Sunday 15 September 2019
Home      All news      Contact us      English
tert.am - 4 days ago

Չինաստանը չեղարկել է ԱՄՆ-ից որոշ ապրանքների մաքսատուրքերը

Չինաստանի կառավարությունը որոշել է սեպտեմբերի 17-ից չեղարկել ԱՄՆ-ից և Կանադայից 16 ապրանքների 25% հավելյալ տուրքերը: Ապրանքների ցուցակը սեպտեմբերի 11-ին հրապարակվել է Չինաստանի ֆինանսների նախարարության կայքում: Պետական խորհրդի հաստատմամբ՝ սակագների և տուրքերի հանձնաժողովը հրապարակում է այն ապրանքների ցուցակը, որոնց համար չեղարկվելու են ամերիկյան ապրանքների մասով լրացուցիչ տուրքերը ,- ասվում է հայտարարության մեջ: Ապրանքները բաժանվել են երկու խմբի: Թե ինչ սկզբունքով են ընտրվել, դեռևս հայտնի չէ: Կայքում նաև հաղորդվում է, որ սակագների և տուրքերի հանձնաժողովը շարունակում է դիտարկել այլ ապրանքներ, որոնց համար հավելյալ տուրքերը նույնպես կարող են չեղարկվել: Փաստաթուղթը ուժի մեջ կմտնի սեպտեմբերի 17-ից և կգործի մեկ տարի: Ապրանքների առաջին ցուցակի արդեն վճարված գումարները Պեկինը կփոխհատուցի Վաշինգտոնին: Փոխհատուցում ստանալու համար ներմուծող ձեռնարկությունները վեց ամսվա ընթացքում պետք է կապվեն մաքսային մարմինների հետ: Երկրորդ ցուցակից ապրանքների փոխհատուցումը չի կատարվելու: Հիշեցնենք, որ ԱՄՆ նախագահ Դոնալդ Թրամփը հայտարարել էր, որ աշնան սկզբից 300 միլիարդ դոլար ընդհանուր արժեք ունեցող չինական ապրանքների վրա տուրքերը կավելանան 10%-ից մինչև 15%, իսկ հոկտեմբերի 1-ից 250 միլիարդ դոլար ընդհանուր արժեք ունեցող ապրանքների նկատմամբ տուրքերը կավելանան 25-ից 30%:

Related news

Latest News
Hashtags:   

Չինաստանը

 | 

չեղարկել

 | 

ապրանքների

 | 

մաքսատուրքերը

 | 
Most Popular (6 hours)

Most Popular (24 hours)

Most Popular (a week)

Sources