Wednesday 18 September 2019
Home      All news      Contact us      English
tert.am - 6 days ago

Հայ կին, բազում մրցանակներ, «Խաղաղության արտիստ» կոչում. Վլադիմիր Սպիվակովն այսօր նշում է ծննդյան 75-ամյակը (լուսանկարներ)

Ռուս դիրիժոր, ջութակահար, Մոսկվայի վիրտուոզներ նվագախմբի գեղարվեստական ղեկավար և գլխավոր դիրիժոր Վլադիմիր Սպիվակովն այսօր նշում է ծննդյան 75-ամյակը: Նա ծնվել է 1944թ․ սեպտեմբերի 12-ին Ուֆայում։ Հայրենական մեծ պատերազմի ավարտից հետո ընտանիքը տեղափոխվել է Լենինգրադ։ 6 տարեկանում նա նախ ընդունվել է շրջանի երաժշտական դպրոց, ուր սկսել է սովորել ջութակ նվագել, այնուհետև տեղափոխվել է Լենինգրադի կոնսերվատորիային կից երաժշտական դպրոց։ Բացի այդ, նա ազատ ունկնդիր է եղել Լենինգրադի գեղարվեստի ակադեմիային կից գեղանկարչության դպրոցում և ակտիվորեն զբաղվել է բռնցքամարտով՝ հետագայում II կարգ ստանալով։ 1961 թվականին հաշվառվել է Մոսկվայի կոնսերվատորիային կից կենտրոնական միջնակարգ հատուկ երաժշտական դպրոցում։ Արդեն երկու տարի անց ընդունվել է Չայկովսկու անվան Մոսկվայի պետական կոնսերվատորիա։ Միաժամանակ ապագա վիրտուոզը մասնակցում է միջազգային մի շարք հեղինակավոր երաժշտական մրցույթների։ 1979թ․ Վլադիմիր Սպիվակովը հիմնել է Մոսկվայի վիրտուոզներ կամերային նվագախումբը՝ դառնալով դրա գեղարվեստական ղեկավարը, դիրիժորը և սոլիստը։ 2003թ․ սկսած մաեստրոն հանդիսանում է իր ստեղծած Ռուսաստանի ազգային ֆիլհարմոնիկ նվագախմբի գեղարվեստական ղեկավարն ու գլխավոր դիրիժորը։ Սպիվակովը Մոսկվայի միջազգային երաժշտական տան նախագահն է։ Նա ԽՍՀՄ, ՀՀ, Ուկրաինայի, Դաղստանի, Բաշկորտոստանի ժողովրդական արտիստ է։ Արժանացել է ԽՍՀՄ և ՌԴ պետական մրցանակների։ Վլադիմիր Սպիվակովը ՅՈՒՆԵՍԿՕ-ի Խաղաղության արտիստ կոչմանն է արժանացել։ Հիշեցնենք, որ Վլադիմիր Սպիվակովը Հայաստանի կամերային նվագախմբի հիմնադիր, անվանի ջութակահար, դիրիժոր Զարեհ Սահակյանցի դստեր՝ դերասանուհի և հաղորդավարուհի Սաթի Սահակյանցի ամուսինն է։ Վլադիմիր Սպիվակովը, 1988 թվականին տեղեկանալով Հայաստանում տեղի ունեցած երկրաշարժի մասին, ժամանել է Գյումրի և բարեգործական համերգներ է ունեցել: Նա 2008 թվականին՝ 20 տարի անց, կրկին համերգային ծրագիր է ունեցել Գյումրիում:

Related news

Latest News
Hashtags:   

բազում

 | 

մրցանակներ

 | 

Խաղաղության

 | 

արտիստ

 | 

կոչում

 | 

Վլադիմիր

 | 

Սպիվակովն

 | 

այսօր

 | 

նշում

 | 

ծննդյան

 | 

ամյակը

 | 

լուսանկարներ

 | 
Most Popular (6 hours)

Most Popular (24 hours)

Most Popular (a week)

Sources