Sunday 22 September 2019
Home      All news      Contact us      English
tert.am - 11 days ago

Հակոբ Արշակյանը Տաջիկստանի իր գործընկերոջ հետ քննարկել է համագործակցության հնարավորությունները

ՀՀ բարձր տեխնոլոգիական արդյունաբերության նախարար Հակոբ Արշակյանը ընդունել է Տաջիկստանի արդյունաբերության և նոր տեխնոլոգիաների նախարար Ֆայզուլլոզոդա Զարոբիդդինին, ով Հայաստանում է ՝ մասնակցելու ՀԱՊԿ անդամ պետությունների Ռազմատնտեսական համագործակցության միջպետական հանձնաժողովի (ՌՏՀՄՀ) 17-րդ նիստի աշխատանքներին: Այս մասին տեղեկացնում է ՀՀ բարձր տեխնոլոգիական արդյունաբերության նախարարությունը: Նախարար Հակոբ Արշակյանը, ողջունելով Ֆայզուլլոզոդա Զարոբիդդինին, ներկայացրել է նորաստեղծ նախարարության հիմնական ուղղություններն ու նպատակները: Նախարարը մանրամասնել է Հայաստանի բարձր տեխնոլոգիաների ոլորտի զարգացման հիմնական առավելությունները՝ կրթությունից մինչև գիտահետազոտություն ու արդյունաբերություն։ Նա անդրադարձել է տեխնոլոգիական կրթության հայկական մոդելին՝ Արմաթ -ից մինչև Թումո և ՔՈԱՖ , Պոլիտեխնիկի Ազգային ինժեներական լաբորատորիաների ծրագրից մինչև ստարտափ էկոհամակարգին ուղղված պետական քաղաքականություն։ Հակոբ Արշակյանն ընդգծել է հայկական գիտական մեծ ներուժի առկայությունը տեխնոլոգիական ոլորտի տարբեր ուղղություններում, անդրադարձել Ինժեներական քաղաք ծրագրին, ներկայացրել համաշխարհային անվանում ստացած հայկական ստարտափերը։ Նախարարը ներկայացրել է նաև թվայնացման ոլորտում Հայաստանի առաջընթացը և նշել, որ պատրաստակամ է այս ամենի փորձով կիսվելու, զարգացնելու գործընկերային հարաբերությունները Տաջիկստանի հետ։ Նախարար Ֆայզուլլոզոդա Զարոբիդդինը շնորհակալություն է հայտնել ընդունելության համար, նշել, որ տեղյակ է տեխնոլոգիական ոլորտում Հայաստանի ձեռքբերումներից, առաջընթաց զարգացումներից: Նա հանգամանալից ներկայացրել է իրենց նախարարության ոլորտային ուղղությունները, մանրամասնել երկրի տնտեսության զարգացման գործում ունեցած դերն ու նշանակությունը։ Ֆայզուլլոզոդա Զարոբիդդինը կարևորել է տեխնոլոգիաների զարգացումն ու դրանց կիրառությունը տնտեսության տարբեր ճյուղերում, ընդգծել, որ հետաքրքրված են մի շարք ուղղություններով համագործակցելու։ Նախարարը համապատասխան ստորաբաժանումներին հանձնարարել է աշխատել Տաջիկստանի համապատասխան մարմինների հետ և ներկայացնել համագործակցության կոնկրետ առաջարկներ։

Related news

Latest News
Hashtags:   

Հակոբ

 | 

Արշակյանը

 | 

Տաջիկստանի

 | 

գործընկերոջ

 | 

քննարկել

 | 

համագործակցության

 | 

հնարավորությունները

 | 
Most Popular (6 hours)

Most Popular (24 hours)

Most Popular (a week)

Sources