Saturday 21 September 2019
Home      All news      Contact us      English
tert.am - 8 days ago

ՌԴ-ն դիմել է Ինտերպոլ՝ Սմոլենկովի գտնվելու վայրի մասին տվյալներ ստանալու համար

Ռուսաստանի ԱԳՆ ներկայացուցիչ Մարիա Զախարովան արձագանքել է Ռուսաստանում ամերիկյան ենթադրյալ լրտես Օլեգ Սմոլենկովի շուրջ ստեղծված իրավիճակին, գրում է Meduza-ն։ Զախարովան հայտնել է, որ ռուսաստանցին ընտանիքի հետ անհետացել է մեկ այլ երկրում։ Այդ պատճառով Ռուսաստանում քրեական գործ է հարուցվել։ Նրա խոսքով՝ ԶԼՄ-ներում շրջանառվում է տեղեկատվություն առ այն, որ Սմոլենկովը կարող է գտնվել ԱՄՆ-ում, ուստի Մոսկվան Վաշինգտոնից անմիջապես տվյալներ է խնդրել ռուսաստանցու գտնվելու վայրի վերաբերյալ: Մասնավորապես հայտնի է, որ Ռուսաստանը իր հարցումը անմիջապես ուղարկել է Ինտերպոլ։ Այս նյութերը պահանջում են ստուգում համապատասխան դատավարական ընթացակարգերի, նորմերի շրջանակներում ,- հավելել է Զապարովան։ Զախարովան նաև դասական քարոզչություն է անվանել հրապարակումներն այն մասին, որ Սմոլենկովն աշխատել է ԿՀՎ-ում: Նրա կարծիքով՝ դա կապված է ԱՄՆ-ում նախընտրական արշավի հետ։ Նա նաև կարծիք է հայտնել, որ CNN հեռուստաալիքը, որն առաջինն էր հայտնել Կրեմլում ենթադրյալ լրտեսի մասին, փորձել է վնասել ԱՄՆ նախագահ Դոնալդ Թրամփին, բայց արդյունքում այդ հարվածը Բարաք Օբամային է բաժին հասել։ Ավելի վաղ ՌԴ նախագահի մամլո քարտուղար Դմիտրի Պեսկովը հայտարարել էր, որ Օլեգ Սմոլենկովը, որի անունն ամերիկյան լրատվամիջոցներում շրջանառվում է ՌԴ-ԱՄՆ հարաբերություններում ծագող նոր լրտեսական սկանդալի շրջանակներում, իսկապես աշխատել է ՌԴ նախագահի վարչակազմում, սակայն բարձր պաշտոն չի զբաղեցրել: Պատասխանելով հարցին, թե արդյոք Սմոլենկովը ԱՄՆ Կենտրոնական հետախուզական վարչության գործակալ է եղել, Պեսկովն ասել է. Ոչ, չեմ կարող դա հաստատել, քանի որ չգիտեմ՝ նա գործակալ եղել է, թե ոչ :

Related news

Latest News
Hashtags:   

դիմել

 | 

Ինտերպոլ՝

 | 

Սմոլենկովի

 | 

գտնվելու

 | 

վայրի

 | 

մասին

 | 

տվյալներ

 | 

ստանալու

 | 

համար

 | 
Most Popular (6 hours)

Most Popular (24 hours)

Most Popular (a week)

Sources