Wednesday 18 September 2019
Home      All news      Contact us      English
tert.am - 6 days ago

Խորհրդարանն այսօր ընտրում է Կենտրոնական բանկի խորհրդի անդամ. թեկնածուն ԿԲ նախագահի գլխավոր խորհրդականն է

Խորհրդարանն այսօր ընտրում է Կենտրոնական բանկի խորհրդի անդամ: ԱԺ ֆինանսավարկային և բյուջետային հարցերի մշտական հանձնաժողովն այս պաշտոնի համար առաջարկել է ԿԲ նախագահի գլխավոր խորհրդական Հասմիկ Ղահրամանյանի թեկնածությունը: Ղահրամանյանի խոսքով՝ Կենտրոնական բանկը դեռ տարեսկզբից կանխատեսել էր, որ գնաճային միջավայրը ցածր է լինելու: ԿԲ-ն սեպտեմբերի 10-ին նվազեցրել է վերաֆինանսավորման տոկոսադրույքը, բայց ոչ թե նրա համար, որ հիմա ցածր գնաճ է արձանագրվում, այլ նրա համար, որ ցածր գնաճ է կանխատեսվում: Պատճառը, թե ինչու է գնաճը ցածր, այլ է: Դա պայմանավորված է արտաքին շուկայից եկող գնանկումային ազդակներով, որովհետև համաշխարհային պահանջարկը նվազում է ,- ասաց Ղահրամանյանը: Նախագահի գլխավոր խորհրդականը նշեց, որ ցանկացած քաղաքացու կարծիք նրանց համար կարևոր է, որի համար փորձում են Կենտրոնական բանկի մասին կարծիք ձևավորել, ապահովելով՝ թափանցիկություն: Մենք հետևում ենք, թե ինչ վարքագիծ են ցույց տալիս ազգային կամ կենտրոնական բանկերը, որ դեպքերում ինչ կարգավորումներ կարելի է անել, բայց դա շատ սաղմնային փուլում է ,- նշեց նա: Հարցին, թե Ղահրամանյանը ինչպես է իրենց պատկերացնում ապագայում դոլարիզացիայի մակարդակի նվազեցման փուլում, Ղահրամանյանը նշեց, որ դոլարիզացիայի մակարդակի նվազումը վերաբերվում է ազգային արժույթի նկատմամբ վստահության աճին: Դոլարիզացիայի նվազումը մեզ համար շատ կենսական խնդիր է, քանի որ ոչ միայն ֆինանսական կայունությանն է առնչվում, այլ նաև դրամավարկային կայունության ապահովմանը, որովհետև եթե շրջանառությունում կա դոլարային մեծ զանգված, Կենտրոնական բանկի կողմից տոկոսադրույքի փոփոխությունը միայն դրամային միջոցների վրա է ազդակ թողնում ,- ասաց նա:

Related news

Latest News
Hashtags:   

Խորհրդարանն

 | 

այսօր

 | 

ընտրում

 | 

Կենտրոնական

 | 

բանկի

 | 

խորհրդի

 | 

անդամ

 | 

թեկնածուն

 | 

նախագահի

 | 

գլխավոր

 | 

խորհրդականն

 | 
Most Popular (6 hours)

Most Popular (24 hours)

Most Popular (a week)

Sources