Thursday 19 September 2019
Home      All news      Contact us      English
tert.am - 8 days ago

Ամուլսարը նախկինում սար էր մնալու, հիմա հանք է դառնալու. ներկա իշխանությունը երեկ և այսօր

Երջանիկ անհատ , Հոգատար հանրություն , Հզոր պետություն կարգախոսով խորհրդարանական ընտրություններին մասնակցած Իմ քայլը դաշինքը խոստումներ ուներ նաև շրջակա միջավայրի պահպանության վերաբերյալ, ընդհուպ մինչև պարտքը բնապահպանության դիմաց : Դաշինիքի նախընտրական ծրագրի 15-րդ կետում հետևյալն էր ասվում. Շրջակա միջավայրի համալիր պահպանում, վերականգնում և կայուն բնօգտագործում. Բնապահպանության ոլորտում մեր տեսլականը հիմնվում է շրջակա միջավայրի համալիր պահպանման, վերականգնման, բարելավման և ողջամիտ օգտագործման սկզբունքների վրա: Գիտակցելով մեր պատասխանատվությունը գալիք սերունդների ճակատագրի նկատմամբ որդեգրելու ենք բնական ռեսուրսների գերշահագործման և ապօրինի օգտագործման բացառման, շրջակա միջավայրի վրա ունեցած բացասական ազդեցությունը նվազագույնի հասցնելու սկզբունքները: Մենք իրականացնելու ենք շրջակա միջավայրի պաշտպանության հետևյալ թիրախային ծրագրերը. իրականացնելու ենք պարտքը բնապահպանության դիմաց համակարգի գործարկում, ինչի արդյունքում այն գումարների մի մասը, որը պետք է ծառայեր արտաքին պարտքի սպասարկմանը, ուղղվելու է բնապահպանական ծրագրերի կենդանական, բուսական աշխարհի կամ ջրային ռեսուրսների արդյունավետ կառավարմանը եւ վերականգնմանը:

ընդերքօգտագործման ոլորտում առաջնորդվելու ենք բնական ռեսուրսների ողջամիտ օգտագործման, ոլորտում թափանցիկության և հաշվետվողականության բարձրացման, ընդերքօգտագործումից առավելագույն ավելացված արժեքի ստացման և կայուն զարգացման սկզբունքներով, այդ թվում՝ շրջակա միջավայրին նվազագույն վնաս հասցնելու և գալիք սերունդների շահերի պաշտպանության միջոցով:

նվազեցնելու ենք խտանյութի և չվերամշակված հումքի արտահանումը՝ այն փոխարինելով վերամշակված հանքանյութի արտահանմամբ : Սա իշխանության նախընտրական ծրագիրն էր: Իշխանությունը՝ նախկինում և հիմա Նիկոլ Փաշինյանը ԱԺ ընտրություններից առաջ՝ 2018թ. դեկտեմբերի 3-ին Ջերմուկում. Երբ փորձաքննության արդյունքները պատրաստ լինեն, պապկեն կդնեմ թևիս տակ կգնամ Ջերմուկ քննարկելու ։ 2019թ. օգոստոսի 23-ին Նիկոլ Փաշինյանը՝ Ջերմուկում. Էլարդ ընկերության եզրակացությունը կա, և եզրակացության հետ կապված տարբեր մեկնաբանություններ կան: Պաշտոնական եզրակացությունն այն է, որ Ջերմուկի հանքային ջրերի հետ կապված, Սևանա լճի հետ կապված վտանգ չկա, կարդացել եք, գիտեք, բայց մենկաբանման խնդիր կա և լրացուցիչ կոնֆերանս կլինի : 2019 թ. Սեպտեմբերի 9-ը Նիկոլ Փաշինյան. Ջերմուկի բնակիչներին խնդրում եմ ապաշրջափակել Ամուլսարի հանք տանող ճանապարհները․ տեսչական մարմնին հանձնարարվել է ստուգումներ իրականացնել: 2018 թ․ հուլիսի 23-ին Նիկոլ Փաշինյանը հայտարարել էր. Հանքարդյունաբերությունը Հայաստանի տնտեսական աճի լոկոմոտիվն է: Դա փաստ է, բայց դա անընդունելի է մեր կառավարության համար : ՀՀ շրջական միջավայրի նախարար Էրիկ Գրիգորյան 2012 թ․ հուլիսի 8-ին, երբ Էրիկ Գրիգորյանը պետական պաշտոնյա չէր, գրառում է արել Թեղուտի վերաբերյալ, որի մեկնաբանություններում խոսում է նաև Ամուլսարի մասին. Հիմա իրավիճակը շատ տարբեր ա, մարդիկ ավելի տեղեկացված են, ամեն լուր մի երկու օրվա մեջ տարածվում ա Հայաստանով մեկ, հիմա թաքցնելու տարբերակները էլ չի գործում, եթե Ամուլսարում ուրան կա, որի պաշարները, մոտավորապես, էնքան են, ինչքան Հայաստանի մյուս նմանատիպ հանքավայրերում, վայրերում, պետքա ուղղակի ներկայացնել էն ինչ կա, ոչ թե ասել էնտեղ ոչ մի գրամ ուրան չկա, ասենք: Հաջորդ մեկնաբանությամբ Էրիկ Գրիգորյանը գրել է. Կամ են ձևակերպումը, որ Ամուլսարի հանքից ոչ մի վնաս չկա, էդ աբսուրդ ա ուղղակի, ոնց կարա ջութակ նվագելուց վնաս լինի բնությանը, ոսկու հանույթից չլինի, գոնե ներկայացնեն ռեալ ռիսկերը, իրանց լուծումները, միջազգային փորձ ցույց տան, տեխնոլոգիաները և այլն, ՔՌԹՈՎ դնում ու ասում են վնաս չկա, էդ հեչ լուրջ չի : Նախարարի գրառումների և ներկա դիրքորոշման վերաբերյալ Tert.am-ը գրավոր հարցում է ուղարկել: Նախարարն այժմ Ամուլսարի հետևանքով բնության հասցվող վնասի վերաբերյալ ասել է. Յուրաքանչյուր գործունեություն, ներառյալ՝ ջութակ նվագելը, բնությանը վնաս է տալիս :

