Monday 16 September 2019
Home      All news      Contact us      English
tert.am - 4 days ago

Ինչո՞ւ է կառավարությունը միայն «Մարտի 1»-ի զոհերի ընտանիքներին 30 մլն դրամ տրամադրում է, մենք էլ ուշադրության կարիք ունենք. Մարգարիտա Խաչատրյան (տեսանյութ)

Զինծառայողների ապահովագրության հիմնադրամի հոգաբարձուների խորհրդի անդամ Մեսրոպ Մանուկյանը այսօր հրավիրված մամուլի ասուլիսին նշեց, որ առաջարկություն են ներկայացրել, որ ՀՀ պաշտպանության համար իրենց կյանքը և առողջությունը նվիրաբերած զինծառայողների ընտանիքներին առաջնահերթ օգնություն տրամադրվի: Առավելևս երբ հայտարարվում է, որ բյուջեն եկամուտների մասով 25 տոկոսով կգերակատարվի:

Հավաքված գումարը պետք է ճիշտ հասցեատերերին հասնի, և կարծում եմ, որ չի գտնվի գեթ մեկը, որ ասի, որ առաջին հասցեատերը դուք չեք։ Դուք մեր հայրենիքին, մեր պետությանը տվել եք ձեր ամենաթանկ արժեքը՝ ձեր որդիներին, ձեր ամուսիներին։ Այս պարագայում ես կարծում եմ, որ խիստ հրամայական է, դուք բոլորդ պետք է արժևորվեք ,- ասաց նա և հայտնեց, որ կառավարությանը ներկայացրել են առաջարկություն, որ պետք է բոլոր զոհվածների և հաշմանդամների ընտանիքներն այդ աջակցությունն ստանան։

Ասուլիսի մյուս բանախոս Զինվոր համակարգող խորհրդի նախագահ Մարգարիտա Խաչատրյանն իր հերթին նշեց, որ Մարտի 1-ի տուժածներին տրամադրվող աջակցության չափով պետք է աջակցություն տրամադրվի նաև զոհված զինծառայողների մայրերին ու այրիներին։ Նա նշեց, որ մինչ այս ոչ մի անգամ որդեկորույս մայրերը ֆինանսական աջակցության խնդիր չեն բարձրացրել:

Ինչո՞ւ 2008 թվականի մարտի 1-ի դեպքերով, երբ ցույցի ժամանակ 10 հայորդիների զրկեցին կյանքից, կառավարությունը նրանց տրամադրում է 30 միլիոն, իսկ ծառայողական պարտականությունները կատարելու ժամանակ զոհված զինծառայողների ընտանիքներն անտեսվում են ,-ասաց նա և նշեց, որ այս հարցով չորս գրություն է ուղարկվել կառավարություն, սակայն բոլորն էլ մնացել են անպատասխան:

Կուտակված գումարները ո՞ւմ են գնում, երբ հոգաբարձուների խորհուրդը նիստ չի անում, երբ խորհրդի նախագահը պաշտպանության նախարարը հաշվի չի նստում զոհվածների մայրերի հետ, ո՞ւմ հետ են հաշվի նստում: Մենք պատրաստ ենք ամեն քայլի գնալու, որ գնահատվեն մեր տղաները, այրիները: Եթե կառավարությունը միանգամից հայտարարում է 30 միլիոնի մասին, մենք էլ ուշադրության կարիք ունենք: Եթե յոթնօրյա ժամկետում պատասխան չստանանք մենք պատրաստվում ենք թե՛ հացադուլի, թե՛ նստացույցի: Մենք մինչև վերջ պայքարելու ենք: Մենք չենք լռելու, չենք նստելու տեղներս, վճռական ենք տրամադրված: Մենք պատրաստ ենք հացադուլի, մենք մեր տղաներին թղթի կտորներով չենք փոխի, մեդալները հետ ենք տալիս, թող տան մեր տղաներին ,- ասաց նա:

Ասուլիսի ներկար էր նաև Մեզ բացակա չդնեք ՀԿ նախագահ Սաթիկ Խլղաթյանը, որն ասաց, որ պատրաստ են գնալու մինչև վերջ: Ինչո՞ւ պետք է մեկին խնդրեմ ինձ աշխատանք տա, դեղորայք տա: Թող ինձ իմ արժանապատիվ թոշակը տան, ոչ թե 30 հազար դրամ: Այդ 30 միլիոնը պետությունն այս ընտանիքներին պետք է տրամադրի ,- ասաց նա և նշեց, որ բոլորը պատրաստ են մինչև վերջ գնալ:

Related news

Latest News
Hashtags:   

Ինչո՞ւ

 | 

կառավարությունը

 | 

միայն

 | 

Մարտի

 | 

զոհերի

 | 

ընտանիքներին

 | 

տրամադրում

 | 

ուշադրության

 | 

կարիք

 | 

ունենք

 | 

Մարգարիտա

 | 

Խաչատրյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources