Monday 16 September 2019
Home      All news      Contact us      English
tert.am - 4 days ago

Ոստիկանության լուրը, թե ճոպանուղուց վնասվել է 2 քաղաքացի՝ աշխատակցի չարգելակելու պատճառով, աբսուրդ է, մենք այդ ժամին չենք աշխատել, արգելակումն էլ ավտոմատ է. ընկերության տնօրեն

Ոստիկանությունը սխալ տեղեկություն է տարածել Երևանում միաճոպան կախովի ճոպանուղուց օգտվելիս վնասված անձանց դեպքի մասին: Այս մասին Tert.am-ի հետ զրույցում ասաց ընկերության տնօրեն Ժիրայր Մուշեղյանը՝ անդրադառնալով ոստիկանության այն հաղորդագրությանը, թե սեպտեմբերի 5-ին 21-ամյա կինը և 27-ամյա տղամարդը վնասվածքներ են ստացել Կոմիտասի պողոտայից Ալիխանյան եղբայրների փողոց տանող միաճոպան կախովի մարդատար ճոպանուղուց օգտվելիս, վնասված ստանալու պատճառը եղել է տեղաշարժը հսկող աշխատակցի կողմից ժամանակին չարգելակելը: Մամուլից տեղեկացանք, որ իբրև 21-ամյա կինը և 27-ամյա տղամարդը վնասվածքներ են ստացել Երևանում միաճոպան կախովի ճոպանուղուց օգտվելիս: Փորձեցինք գտնել սկզբնաղբյուրը, որը ոստիկանությունից էր: Նշվում էր, որ դեմքը տեղի է ունեցել աշխատակցի կողմից ժամանակին չարգելակելու պատճառով: Մեզ մոտ թռիչքը այդպես չի կազմակերպվում, արգելակումը լինում է ավտոմատ, բացի դրանից, կան նաև վթարային արգելակներ, որոնք գործի են դրվում, երբ նախնական արգելակները չեն միանում:

Հաղորդագրության մեջ ինչ-որ ժամ է նշված, որը մեզ մոտ ոչ աշխատանքային ժամ է, մենք աշխատանքը սկսում ենք 10:00-ից, բայց այնտեղ նշված է 8:30: Հաղորդագրությունում նշված է, որ կոտրվածքներ են ստացել, որն իրականությանը չի համապատասխանում ,- պատմեց Մուշեղյանը: Նա նշեց, որ կապվել է ոստիկանության լրատվության վարչության բաժնի պատասխանատուներից Զարզանդ Գաբրիելյանի հետ՝ պարզելու, թե որտեղից են նման տեղեկություն ստացել: Գաբիրելյանը պատասխանել է, որ ինչպես հայտնել են հետաքննության արդյունքները, այդպես և հրապարակել են: Ես հարցրի, թե ինչ հետաքննության մասին է խոսքը, եթե ոչ մի հետաքննություն չի կատարվել և ես՝ որպես տնօրեն, պարտավոր էի դրանից տեղյակ լինել: Նաև աշխատակիցներից ոչ մեկից ցուցմունք էլ չեն վերցրել: Մեզ մոտ տվյալ ամսաթվին արձանագրվել է այցելուի վնասվածք, որը բացառապես եղել է ուժեղ քամու պատճառով: Անհապաղ դեպքի մասին ոստիկանություն ենք հաղորդել: Հենց հիվանդանոցում թաղային է եկել ու հարց ու փորձ է արել: Նույն թաղայինի հետ, երբ խոսել եմ, նա նույնպես հերքել է ոստիկանության տարածած հայտարարությունը ,- ներկայացրեց նա: Տնօրենի խոսքով՝ թռիչքը եղել է զույգով, բայց վնասվել է միայն տղամարդը: Այցելուները ևս պատմել են, որ վնասվածքը եղել է քամու պատճառով և այս դեպքում գործել է վթարային արգելակը: Նրանք ոչ մի դիմում, բողոք, պահանջ չունեն մեզնից: Նրանք նույնը ասել են ոստիկանությանը: Թռիչքն էլ եղել է ցերեկվա ժամին, աբսուրդի ժանրից է իրենց գրած տեղեկությունը: Նշված է ձախ ազդրոսկրի բեկորային կոտրվածք , կոնքոսկրի և բազուկոսկրի կոտրվածք , որոնք ճիշտ չեն: Ես կապվեցի Մաշտոցի բաժնի ծառայողների հետ, որովհետև տեղեկությունը իրենցից էր եկել, ու ասացի, որ խմբագրեն իրենց ասածը, մեր հեղինակությանը վնասում է դա: Ասացի՝ ինչո՞ւ են մեր մասին ապատեղեկատվություն տարածում, առանց հետաքննության տվյալներ ունենալու՝ մեղավորներ են նշանակում: Առանց գործ անելու մեղավոր են նշանակել, հոդվածը գրել են, լրատվամիջոցներն են վերցրել են ,- նշեց նա: Մուշեղյանը Մաշտոցի բաժնում փորձել է ճշտել, թե ինչպես է նման տեղեկություն դուրս եկել իրենց մոտից, պատասխանել են, որ նրանք ևս տեղյակ չեն: Հիմա ես խայտառակ պատմության մեջ եմ ընկել իրենց անփութության պատճառով: Ես իհարկե հետաքննիչի հետ եմ խոսել, որ հանդիպենք: Իրենց ասել եմ, որ լավագույն տարբերակը ձեզ դատի տալը չի ապատեղեկատվություն տարածելու համար, լավագույն տարբերակը ձեր տարածած նյութը խմբագրելն է ,- ասաց տնօրենը:

Related news

Latest News
Hashtags:   

Ոստիկանության

 | 

լուրը

 | 

ճոպանուղուց

 | 

վնասվել

 | 

քաղաքացի՝

 | 

աշխատակցի

 | 

չարգելակելու

 | 

պատճառով

 | 

աբսուրդ

 | 

ժամին

 | 

աշխատել

 | 

արգելակումն

 | 

ավտոմատ

 | 

ընկերության

 | 

տնօրեն

 | 
Most Popular (6 hours)

Most Popular (24 hours)

Most Popular (a week)

Sources