Sunday 22 September 2019
Home      All news      Contact us      English
tert.am - 10 days ago

Լոռու մարզում 43-ամյա տղամարդը մետաղյա ձողով հարվածել է համագյուղացու դեմքին

ՀՀ քննչական կոմիտեի Լոռու մարզային քննչական վարչության Ստեփանավանի քննչական բաժնում ավարտվել է համագյուղացու առողջությանը դիտավորությամբ ծանր վնաս պատճառելու դեպքի առթիվ հարուցված քրեական գործի նախաքննությունը: Այս մասին հայտնում է ՀՀ քննչական կոմիտեի տեղեկատվության և հասարակայնության հետ կապերի բաժինը:

Մինչդատական վարույթում իրականացված քննչական գործողությունների արդյունքում պարզվել են դեպքի մի շարք հանգամանքներ:

Այսպես՝ 2019 թվականի օգոստոսի 09-ին ժամը 08-ի սահմաններում, Լոռու մարզի Ապավեն գյուղի հարակից դաշտավայրում, խոշոր եղջերավոր անասուններին արածացնելու վայրի շուրջ, վիճաբանություն է ծագել համագյուղացիների միջև, որի ժամանակ նրանցից մեկը՝ ծնված 1976թ., բութ, կոշտ առարկայով՝ մետաղյա ձողով, հարվածներ է հասցրել համագյուղացու դեմքի աջ ու ձախ շրջաններին՝ նրա առողջությանը դիտավորությամբ պատճառելով կյանքին վտանգ սպառնացող ծանր վնաս:

Ձեռք բերված բավարար ապացույցների համակցությամբ՝ Լոռու մարզի 43-ամյա բնակչին մեղադրանք է առաջադրվել՝ ՀՀ քրեական օրենսգրքի 112-րդ հոդվածի 1-ին մասով: Նրա նկատմամբ որպես խափանման միջոց է ընտրվել ստորագրություն՝ չհեռանալու մասին:

Հայտարարվել է նախաքննության ավարտի մասին և քրեական գործը, մեղադրական եզրակացությունը հաստատելու և դատարան ուղարկելու միջնորդությամբ, ուղարկվել է նախաքննության օրինականության նկատմամբ հսկողություն իրականացնող դատախազին:

Related news

Latest News
Hashtags:   

Լոռու

 | 

մարզում

 | 

տղամարդը

 | 

մետաղյա

 | 

ձողով

 | 

հարվածել

 | 

համագյուղացու

 | 

դեմքին

 | 
Most Popular (6 hours)

Most Popular (24 hours)

Most Popular (a week)

Sources