Tuesday 17 September 2019
Home      All news      Contact us      English
tert.am - 5 days ago

Ինեկոբանկը «WCIT 2019» ՏՏ համաշխարհային համաժողովի ինովացիոն հովանավոր

Ինեկոբանկը և WCIT 2019 ՏՏ համաշխարհային համաժողովի գրասենյակը հանդես եկան համատեղ հայտարարությամբ, որտեղ նշվում էր, որ Ինեկոբանկը հանդիսանում է WCIT 2019 համաժողովի ինովացիոն հովանավորը։ Ինեկոբանկը կհովանավորի ՏՏ աշխարհի ամենահեղինակավոր միջոցառումներից մեկը՝ WCIT 2019 համաժողովը։ Որպես WCIT 2019 -ի ինովացիոն հովանավոր, բանկը նպատակ ունի խթանել Հայաստանում ՏՀՏ ոլորտի զարգացումը և աջակցել միջազգային տեխնոլոգիական հարթակներում Հայաստանի նկատմամբ հետաքրքրության աճին։ Համոզված եմ, որ համաժողովը կստեղծի բարենպաստ նախադրյալներ նոր ներդրումների ներգրավման համար, կապահովի գործընկերության ընդլայնում և կնպաստի մեր պետության նկատմամբ հետաքրքրության աճին միջազգային ընկերոթյունների կողմից - նշեց Ինեկոբանկի գործադիր տնօրենի ժամանակավոր պաշտոնակատար Արեն Նալթակյանը։ ՏՏ աշխարհի ամենահեղինակավոր միջոցառումներից մեկն այս տարի տեղի է ունենալու Հայաստանում՝ Երևանում։ Մեր երկիրը հոկտեմբերին կհյուրընկալի ՏՀՏ հսկաներին ու եղանակ թելադրողներին, ինչը տեղական ընկերությունների համար հրաշալի առիթ է ՏՏ ոլորտի ամենաարդիական թեմաները քննարկելու, նոր կապեր ձեռք բերելու և համաժողովի գործընկերների հետ համագործակցությամբ իրենց ամենահամարձակ նորարարական լուծումներն իրագործելու համար ,- նշել է WCIT 2019 -ի կազմակերպչական կոմիտեի նախագահ, Առաջատար տեխնոլոգիաների ձեռնարկությունների միության (ԱՏՁՄ) նախագահ Ալեքսանդր Եսայանը։ WCIT 2019 ՏՏ համաշխարհային համաժողովը տեղի կունենա Երևանում, հոկտեմբերի 6-9-ին և կհյուրընկալի ավելի քան 2500 մասնակցի՝ շուրջ 70 երկրներից։ Ապակենտրոնացման ուժը․ ակնկալիք և վտանգ խորագրով համաժողովը հյուրընկալվում է Հայաստանում՝ ՀՀ կառավարության բարձր հովանու ներքո և աջակցությամբ։ Միջոցառման կազմակերպիչն է Առաջատար տեխնոլոգիաների ձեռնարկությունների միությունը։

Related news

Latest News
Hashtags:   

Ինեկոբանկը

 | 

համաշխարհային

 | 

համաժողովի

 | 

ինովացիոն

 | 

հովանավոր

 | 
Most Popular (6 hours)

Most Popular (24 hours)

Most Popular (a week)

Sources