Sunday 22 September 2019
Home      All news      Contact us      English
tert.am - 10 days ago

Առաջիկա տասնամյակներին գազը կկորցնի իր տնտեսական նշանակությունը. Bloomberg

Արևը և քամին արագորեն դառնում են էներգիայի ստացման ամենամատչելի աղբյուրը։ Արդեն այսօր հողմակայանների և արևային նոր կայանների կառուցումն առավել շահավետ է, քան գոյություն ունեցող ածխային էլեկտրակայանների շահագործումը։ Այս մասին հայտնում է Bloomberg-ը՝ հղում անելով ամերիկյան Rocky Mountain հետազոտական ինստիտուտի ուսումնասիրությանը։ Իսկ մինչ 2035թ․-ը վերականգնվող էներգիայի աղբյուրներն անգործ կթողնեն նաև գազին։ Համաձայն նոր հետազոտության՝ բեկումնային պահը կլինի 2035 թվականին: Փոխակերպումն այնքան արագ տեղի կունենա, որ գազային էլեկտրակայանների նախագծերը, որոնք ներկայում մշակման փուլում են գտնվում, կդառնան տնտեսապես ոչ ձեռնտու: Գազային էլեկտրակայանների հետ մեկտեղ անպետք կդառնան նաև գազի խողովակները։ Փոխակերպման արագությունն այնքանով է հատկանշական, որ ԱՄՆ գազային էներգետիկան վերջին տարիներին ծաղկում է ապրել։ 20 տարի առաջ բնական գազի հաշվին երկրում 20%-ից քիչ էլեկտրականություն է ապահովվել։ Սակայն գազի արդյունահանումը ժամանակի ընթացքում ավելի մատչելի դարձավ, և աստիճանաբար ջերմաէլեկտրակայաններում գազը փոխարինվեց ածխով, իսկ արտադրությունում գազի մասնաբաժինը հասել է 35%-ի։ Այժմ դերերը փոխվել են։ Վերականգնվող էներգակիրների ցածր գները կհանգեցնեն գազարդյունաբերության փլուզմանը, նշվում է ուսումնասիրության մեջ։

Related news

Latest News
Hashtags:   

Առաջիկա

 | 

տասնամյակներին

 | 

կկորցնի

 | 

տնտեսական

 | 

նշանակությունը

 | 

Bloomberg

 | 
Most Popular (6 hours)

Most Popular (24 hours)

Most Popular (a week)

Sources