Thursday 19 September 2019
Home      All news      Contact us      English
tert.am - 8 days ago

Մարզիկները չեն կարող տուժել արկածախնդրության հետևանքով. ՀԱՕԿ-ը և ԿԳՄՍ նախարարությունը համատեղ հայտարարություն են տարածել

Armsport.am-ը գրում է․ ՀԱՕԿ-ը և ԿԳՄՍ նախարարությունը համատեղ հայտարարություն են տարածել հայկական բռցքամարտում ստեղծված խնդիրների մասին: Հայաստանի Հանրապետության բռնցքամարտի ֆեդերացիա ՀԿ-ի շուրջ ստեղծված անառողջ մթնոլորտը շարունակում է մտահոգիչ մնալ: Հեռավար կառավարմամբ գործող ֆեդերացիան, հատկապես վերջին ամիսներին, ծառայեցվում է փոքր խմբի շահերին, որը սեփական խնդիրները, բռնցքամարտում ստեղծված անառողջ մթնոլորտը պարբերաբար փորձում է ներկայացնել որպես բացառապես արտաքին միջամտության փորձ, այլ ոչ թե որպես ֆեդերացիան քաղաքական նպատակներին ծառայեցնելու միջոց: Եվրոպայի երիտասարդական առաջնությունից և Աշխարհի առաջնությունից առաջ ստեղծված ծանր կացությունը քննարկելու նպատակով օգոստոսին տեղի է ունեցել Հայաստանի Հանրապետության կրթության, գիտության, մշակույթի և սպորտի նախարար Արայիկ Հարությունյանի և Հայաստանի ազգային օլիմպիական կոմիտեի նախագահ Գագիկ Ծառուկյանի հանդիպումը: Զրուցակիցները քննարկել են հայկական բռնցքամարտում ստեղծված անառողջ մթնոլորտը միաժամանակ նշելով, որ մարզիկները չեն կարող տուժել արկածախնդրության հետևանքով: Որոշում է կայացվել, որ նախարարությունը և ՀԱՕԿ-ը կկազմակերպեն մեր թիմերի մասնակցությունը երկու առաջնություններին ամենաբարձր մակարդակով, որպեսզի օլիմպիական այս մրցաշրջանում մարզիկները շարունակեն նախապատրաստվել Տոկիո 2020-ին: Համատեղ գործելու պատրաստակամությունը պետք է ազդակ լինի ֆեդերացիային և բռնցքամարտի աշխարհին համախմբվելու, արկածախնդիրներին մերժելու և ֆեդերացիայի աշխատանքը բնականոն ընթացքի բերելու համար , - ասված է երկու կառույցների համատեղ հայտարարության մեջ:

Related news

Latest News
Hashtags:   

Մարզիկները

 | 

կարող

 | 

տուժել

 | 

արկածախնդրության

 | 

հետևանքով

 | 

նախարարությունը

 | 

համատեղ

 | 

հայտարարություն

 | 

տարածել

 | 
Most Popular (6 hours)

Most Popular (24 hours)

Most Popular (a week)

Sources