Saturday 21 September 2019
Home      All news      Contact us      English
tert.am - 9 days ago

Դատարանի մոտից մեկ անձ ոստիկանություն բերման է ենթարկվել

Երևան քաղաքի ընդհանուր իրավասության դատարանի Շենգավիթի նստավայրում ընթացող դատական նիստին, դատարանի մոտ զուգահեռ բողոքի ակցիա է իրականացվում Ռոբերտ Քոչարյանի աջակիցների կողմից: Tert.am-ի հետ զրույցում ոստիկանության լրատվական ծառայությունից հայտնեցին, որ մեկ անձ դատարանի մոտից բերման է ենթարկվել ոստիկանություն: Նա բերվել է ոստիկանություն վարչական իրավախախտումների վերաբերյալ օրենսգրքի 182 հոդվածով նախատեսված արարք կատարելու համար ,-ասացին ոստիկանությունից: Հոդված 182.
Զինծառայողի կամ ոստիկանության ծառայողի օրինական պահանջը չկատարելը Հասարակական կարգի պահպանության և հասարակական անվտանգության ապահովման պարտականությունները կատարելու ընթացքում զինծառայողի կամ ոստիկանության ծառայողի օրինական պահանջը չկատարելը՝ առաջացնում է տուգանքի նշանակում սահմանված նվազագույն աշխատավարձի հիսնապատիկի չափով: Հիշեցնենք, որ արդեն մեկնարկել է ՀՀ երկրորդ նախագահ Ռոբերտ Քոչարյանի, պաշտպանության նախկին նախարար Սեյրան Օհանյանի, ՀԱՊԿ նախկին գլխավոր քարտուղար Յուրի Խաչատուրովի և նախկին փոխվարչապետ Արմեն Գևորգյանի գործով առաջին նիստը։ Երևան քաղաքի ընդհանուր իրավասության դատարանի Շենգավիթի նստավայրում ընթացող դատական նիստը նախագահում է դատավոր Աննա Դանիբեկյանը։ Ռոբերտ Քոչարյանի աջակիցները պահանջում են անհապաղ ազատ արձակել ՀՀ երկրորդ նախագահին։

Related news

Latest News
Hashtags:   

Դատարանի

 | 

մոտից

 | 

ոստիկանություն

 | 

բերման

 | 

ենթարկվել

 | 
Most Popular (6 hours)

Most Popular (24 hours)

Most Popular (a week)

Sources