Friday 20 September 2019
Home      All news      Contact us      English
tert.am - 9 days ago

Չորրորդ արդյունաբերական հեղափոխությանը զուգընթաց առաջանում են նոր մասնագիտություններ, վերանում՝ հները Տ․Ավինյանը մասնակցեց «Կրթությունից՝ աշխատանք» ծրագրի մեկնարկին

Ս․ թ․ սեպտեմբերի 11-ին փոխվարչապետ Տիգրան Ավինյանը մասնակցեց Հայաստանի կայուն զարգացման նպատակների ազգային նորարարական կենտրոնի ու Հանրային քաղաքականության ինստիտուտի կողմից նախաձեռնած Կրթությունից՝ աշխատանք ծրագրի ներկայացմանը։ Այս մասին հայտնում է Փոխվարչապետի գրասենյակը։ Շնորհավորելով մեկնարկի կապակցությամբ՝ Տիգրան Ավինյանը հույս հայտնեց, որ ծրագրի հաջող իրականացումը կնպաստի մի շարք մարտահրավերների հաղթահարմանը, որոնք առկա են Հայաստանի աշխատաշուկայում: Փոխվարչապետն ասաց, որ գրեթե բոլոր պետությունները բախվում են գործազրկության խնդրի հետ և ավելի ու ավելի դժվար է դառնում այն ավանդական մոտեցումներով կառավարելը, ինչի հիմնական պատճառը աշխարհում արագ տեղի ունեցող փոփոխություններ են: Ուսուցչի, հանրային ծառայողի, ինժեների աշխատանքին ներկայացվող պահանջներն այսօր զգալիորեն տարբերվում են տասը տարի առաջ առկա պահանջներից: Չորրորդ արդյունաբերական հեղափոխությանը զուգընթաց առաջանում են նոր մասնագիտություններ, ու վերանում հները: Այսպիսով՝ զբաղվածության դաշտում փոփոխությունները ստիպում են փնտրել նոր ու ստեղծագործ լուծումներ: Կրթությունից՝ աշխատանք ծրագիրը որդեգրել է հենց այս մոտեցումը և լիովին համահունչ է կառավարության Աշխատիր Հայաստան նախաձեռնության նպատակներին, որոնք իրենց առանցքում դնում են աշխատանքի ոլորտում փաստերի վրա հիմնված քաղաքականությունների մշակումը: Կրթությունից՝ աշխատանք ծրագրում փոխվարչապետը հատկապես կարևորեց արհեստական բանականության միջոցով աշխատաշուկայի միտումների և ապագայի մասնագիտությունների պահանջարկի ուսումնասիրությունը, ինչը կարող է կրթության ոլորտի նոր քաղաքականության մշակման հիմք դառնալ: Փոխվարչապետը անդրադարձավ նաև այն հանգամանքին, որ Կրթությունից՝ աշխատանք ծրագրի բաղադրիչ է փափուկ հմտությունների ձևավորմանը նպաստելը: Նա ընդգծեց, որ փափուկ հմտությունները ժամանակակից աշխատաշուկայում մեծ դեր ունեն, սակայն դրանք լիարժեքորեն չեն ձևավորվում ֆորմալ կրթության գործընթացում: Մինչդեռ չափազանց կարևոր է աշխատաշուկա մուտք գործողին սովորեցնել քննադատելու, ստեղծագործելու, թիմում աշխատելու և այլ փափուկ հմտություններ: Հարցը օրակարգային է նաև կառավարության համար և ընդգրկված է Աշխատիր Հայաստան ծրագրում:

Related news

Latest News
Hashtags:   

Չորրորդ

 | 

արդյունաբերական

 | 

հեղափոխությանը

 | 

զուգընթաց

 | 

առաջանում

 | 

մասնագիտություններ

 | 

վերանում՝

 | 

հները

 | 

Տ․Ավինյանը

 | 

մասնակցեց

 | 

Կրթությունից՝

 | 

աշխատանք

 | 

ծրագրի

 | 

մեկնարկին

 | 
Most Popular (6 hours)

Most Popular (24 hours)

Most Popular (a week)

Sources