 | 

իշխանությունն

 | 

արգելքի

 | 

հանդիպել

 | 

որոշել

 | 

վերացնել

 | 

արգելքը

 | 

Երվանդ

 | 

Վարոսյանը՝

 | 

կառավարության

 | 

նախագծի

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources