Thursday 19 September 2019
Home      All news      Contact us      English
tert.am - 8 days ago

ԱՀ ԱԳՆ ղեկավարը ֆրանսիացի խորհրդարանականների հետ խոսել է Արցախում պետականաշինության գործընթացի և տեղի ունեցող ժողովրդավարական զարգացումների վերաբերյալ

Սեպտեմբերի 11-ին Արցախի արտաքին գործերի նախարար Մասիս Մայիլյանն ընդունել է Ֆրանսիայի Ազգային ժողովի և Սենատի պատգամավորների պատվիրակությանը Ֆրանսիա-Արցախ բարեկամության շրջանակի նախագահ Գի Տեսիեի գլխավորությամբ։ ԱԳՆ ղեկավարը ողջունել է ֆրանսիացի խորհրդարանականներին և կարևորել նրանց այցը՝ Արցախում առկա իրավիճակին ծանոթանալու, ինչպես նաև երկու ժողովուրդների միջև բարեկամական հարաբերությունների զարգացման տեսանկյունից։ Մասիս Մայիլյանն անդրադարձ է կատարել Արցախում պետականաշինության գործընթացին և տեղի ունեցող ժողովրդավարական զարգացումներին, մասնավորապես, վերջերս կայացած ՏԻՄ ընտրություններին։ ԱԳ նախարարն ընդգծել է, որ դրանք Արցախում ժողովրդավարական արժեքների հիման վրա հանրային կյանքի կազմակերպման գործընթացի հերթական դրսևորումն են։ Հանդիպման ընթացքում անդրադարձ է կատարվել երկկողմ հարաբերություններում ունեցած ձեռքբերումներին, մարտահրավերներին և դրանց դիմակայելու հնարավորություններին։ Կողմերը նշել են Արցախի միջազգային կապերի զարգացման անհրաժեշտությունը և նրա բնակիչների հիմնարար իրավունքների և ազատությունների անխոչընդոտ իրացման կարևորությունը։ Մասիս Մայիլյանն ընդգծել է երկու երկրների միջև խորհրդարանական դիվանագիտության և ապակենտրոնացված համագործակցության զարգացման ուղղությամբ ջանքերը կրկնապատկելու անհրաժեշտությունը։ Այս համատեքստում ԱԳՆ ղեկավարը կարևորել է Ֆրանսիա-Արցախ բարեկամության շրջանակի առանցքային դերը։

Related news

Latest News
Hashtags:   

ղեկավարը

 | 

ֆրանսիացի

 | 

խորհրդարանականների

 | 

խոսել

 | 

Արցախում

 | 

պետականաշինության

 | 

գործընթացի

 | 

ունեցող

 | 

ժողովրդավարական

 | 

զարգացումների

 | 

վերաբերյալ

 | 
Most Popular (6 hours)

Most Popular (24 hours)

Most Popular (a week)

Sources