Monday 16 September 2019
Home      All news      Contact us      English
tert.am - 4 days ago

Թրամփին «թույլ են տվել» մերժել ներգաղթյալներին ապաստանի տրամադրման հարցում

ԱՄՆ Գերագույն դատարանը նախագահ Դոնալդ Թրամփի վարչակազմին պաշտոնապես թույլտվություն է տրամադրել երրորդ երկրներից ԱՄՆ եկած և սկզբից ԱՄՆ-ից ապաստան չհայցած ներգաղթյալներին ապաստանի տրամադրման հարցում մերժելու առնչությամբ, գրում է Associated Press-ը: Այսպիսով՝ իր որոշմամբ Գերագույն դատարանը չեղյալ է համարել ավելի ցածր ատյանի դատարանների որոշումները, համաձայն որոնց արգելվել էր կիրառել նոր միգրացիոն քաղաքականության նորմերը: Ըստ նոր օրենքի Հոնդուրասի, Գվատեմալայի և տարածաշրջանի այլ երկրների քաղաքացիները չեն կարող ԱՄՆ-ի կողմից ապաստան ստանալու ակնկալիքներ ունենալ, քանի դեռ չեն դիմել Մեքսիկայի իշխանություններին և նրանցից մերժում չեն ստացել: Տվյալ սահմանափակումը չի տարածվում այն օտարերկրյա քաղաքացիների նկատմամբ, որոնք ԱՄՆ են մուտք գործում ոչ սեփական ցանկությամբ: Գործակալությունը նշել է, որ այս որոշումը թույլ է տալիս մերժում տրամադրել աղքատության կամ բռնության պատճառով Աֆրիկայից, Ասիայից և Հարավային Ամերիկայից ԱՄՆ ժամանող գրեթե բոլոր ներգաղթյալներին: ԱՄՆ նախագահը դատարանի որոշումը մեծ հաղթանակ է անվանել: Հիշեցնենք, որ ԱՄՆ նախագահը բավականին կոշտ միգրացիոն քաղաքականություն է վարում ապօրինի ներգաղթյալների նկատմամբ: Նա ցանկանում է Մեքսիկայի հետ սահմանին պատի կառուցմամբ արգելել Հարավային Ամերիկայից ներգաղթյալների հոսքը:

Related news

Latest News
Hashtags:   

Թրամփին

 | 

թույլ

 | 

մերժել

 | 

ներգաղթյալներին

 | 

ապաստանի

 | 

տրամադրման

 | 

հարցում

 | 
Most Popular (6 hours)

Most Popular (24 hours)

Most Popular (a week)

Sources