Monday 16 September 2019
Home      All news      Contact us      English
tert.am - 4 days ago

Ապրիլյան պատերազմում անմահացած հերոսների ազգականները կմկրտվեն պատերազմի մասնակիցների «քավորությամբ». Ռուբեն Մխիթարյանը պատմել է գաղափարի առաջացման, մկրտության արարողության մանրամասների մասին

Սեպտեմբերի 15-ին Խաչվերաց տոնի օրը, ժամը 13:00-ին Շուշիի Սուրբ Ղազանչեցոց եկեղեցում կկայանա Ապրիլյան պատերազմում անմահացած հերոսների ազգականների ու հերոսների անունները կրող հարազատների մկրտության արարողությունը: Մկրտվողների կնքահայրերը լինելու են հենց ապրիլյան պատերազմի մասնակիցները: Մկրտության գաղափարը եղել է Ապրիլյան մարտական գործողությունների մասնակիցների միություն անդամներինը, իսկ կազմակերպման հարցերով զբաղվելու պարտականությունն իր վրա է վերցրել Արմենիա հեռուստաընկերության նախկին գլխավոր պրոդյուսեր Ռուբեն Մխիթարյանը: Ես և ապրիլյան պատերազմի մասնակից Շուլի Հակոբյանը համաքաղաքացիներ ենք, իրար շատ լավ ճանաչում ենք, ընկերություն ենք անում: Գյումրիում մի անգամ նա շատ հպանցիկ, ամաչելով (շատ համեստ մարդիկ են ապրիլյան պատերազմի մասնակիցները) ասաց, որ իրենք ընկերներով նման միտք ունեն՝ ուզում են իրենց զոհված երեխաների անունը կրող հարազատներին մկրտեն: Չէր ստացվել, մի քանի տեղում խոսել էին այս մասին, բայց ոչ մերժում էին ստացել, ոչ համաձայնություն: Անկեղծ ասած, ես այդ մտքից շատ ոգևորվեցի, ազդվեցի և միանգամից Շուլիին ասեցի՝ պետք չի այս կամ այն մարդկանց հետ խոսել, ես պատրաստ եմ ամբողջ կազմակերպչական աշխատանքը կատարել՝ սկսած ֆինանսների հայթհայթումից, մինչև բուն արարողությունը կազմակերպելը ,- Tert.am-ի հետ զրույցում պատմեց Ռուբեն Մխիթարյանը: Նրա խոսքով՝ Ապրիլյան պատերազմում զոհված հերոսների ազգականների մկրտության արարողությունն այնպիսի կարևորության հարց է, որ մի քիչ հնարավորություն և կազմակերպչական ունակություններ ունեցող յուրաքանչյուր մարդ պետք է իրականցներ տղաների գաղափարը: Ինքս 2016 թ.-ի ապրիլին լինելով Արցախում, տեսել եմ ջահել տղերքը՝ հերոսներն իսկապես ինչ են արել, ոնց են խաղաղություն պարտադրել հակառակորդին: Իսկ Շուլի Հակոբյանն ինձ համար ոչ միայն ընկեր է, այլ Ապրիլյան պատերազմի խորհրդանիշներից մեկն է, որի համար ես պատրաստ եմ ամեն ինչի, ընդհուպ մինչև նոր հնարավոր պատերազմի ժամանակ, աստված ոչ անի, իր կողքը կանգնել՝ ես էլ, տղաս էլ, բոլոր նրանք, ովքեր կարող են զենք բռնել: Իրենք այդ տեսակ մարդիկ են: Իմ համոզմունքն է, որ այդ տղերքի կողքը յուրաքանչյուր հարցով պետք է կանգնել ,- ասաց Ռուբեն Մխիթարյանը: Մկրտության արարողության կազմակերպման համար ֆինանսական միջոցները հավաքվել են Ռուբեն Մխիթարյանի և նրա ընկերների աջակցությամբ, սակայն նա չցանկացավ անուններ հնչեցնել. Մկրտությունից հետո մատաղի արարողություն է լինելու և այնտեղ երևի անվանական շնորհակալություն կհայտնեմ, բայց այստեղ չեմ ասի : Մկրտության արարողության մասնակիցների թիվը մոտ 240-250 է, այդ թվում 80 հոգի Արցախից: Մկրտվողները 90-ն են, մնացածն Ապրիլյան պատերազմի մասնակից կնքահայրերն են և պատերազմի զոհերի հարազատները: Ռուբեն Մխիթարյանի տեղեկացմամբ՝ 2 ավտոբուս Երևանից է շարժվելու, 1 ավտոբուս՝ Սյունիքից, ինչպես նաև բազմաթիվ մարդիկ իրենց անձնական մեքենաներով են գնալու Շուշի: Խորհրդանշական է, որ բազմաթիվ զոհվածների ընտանիքներ, որոնք կնքվող չունեն, ցանկություն են հայտնել գալու և արարողությանը մասնակցելու: Սա շատ կարևոր է, այս մարդկանց միայն Ապրիլյան պատերազմը չի կապում, իրենք այնպիսի հոգևոր կապ ունեն միմյանց հետ, որ ուզում են մյուսների մկրտության արարողությանը ներկա գտնվել: Նաև ասեմ, որ Արցախի թեմի առաջնորդ Պարգև Սրբազանն է մկրտելու և բոլոր մկրտվողներն ստանալու են ոսկյա խաչեր, լրիվ օրինական է, ինչը կնունքին հարիր է, անում ենք ,- հայտնեց Ռուբեն Մխիթարյանը:

Related news

Latest News
Hashtags:   

Ապրիլյան

 | 

պատերազմում

 | 

անմահացած

 | 

հերոսների

 | 

ազգականները

 | 

կմկրտվեն

 | 

պատերազմի

 | 

մասնակիցների

 | 

քավորությամբ

 | 

Ռուբեն

 | 

Մխիթարյանը

 | 

պատմել

 | 

գաղափարի

 | 

առաջացման

 | 

մկրտության

 | 

արարողության

 | 

մանրամասների

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources