Friday 20 September 2019
Home      All news      Contact us      English
tert.am - 9 days ago

«Ասթմա ունեմ, մի´ արեք, կխեղդեք ինձ». հրապարակվել է սաուդցի լրագրող Ջամալ Խաշոգիի սպանության ձայնագրությունը (լուսանկարներ)

Սաուդցի վարձու մարդասպանների և նրանց զոհ դարձած լրագրող Ջամալ Խաշոգիի միջև սարսափելի խոսակցությունների ձայնագրություններն առաջին անգամ հրապարակվել են թուրքական Sabah թերթում: Խոսակցություններն արձանագրվել են 2018 թվականի հոկտեմբերի 2-ին Ստամբուլի հյուպատոսարանում: Լրագրողի սպանության ձայնագրությունը ձեռք է բերվել Թուրքիայի Ազգային հետախուզական կազմակերպության (MIT) կողմից և փոխանցվել է միջադեպի հետաքննություն իրականացնող համապատասխան թուրքական իշխանություններին, ինչպես նաև միջազգային պաշտոնյաներին և հաստատություններին: Թուրքիայի իշխանությունները պաշտոնապես հաստատել էին ձայնագրության գոյությունը և հայտնել էին, որ տրանք տրամադրել են գործի հետաքննությամբ զբաղվող միջազգային պաշտոնյաներին, սակայն հայտնի չէ, թե ինչպես է թերթը ձեռք բերել ձայնագրությունը: Սաուդյան Արաբիայի անվտանգության գլխավոր վարչության դատական փորձաքննությունների բաժնի ղեկավար Մահեր Աբդուլազիզ Մուտրեբի, որը պատասխանատու էր Խաշոգիի սպանելու համար, սպանության համար պատասխանատու երկրորդ մարդու և Սալահ Մուհամեդ Ալ-Թուբայգի միջև, որը մասնատել էր լրագրողի մարմինը, տեղի ունեցած զրույցների ձայնագրություններից մեկը արվել է 1:02-ին՝ Խաշոգիի հյուպատոսության շենք ժամանելուց ընդամենը 12 րոպե առաջ: Ստորև ներկայացնում ենք ձայնագրությունից հատվածներ: Հնարավոր է տոպրակի մեջ տեղավորել մարմինը ,- ասում է Մուտրեբը: Ոչ, չափազանց ծանր է: Ես միշտ դիակների հետ գործ ունեցել եմ: Ես շատ լավ կարող եմ կտրտել: Թեև կենդանի մարմնի հետ դեռևս գործ չեմ ունեցել, բայց գլուխ կհանեմ: Սովորաբար ականջակալներ եմ դնում դիահերձելիս ու նաև սուրճ եմ խմում ու ծխում: Երբ կտրատեմ մարմինը, պլաստիկ փաթեթների մեջ կդնես, դրանք էլ ճամպրուկում ու դուրս կբերես շենքից ,- ասում է Ալ-Թուբայգին: Ալ-Թուբայգին նաև հայտնել է. Դատական փորձաքննության իմ ղեկավարը չգիտի՝ ինչ եմ անում: Չկա մեկը, ով կարող է պաշտպանել ինձ : Զրույցի վերջում Մութրեբը հարցնում է, թե արդյոք եկել է կենդանին, որը պետք է զոհաբերվի : Ժամը 1:14-ին երկրորդ, դեռևս չպարզված անձը ասում է. Նա այստեղ է : Խաշոգիի մարմինը քարշ տալուց հետո նախքան գիտակցությունը կորցնելը Ջամալ Խաշոգին ասում է. Բերանս փակ չեք պահի : Ասթմա ունեմ: Մի արեք, կխեղդեք ինձ ,- Խաշոգիի վերջին խոսքերն են: Հիշեցնենք, որ Խաշոգջին աշխատում էր The Washington Post թերթում և 2017թ.-ից ի վեր ապրում էր ԱՄՆ-ում: Անցած տարվա հոկտեմբերի 2-ին նա Թուրքիայում Սաուդյան Արաբիայի հյուպատոսարան մտնելուց հետո անհետ կորել էր: Հյուպատոսարանից հայտնել էին, թե Խաշոգջին կորել է հյուպատոսության շենքից դուրս գալուց հետո: Ավելի ուշ Սաուդյան Արաբիան խոստովանել էր, որ լրագրողը սպանվել է, ըստ նրանց՝ դա տեղի է ունեցել հյուպատոսության ներսում ծագած վեճի հետևանքով: Հետաքննության արդյունքում Ստամբուլի դատախազությունը հայտարարել էր, որ լրագրողին դիտավորյալ խեղդամահ են արել, իսկ մարմինն անդամահատել ու ոչնչացրել են:

Related news

Latest News
Hashtags:   

Ասթմա

 | 

ունեմ

 | 

կխեղդեք

 | 

հրապարակվել

 | 

սաուդցի

 | 

լրագրող

 | 

Ջամալ

 | 

Խաշոգիի

 | 

սպանության

 | 

ձայնագրությունը

 | 

լուսանկարներ

 | 
Most Popular (6 hours)

Most Popular (24 hours)

Most Popular (a week)

Sources