Շրջակա միջավայրի նախարարության զեկույցը գաղտնի է պահվում, նախարարության դիրքորոշումը չի հրապարակվում: Իմ քայլը խմբակցության պատգամավոր Արտակ Մանուկյան Իմ քայլը խմբակցության պատգամավոր Արտակ Մանուկյանը 2016 թ․ նոյեմբերի 28-ին, երբ դեռ պատգամավոր չէր ու Նիկոլ Փաշինյանի թիմակիցը չէր, Ամուլսարի վերաբերյալ գրել էր. Ամուլսարի հանքավայրի շահագործման դեմ պայքարին դրական եմ վերաբերվում, իսկ ավելի ընդհանրացնելով, դրական չեմ վերաբերվում հանքարդյունաբերության մասով պետական հսկողության իսպառ բացակայությանը ու կոպեկներով մեր ազգային հարստությունը փոշիացնելուն: Բայց նշված պայքարի առումով մի դիտարկում ունեմ․ իմ կարծիքով մեր պահանջը պետք է լինի պետության կողմից հասարակական շահի կարևորությունը, եթե համաձայն եք, ապա կրկին մենք գործ ունենք հետևանքի, այլ ոչ թե պատճառի դեմ պայքարի: Եթե պայքարում ենք պատճառի դեմ, ապա տարբերություն չկա Ամուլսար, Թեղուտ թե այլ, մեր պահանջը Կառավարությունից է, ոչ թե մասնավորից: Նույն ՎԶԵԲ-ը /EBRD-ին/ հետո էլ ՎՏԲ-ն Թեղուտի նախագիծը ահագին վարկավորել են Ես էլ ՀԲ-ին շատ եմ քննադատում, բայց ավելի շատ քննադատում եմ իմ հայրենի կառավարությանը՝ հիմար ու անարդյունավետ վարկեր վերցնելու համար: Էնպես որ պահանջներ ներկայացրեք Կառավարությանը, ոչ թե Ամերիաբանկին.... : Tert.am-ի հետ զրույցում արդեն ԱԺ պատգամավոր Արտակ Մանուկյանը 2019 թ․ սեպտեմբերի 10-ին հանքի շահագործման թեմայով ասել է. Երբ հարցադրում կա՝ շահագործել, թե ոչ, շեղվում ենք խնդրից, քանի որ խնդիրը դրված է, որ Լիդիան -ին տրված է թույլտվություն։ Հիմա պետք է հասկանալ, արդյո՞ք առկա ենք նոր ի հայտ եկած հանգամանքներ, որոնք հնարավորություն կտան չեղյալ համարել թույլտվությունը։ Պետությունը պետք է հավասարակշռված խաղի կանոններ իրականացնի, հիմա դեռևս այս որոշումն է կայացվել, որ շինարարական աշխատանքները շարունակվեն ,- ասաց նա։ Իմ քայլը խմբակցության պատգամավոր Հայկ Գևորգյան 2014 թ․ Հայկական ժամանակ օրաթերթի լրագրող, այժմ Իմ քայլը խմբակցության պատգամավոր, տնտեսագետ Հայկ Գևորգյանը հոդված էր գրել, որտեղ անդրադարձել էր, իր ձևակերպմամբ, Հայաստանի ընդերքը թալանելուն: Ի թիվս այլ վերլուծությունների ու տվյալների՝ Հայկ Գևորգյանը գրել է. Մեր հանքերը վայրենի տեմպերով են շահագործվում: Այնքան վայրենի, որ բնապահպանական լրջագույն խնդիրներ են առաջանում: Ամբողջական բնակավայրեր են տեղափոխվում ընդերքի շահագործումը անընդհատ ընդլայնելու պատճառով: Եվ այս ամենի հետ մեկտեղ՝ հանքարդյունաբերությունից ստացվող հարկային եկամուտները կազմում են բյուջեի ընդամենը 6-7 տոկոսը: Այսինքն՝ եթե մենք վաղը արգելենք մեր բոլոր հանքերի շահագործումը, պետական բյուջեի վրա դա չնչին ազդեցություն կունենա, և երկիրը տնտեսական վնասներ գրեթե չի կրի: Ինչը չի կարելի ասել այդ ոլորտում գործող ընկերությունների մասին, որոնց մեծագույն մասը կապված է մեր ամենաբարձրաստիճան պաշտոնյաների հետ : Այժմ Հայկ Գևորգյանը նշում է, որ Ամուլսարը պետք է շահագործվի՝ կրկնակի փորձաքննությունից հետո, թե առանց դրա:

Related news

Latest News
Hashtags:   

Ամուլսարը

 | 

նախկինում

 | 

մնալու

 | 

դառնալու

 | 

ներկա

 | 

իշխանությունը

 | 

այսօր

 | 
Most Popular (6 hours)

Most Popular (24 hours)

Most Popular (a week)

Sources