Monday 23 September 2019
Home      All news      Contact us      English
azatutyun - 11 days ago

Արդարադատություն կիրականանա և դասագրքային մակարդակով կջոկվեն ովքեր էին հերոսները. Արամ Մանուկյան

«Ինչպես Քոչարյանն ասաց, իսկապես դասագրքային մակարդակով կջոկվեն ովքեր էին հերոսները», - այս մասին, անդրադառնալով այսօր դատարանում Ռոբերտ Քոչարյանի հայտարարությանը, ասաց «Հայ ազգային կոնգրես» կուսակցության ներկայացուցիչ Արամ Մանուկյանը։ «Արդարադատություն կիրականանա և ինչպես Քոչարյանն ասաց իսկապես դասագրքային մակարդակով կջոկվեն ովքեր էին հերոսները, ովքեր էին չար տղաները, որոնք պետական իշխանությունն օգտագործելով, բանակ օգտագործելով սեփական ժողովրդի վրա կրակեցին, հարյուրավոր մարդիկ բանտերում հայտնվեցին, հարյուրավոր-հազարավոր մարդիկ տուժեցին, արտագաղթեցին և ունեցանք զոհեր», - նշեց Մանուկյանը։ Արամ Մանուկյանն ընդգծեց, որ սա հայ ժողովրդի արժանապատվության խնդիրն է՝ նշելով. «Սա պատմական իրադարձություն է, երբ հայ ժողովուրդը իրանից պիտի թոթափի այդ խարանը, պետք է պատժի նրանց, ովքեր ոճիր են իրագործել։ Այստեղ նստած են ոճրագործներ, ոճիր հայ ժողովրդի նկատմամբ, ոճիր հայ ժողովրդի ապագայի նկատմամբ, ոճիր հայ ժողովրդի և պետության զարգացման նկատմամբ»։ «Մարտի 1-ն ինձ համար իրավական գործընթաց չէ։ Ես մասնակիցն ու վկան եմ եղել, որ մեր ժողովուրդը 20 տարի ետ ընկավ այդ օրվա ոճրագործության արդյունքում, որ այդ օրվա իշխանությունը Ռոբերտ Քոչարյանի գլխավորությամբ գնդակահարեց ժողովրդին», - ասաց Արամ Մանուկյանը։ Այսօր Երևանի ընդհանուր իրավասության դատարանում մեկնարկել է սահմանադրական կարգը տապալելու մեջ մեղադրվող Հայաստանի երկրորդ նախագահ Ռոբերտ Քոչարյանի և մյուս երեք նախկին բարձրաստիճան պաշտոնյաների գործով դատական նիստը։ Քոչարյանը դատական նիստի ժամանակ իր ելույթում նշեց, որ այս քրեական գործը նշվելու է դասագրքերում և գործն ունենալու է իր բացասական և դրական հերոսները։

Related news

Latest News
Hashtags:   

Արդարադատություն

 | 

կիրականանա

 | 

դասագրքային

 | 

մակարդակով

 | 

կջոկվեն

 | 

ովքեր

 | 

հերոսները

 | 

Մանուկյան

 | 
Most Popular (6 hours)

Most Popular (24 hours)

Most Popular (a week)

Sources