Wednesday 18 September 2019
Home      All news      Contact us      English
tert.am - 6 days ago

Ուրանի արդյունաբերական պաշարների մասին տվյալներ ՀՀ-ում հայտնի չեն՝ եթե «Լիդիան»-ի տվյալները վստահելի չեն, անհրաժեշտ է անկախ մոնիտորինգ. երկրաբան

Ուրանի արդյունաբերական պաշարների մասին տվյալներ Հայաստանի Հանրապետությունում հայտնի չեն: Այս մասին Tert.am էի հետ զրույցում ասաց Հայաստանի գիտությունների ազգային ակադեմիայի Երկրաբանական գիտությունների ինստիտուտի գիտաշխատող, ե.գ.թ. Լիլիթ Սահակյանը անդրադառնալով 2007 թ. ռուսական Горный журнал -ում հրապարակված՝ երկրաբանական գիտությունների դոկտոր ԳՊ. Ալոյանի գիտական հոդվածի մեջ տեղ գտած այն պնդմանը, ըստ որի Ամուլսարում ուրանի ընդհանուր պաշարները կազմում են մոտ 100 տոննա: Նա նշեց, որ Պ. Ալոյանը այդ մասին է գրել նաև 2010թ.-ին տպագրված իր մենագրությունում (155 էջ, 165 էջ, Алоян П.Г., 2010 Ураноносность геологических формаций Армении), որտեղ նշում է՝ Արդյունաբերական ուրան Հանրապետությունում կա արդյո՞ք, թե ոչ: Դա դեռևս ոչ ոք չգիտի -165 էջ: Ուրանի պարունակությունները համարվում են հարուստ, երբ ապարներում այն կազմում է 1(%)-ից բարձր: Երկրակեղևում ուրանի պարունակությունների միջին կոնցենտրացիան (U-1,8 ppm, 1ppm = 0.0001%) է: Գրոմովյան արշավախմբի հաշվետվության մեջ բերված են անալիզներ, որտեղ ուրանի պարունակությունները 0.016-0.072 ppm է (էջ 71), ինչը ըստ նույն հաշվետվության՝ արդյունաբերական նշանակություն չունի: Այլ, ընդհանուր պաշարների մասին ինֆորմացիա հաշվետվության մեջ նույնպես չկա: Ըստ Լիդիան -ի հաշվետվությունների՝ Ամուլսարում ուրանի միջին պարունակությունները վերին հրաբխային ապարներում 0.032 ppm է, ստորին հրաբխային ապարներում 0.65 ppm, կոլուվիալ առաջացումներում՝ ավելի քիչ, ինչը չի գերազանցում միջին պարունակությունները երկրակեղևում (U-1,8 ppm) ,-ասաց նա: Լիլիթ Սահակյանը նշեց, որ սրանք այն տվյալներն են, որոնք հասանելի են և որոնց հիման վրա մենք կարող ենք եզրակացություններ անել: Եթե այս տվյալները վստահելի չեն, դա այլ հարց է: Այդ դեպքում անհրաժեշտ է մշտական և անկախ մոնիտորինգ լրացուցիչ տվյալներ ստանալու և համոզվելու համար ,-ասաց նա: Ինչ վերաբերում է հարցին, թե որքանով է վտանգավոր ռադիացիան, ապա Երկրաբանական գիտությունների ինստիտուտի գիտաշխատողն ասաց. Մարդը ամենուր ենթարկվում է բնական ռադիացիայի, որը գալիս է ինչպես Երկիր մոլորակից այնպես էլ տիեզերքից: Իհարկե, հայտնի է, որ դոզայի որոշակի չափաբաժնից հետո այն վտանգավոր է: Օրինակ՝ մարդը ամեն օր ստանում է մոտ 10 mu;Sv-microSieverts կամ 100 mu;Sv ատամնաբուժարանում ատամի ռենտգեն նկարի ստացման համար: Մարդը միջին ռադիացիա է ստանում տարբեր աղբյուրներից տարեկան մոտ 3,600 mu;Sv: Միացյալ նահանգներում տարեկան թույլատրելի դոզան 50,000 mu;Sv է: Ռադիացիոն մակարդակը Ֆուկուսիմա քաղաքում ապրիլի 6-ին 13.9 mu;Sv/h է, ինչը տարեկան կազմում է 122,000 mu;Sv: Ըստ Պ. Ալոյանի՝ օրգանական վառելիքի վրա գործող ՋԷԿ-երի մոտակայքում բնակվելը 36 անգամ ավելի վտանգավոր է քան ԱԷԿ-ների հարևանությամբ (Алоян П.Г., 2010): Այսպես, կարելի է շարքը ավելացնել՝ բերելով տվյալներ, թե մարդը օրական ինչպիսի ռադիացիայի է ենթարկվում: Ցանկացած մարդկային գործունեություն ասոցացվում է ռիսկի հետ, նույնը վերաբերում է հանքարդյունաբերության ասպարեզին, հետևաբար ռիսկերը պետք է դիտարկել դրանք հնարավորինս կառավարելի դարձնելու տեսանկյունից :

Related news

Latest News
Hashtags:   

Ուրանի

 | 

արդյունաբերական

 | 

պաշարների

 | 

մասին

 | 

տվյալներ

 | 

հայտնի

 | 

Լիդիան

 | 

տվյալները

 | 

վստահելի

 | 

անհրաժեշտ

 | 

անկախ

 | 

մոնիտորինգ

 | 

երկրաբան

 | 
Most Popular (6 hours)

Most Popular (24 hours)

Most Popular (a week)

Sources